Hosea 6:3 - MUMA MALER 2015

³ Weuru wabolre kendo watem bedo joma ong’eyo Ruoth Nyasaye, nimar obiro biro irwa adier, mana ka piny ma jaru pile. Bende obiro biro mondo oguedhwa, mana na koth ma miyo piny bedo mang’ich.”

Motingʼo Loko Manyien

³ Waluonguru Jehova Nyasaye; wadhiuru nyime gi luongo nyinge. Mana kaka chiengʼ wuok, e kaka obiro wuok; enobi irwa mana ka kodh chwiri, mana ka koth mabiro bangʼ chwiri mamiyo lowo bedo mangʼich.”

Hosea 6:3 Iomraidhean Croise

2 Samuel 23:4

To lochne chalo gi ler mar wang’chieng’, mopilore gokinyi ka boche polo onge, kendo mamiyo lum loth bang’ koth.’

Ayub 29:23

Ne giritogi mana ka joma rito koth e ndalo oro.

Zaburi 19:4

to kata kamano gima ginyiso, iwinjo e pinje duto. Wachgi tundo e tung’ piny gi tung’ piny. Nyasaye oseyaro ni wang’ chieng’ hema e kor polo.

Zaburi 19:6

Ochako ng’wech e tung’ polo konchiel, kendo olworore nyaka komachielo. Lietne chopo kuom gik moko duto te.

Zaburi 63:8

Apadora kuomi, kendo lweti rita maber.

Zaburi 65:9

Pile iguedho piny kikelo koth ma miyo obedo momew. Aoreni ok duon, kendo gimiyo puothe nyak maber Mano e kaka iguedho piny!

Zaburi 72:6

Ruoth onego chal gi koth machue kendo miyo piny bedo mang’ich.

Ngeche 4:18

Wang’yo ma joma kare luwo, chalo chieng’ mapilore gokinyi, kendo medore ameda nyaka nyango tegno.

Isaya 2:3

ka giwacho niya, ‘Wadhiuru god Ruoth Nyasaye. Enopuonjwa yorene kendo wanaluwgi.’ Puonj mar Ruoth Nyasaye wuok Jerusalem. Ee, Sayun e kama owuoyoe gi joge.

Isaya 32:15

nyaka chop roho moa e polo malo lor kuomwa. Eka piny motwo nolokre puothe momew, mi yien mabeyo dongie.

Isaya 44:3

nikech abiro kelo koth mang’eny e lowo motwo mobaro okak. Bende abiro olo rohona kuom kothu, ka aguedhogi.

Isaya 5:6

Kamano, anawe okethre. Bende ok nolwer bede olembene, kata doch ok nodoye, to kudho kod pedo ema nogawree, kendo anakwer boche polo mondo koth kik chak chue kanyo.

Isaya 54:13

Ruoth Nyasaye ema nopuonj joma geri duto, kendo nyithindi nodhi nyime maber ahinya.

Jeremia 24:7

Anamigi chuny mar ng’eyo ni an e Ruoth Nyasaye. Bang’e ginibed joga, kendo anabed Nyasachgi, nikech giniduog ira gi chunygi duto.

Ezekiel 36:25

Anakir kuomu pi maliw, mi apuodhu kuom nyisecheu mamono, kod gimoro amora mane odwanyou.

Hosea 10:12

Bang’e ne awachonigi niya, ‘Chwouru timbe makare, eka unuka gueth mawuok kuomgi. Paruru okang’, nikech en kinde ma onego uduogie ira, an Ruoth Nyasachu, mi nabi kendo aol gueth kuomu.’

Hosea 14:5

Abiro chalo ni jo-Israel kaka koth e piny motwo. Gibiro moyo ka maua, kendo tiendegi biro kar ka yiend Lebanon.

Hosea 14:6

Gibiro loth kendo gibiro bedo mabeyo ka yiend zeituni. Ginidum mamit mana ka yiend sida mag Lebanon.

Hosea 2:20

Anarit singruokna, kendo anatimu joga, mi unung’e ni an e Ruoth Nyasaye.

Mika 4:2

Giniwach niya, “Waidhuru god Ruoth Nyasaye mondo wadhi e Hekalu mar Nyasach Israel. Enopuonjwa yorene, mi wanaluwgi.” Puonj mar Ruoth Nyasaye wuok Jerusalem. Ee, Sayun e kama owuoyoe gi joge.

Mika 5:2

Bethlehem Efratha, in e dala matinie moloyo miech Juda duto. To kuomi ema jatend Israel biro wuokie, ma anywolane nitie nyaka nene.

Mika 5:7

Jo-Israel modong’ mak otho nochal ni ogendini mang’eny ka koth ma Ruoth Nyasaye okelo ni cham, nikech dhano ok nyal kelo koth, to Nyasaye ema kele.

Zekaria 10:1

Kwauru Ruoth Nyasaye koth e kinde mowinjore, nimar en ema okelo boche polo morweyo, eka koth chue mi dhano gi le yud chiemo.

Malaki 4:2

To un joma oluoro nyinga tekona nopilre kuomu ka wang’chieng’ ma kelo ler, mi noresu, kendo ler mare nobed gima changou. Unubed joma ni thuolo kendo mail ka nyiroye moyawnigi abila.

Mathayo 13:11

Yesu nodwokogi niya, “Un osemiu ng’eyo weche mopondo mag Loch Polo; ji mamoko to ok omi,

Luka 1:78

Mano notimre nikech Nyasachwa ng’won kendo muol. Enomi Jal mawuok e polo, machalo gi ler mar okinyi, limwa,

Johana 17:3

Ka ng’ato ong’eyi, in Nyasaye ma achiel kende, kendo ong’eyo Jal mane ioro, ma en Yesu Kristo, to en gi ngima ma nyaka chieng’.

Johana 7:17

Ng’at moyie timo gima Nyasaye dwaro, to biro ng’eyo kata ka weche ma apuonjo oa ka Nyasaye, kata ka apuonjo mana wechena awuon.

Tich Joote 17:11

Jo-Yahudi mane odak kuno ne nigi chuny mathuolo moloyo mago mane odak Thesalonika. Ne gichiko itgi mi giwinjo wach gi chuny moyangore chuth, kendo ne gisomo Muma pile mondo gine ane ka weche Paulo gin adier.

Rapar mar Chik 32:2

Puonj mara mondo obed ka koth machue e lek, kendo wechena mondo obed ka tho mamiyo lum doko mang’ich.

Jo-Hibrania 3:14

nimar ka wamako geno mane wachakogo nyaka giko matek, to wanabed jocham gikeni kaachiel gi Kristo.

2 Petro 1:19

Omiyo wamedo yie matek moloyo kuom wach mane jonabi okoro. Ber mondo urit wachno chuth, nikech en kaka taya maliel kama otimo mudho, nyaka piny yawre, mi sulue mar okinyi wuog karieny e chunyu.

Fweny 22:16

“An Yesu aseoro malaikana mondo ohulnu wechegi ukonygo kanyakla mag jo-Kristo. An Nyakwar Daudi, kendo an sulue mar okinyi.”