Hosea 4:7 - MUMA MALER 2015

⁷ “Kaka jodolo medore e kaka gimedo timo richo e nyima. Abiro loko nying maber ma gin go obed nyiero.

Motingʼo Loko Manyien

⁷ Kaka jodolo medore, e kaka gimedo timo richo e nyima; gisewilo duongʼ margi gi gima kelo wichkuot.

Hosea 4:7 Iomraidhean Croise

Ezra 9:7

Chakre ndalo kwerewa nyaka chil kawuono, wasebedo joketho ahinya. Mano emomiyo ruodhi mag pinje mamoko osenegowa, kendo tueyowa kendo yako giwa, mi wasebedo gi wichkuot maduong’. Pod wasiko kamano kaachiel gi ruodhiwa kod jodolowa nyaka chil kawuono.

Hosea 10:1

Jo-Israel ne chalo gi yadh mzabibu monyak maber. Kaka ne gimedo dhi nyime maber, e kaka ne gimedo gero kende mag misango, kendo kaka pinygi ne nyak maber, e kaka ne giloso sirni milamo mabeyo.

Hosea 10:6

mondo ochiw ni ruodh Asuria ka osuru. Wi jo-Israel nokuodi nikech richogi giwegi.

Hosea 13:14

Uparo ni abiro reso jogi kuom tho, kata konyogi ni kik gidhi e piny joma otho? Ooyo! In tho, bi gi masicheni duto, kendo in piny joma otho, bi gi kethruokni duto, nimar ok abi kecho jogi.

Hosea 13:6

To kane udonjo e piny maber, ne uyudo gik moromou muyieng’, kendo ne udoko josunga, mi wiu owil koda.

Hosea 4:10

Ka gichiemo, to ok giniyieng’. Gilamo nyasach nyodo, to kata kamano ok ginywol nyithindo, nikech giseweya, kendo gilamo nyiseche mamoko.

Hosea 5:1

“Un jodolo, winjuru wachni! Chikuru itu, un jo-Israel. Winjuru un joka ruoth, nikech un ema onego ung’ad ni ji bura, to koro un ema ibiro ng’adnu bura. Usemiyo obadho omako jo-Mizpa, kendo uchalo gogo mamako ji ewi got Tabor.

Hosea 6:9

Jodolo chalo mony mag jomecho marito ji kobuto e bungu. Kata mana e wang’ yo madhi Shekem ginegoe ji. Gitimo mahundu mana gi wang’ matek.

Hosea 9:11

Duong’ mar Israel biro huyo ka winyo, mi lal nono, kendo ok ginichak ginywol nyithindo, kata bedo mayach mondgi ok nochak obedi. Onge nyathi ma nomak ichne.

Habakuk 2:16

To un bende duong’ ma un go biro lokore wichkuot, nikech ubiro madho kikombe ma mirimb Nyasaye opong’o mi ukwang’. Ee, Nyasaye biro kumou malit mi unubed gi wichkuot marach kar duong’ mane un-go.

Malaki 2:9

Mano emomiyo an bende asemiyo jo-Israel jarou kendo chayou, nikech ok uluw chikena, to bende ka upuonjo ji wachna, to ok utimnigi machalre giduto.”

Rapar mar Chik 32:15

Kamano dhood Jakobo nochiemo, moyieng’. Adier, joka Jeshurun nodoko machwe, mogwecho. Ee, nubedo machwe ahinya, nikech nuchiemo mang’eny. Ne giweyo Nyasaye ma nochweyogi, ka gicharo Lwanda ma noresogi.

Jo-Filipi 3:19

To notiekgi e giko, nimar igi e nyisechegi, kendo gisungore mana ni gik makelonigi wichkuot, bende giparo mana weche mag pinyni.

1 Samuel 2:30

Nasingora ni dhoodu ni ginitina nyaka chieng’. To koro awacho ni ok nobed kamano ngang’, nimar joma miya duong’ ema nami duong’, to jogo mochaya, ok nokwan ka gimoro.