Hosea 7:1 - MUMA MALER 2015

¹ “Pile ka adwaro chango jo-Israel mondo gichak gidhi nyime maber, to richogi gi timbegi makuero ema aneno. Giwuondo ji kendo gituro udi mondo gikuelie, bende gimayo ji gik moko kata mana e wang’ yore.

Motingʼo Loko Manyien

¹ e kinde ka kinde madwaro changoe Israel, to richo mag Efraim elore kendo timbe mahundu mag Samaria fwenyore. Gihero wacho miriambo, jokwoge turo udi, jonjore mayo ji e yore;

Hosea 7:1 Iomraidhean Croise

Isaya 28:1

Yaye, inine malit, in dala Samaria manie holo momew, ma jomer mag Israel sungorego ka osimbgi. Duong’ni biro rumo mana ka maua moner, in dala ma joge lwokore gi kong’o!

Isaya 59:12

Richowa osebedo ka medore ameda e nyim Nyasaye. Chutho timbewa mamono ema nyiso ni wan joricho. Wang’eyo timbewa mamono kendo waparogi.

Isaya 59:13

Waseng’anyo, mi waketho e nyim Ruoth Nyasaye. Adier, wasedok chien, mi wajwang’o Nyasachwa. Bende waseparo weche mag miriambo e chunywa, kendo mago ema wawuondogo ji.

Isaya 59:14

Bura makare ogol oko, kendo tim makare ni kuma bor. Adiera bende onge kata mana e chirni, kendo bura makare orumo e ut bura chuth.

Jeremia 51:9

Jo-pinje mamoko modak kuno nowacho niya, ‘Ne watemo konyo Babulon, to kata kamano kinde nosekadho. Koro biuru, wawuogi mondo wadog thuchewa, nimar osekum Babulon gi kum malich mochopo nyaka e polo.’

Ezekiel 16:46

“Nyameru maduong’ en Samaria mane ni yo nyandwat kaachiel gi mier matindo mokiewo kode. To nyameru matin en Sodom, mane ni yo milambo kaachiel gi mier matindo mokiewo kode.

Ezekiel 23:4

Nyako maduong’ ne nyinge Ohola, to matin ne nyinge Oholiba. Ne akendogi giduto, mi ginywolona nyithindo. (Ohola ochung’ kar Samaria, to Oholiba ochung’ kar Jerusalem.)

Ezekiel 24:13

In Jerusalem bende, timbeni mag chode osemiyo ibet modwanyore. Kata obedo ni ne atemo pwodhi kamano, to pod ne isiko asika ka idwanyori. Kuom mano, ok nichak ibed maler kendo, nyaka chop ka akumi gi mirimba duto mager.

Hosea 10:5

Kihondko nomak joma odak Samaria, kendo giniywag nyaroya molos gi dhahabu man Bethel. Gin kaachiel gi jodolo matiyo ni nyasaye manonono noywag koneno ka itero girgi ma gigeno kuome Asuria

Hosea 11:12

Ruoth Nyasaye wacho niya, “Jo-Israel osemera gi miriambo kod wuond, kendo jo-Juda bende pod osiko odagi wachna, an Ng’ama kare kendo maler.

Hosea 11:8

“To ere kaka daweu, un jo-Israel? Koso ere kaka dajwang’u? Bende datieku adier, kaka ne atieko jo-Adma? Koso anyalo timonu kaka ne atimo ni jo-Zeboim? Ooyo, ok anyal timonu kamano, nikech aherou ahinya.

Hosea 12:1

Gik moko ma jo-Israel timo, chakre okinyi nyaka otieno, gin gik manono kendo mahinyo ji. Miriambo kod timbe mag mahundu medore ameda kuomgi. Gitimo winjruok gi jo-Asuria, kendo gichiwo mor zeituni ni jo-Misri mondo okonygi.

Hosea 12:2

Ruoth Nyasaye dwaro yalo jo-Juda, bende obiro kumo jo-Israel maromre gi timbegi maricho.

Hosea 4:17

Jo-Israel ni e bwo loch mar nyiseche manono,

Hosea 4:2

Ji ketho singruok ma gisetimo, bende giriambo, gineko, gikuelo, kendo giterore. Timbegi maricho medore ameda, kendo gichuero remo kinde duto.

Hosea 5:1

“Un jodolo, winjuru wachni! Chikuru itu, un jo-Israel. Winjuru un joka ruoth, nikech un ema onego ung’ad ni ji bura, to koro un ema ibiro ng’adnu bura. Usemiyo obadho omako jo-Mizpa, kendo uchalo gogo mamako ji ewi got Tabor.

Hosea 6:4

To Ruoth Nyasaye wacho niya, “Un jo-Israel gi jo-Juda, ang’o ma anyalo timonu? Hera ma uherago lal piyo mana ka ong’weng’o mar okinyi, kata ka tho maduono ka nyango tegno.

Hosea 7:13

“Gidiwo, nimar giseweya mi gipiem koda, omiyo ibiro tiekgi. Ne adwaro resogi, to giwacho miriambo kuoma.

Hosea 8:5

Asedagi nyaroya mar dhahabu ma jo-Samaria lamo, kendo mirimba ng’ang’ni kuomgi. Koro pod gidwaro ni mondo akumgi nyaka karang’o?

Hosea 8:9

Gisedhi Asuria mondo giyudie konyruok, ka gichalo kanj thim moringo oa e kweth, kendo gitimo mana gima gin ema gidwaro. Adier, jo-Israel oseng’iewore kuom ogendini mamoko mondo okonygi.

Amos 3:10

Ruoth Nyasaye owacho kama: “Jogo ok ong’eyo kaka digibed joma obidhore. Gipong’o utgi madongo gi gik moyaki.

Amos 3:9

Gouru milome e ut ruodhi mag Ashdod gi mag Misri, kuwacho niya, “Chokreuru kanyakla e gode moluoro Samaria, mondo uneye timbe pogruok matimore e dalano, kendo kaka ithiro ji kuno.”

Amos 8:14

Ji duto makuong’ore gi nying Ashima, ma Nyasaye madhako mar Samaria, kata makuong’ore gi nyasach Dan, kendo gi nyasach Beer-sheba, nopodh chuth, kendo ok nochak oa malo.”

Mika 6:16

Useluwo timbe maricho mag ruodh Omri, gi mag dhood Ahab, kendo pok uweyogi. Omiyo abiro tiekou, mi jou bed joma ichayo. Adier, ogendini mamoko duto biro mana charou.”

Mathayo 23:37

“Yaye, jo-Jerusalem! Yaye, jo-Jerusalem! Un munego jonabi, kendo ugoyo joma Nyasaye ooro iru gi kite. Mano kaka asedwaro mondo achoku kaka nyabuch gweno choko nyithinde e bwombe, to usetamoru.

Luka 13:34

“Yaye jo-Jerusalem! Yaye jo-Jerusalem! Un munego jonabi, kendo ugoyo joma Nyasaye ooro iru gi kite! Mano kaka asedwaro mondo achoku duto kaka nyabuch gweno choko nyithinde e bwombe, to usetamoru.

Luka 19:42

kowacho niya, “Yaye, mad ne bed ni ing’eyo tinendeni gima dikelni kue! To kata kamano ogeng’ore ni wang’i.