Hosea 5:3 - MUMA MALER 2015

³ Ang’eyo kaka jo-Israel chalo, kendo ok ginyal pondona. Giseweya kaka dhako weyo chwore, to dwanyore gi chwo mamoko.”

Motingʼo Loko Manyien

³ Angʼeyo gik moko duto kuom Efraim; onge gima opondona kuom jo-Israel. Efraim, un to usedoko kaka ochot; to jo-Israel timo timbe modwanyore.

Hosea 5:3 Iomraidhean Croise

Isaya 7:16

nikech kata obedo ni koro uluoro ruodh Efraim gi ruodh Aram, to ka pok nyathino ong’eyo pogo gima rach gi gima ber, to pinje ruodhi ariyogo nobed mojwang’

Isaya 7:17

To in Ahaz, Ruoth Nyasaye biro keloni kaachiel gi jogi kod joodi masira ma pok oneye nyaka ne jo-Israel pogre kuom jo-Juda. Ruodh Asuria ema nokel masirano.

Isaya 7:5

Adier, jo-Aram gi jo-Efraim kaachiel gi wuod Remalia osechano mondo otieku, ka giwacho niya,

Hosea 1:2

Kane Ruoth Nyasaye okwongo miyo Hosea owuoyo ni jo-Israel, ne owachone niya, “Jopinyni oseweya, molamo nyiseche mamoko, mana ka dhako moweyo chwore mondo odwanyre gi chwo mamoko.

Hosea 12:1

Gik moko ma jo-Israel timo, chakre okinyi nyaka otieno, gin gik manono kendo mahinyo ji. Miriambo kod timbe mag mahundu medore ameda kuomgi. Gitimo winjruok gi jo-Asuria, kendo gichiwo mor zeituni ni jo-Misri mondo okonygi.

Hosea 13:1

Chon kane jo-Efraim wuoyo, to ji mamoko tetni. Dhoodgi ne duong’ moloyo dhout Israel mamoko. To ji noketho kuom lamo Baal, kendo gibiro tho nikech wachno.

Hosea 13:5

Ne aritou e thim, piny motwo motimo ongoro.

Hosea 5:11

Jo-Israel ni e thagruok. Gisewito piny mane margi nikech ne giramo ni nyaka giring gidhi ir ji mamoko mondo okonygi, to kara jogo onge gima dikonygigo.

Hosea 5:13

“Mano omiyo, kane jo-Israel oneno ni tuo osemakogi, kendo kane jo-Juda bende oneno adhondegi giwegi, jo-Israel noringo odhi Asuria mondo ruoth maduong mar pinyno okonygi. To ruodhno ne ok nyal changogi kata thiedho adhondegigo.

Hosea 5:9

Ruoth Nyasaye wacho niya, “Aseng’ado bura mak lokre ni, chieng’ mokumie jo-Israel, to ginirum pep.

Hosea 6:10

Aseneno ka gitimo gima mono e Israel. Joga osedwanyore kendgi kuom lamo nyiseche manono.

Hosea 6:4

To Ruoth Nyasaye wacho niya, “Un jo-Israel gi jo-Juda, ang’o ma anyalo timonu? Hera ma uherago lal piyo mana ka ong’weng’o mar okinyi, kata ka tho maduono ka nyango tegno.

Hosea 8:11

“Kaka jo-Israel medo kende-mag-misango mang’eny mondo ogolgo richo e kaka gimedo bedo gi kuonde mang’eny ma gitimoe richo.

Amos 3:2

kendo un ema aseng’eyou kendo ritou kuom ogendini duto manie piny. Kuom mano abiro kumou kuom richou duto.

Amos 5:12

nimar ang’eyo kaka kethou ng’eny, kendo ang’eyo kaka richou okadho akwana. Un usando joma onge gi ketho, kendo uchamo asoya, bende utamo joma odhier yudo bura makare.

Rapar mar Chik 33:17

Dhoode nochal gi nyarwath makayo, ma tungene chalo gi tung jowi, ma obiro chwowogo ogendini, moriembgi nyaka tung piny gi tung’ piny. Tungego gin gi ji tara gi tara ma jo-Efraim, kod ji gana gi gana ma jo-Manase.”

Jo-Hibrania 4:13

Onge gimoro amora mochue, manyalo pondo ni Nyasaye, to gik moko duto elore e lela ni Jal ma nyaka wanyis gik ma wasetimo.

Fweny 3:15

“ ‘Ang’eyo timbeni duto. Ang’eyo ni ok ing’ich, bende ok iliet. To daber kibedo maliet kata mang’ich.