Hosea 4:2 - MUMA MALER 2015

² Ji ketho singruok ma gisetimo, bende giriambo, gineko, gikuelo, kendo giterore. Timbegi maricho medore ameda, kendo gichuero remo kinde duto.

Motingʼo Loko Manyien

² Nitie mana kwongʼ, miriambo kod nek, kuo gi chode; kendo giketho singruok duto, kendo chwero remo timore monwore.

Hosea 4:2 Iomraidhean Croise

Chakruok 4:8

Kain nowacho ni Habil omin mare ni mondo gidhi giba, to ka ne gisedhi e thim kuma bor gi dala, nogoyo Habil monego.

Isaya 24:5

Ji modak e piny osedwanyo piny, nikech gidagi rito chike, mi giketho muma mochwere.

Isaya 48:1

Winjuru, un joka Jakobo, miluongo ni jo-Israel, kendo ma koth Juda. Ukuong’oru gi nying Ruoth Nyasaye, kendo ulamo Nyasach Israel, to ok ulame gi adiera, kata e yo makare,

Jeremia 51:5

An Ruoth Nyasaye Manyalo Gik Moko Duto pok ajwang’o jo-Israel gi jo-Juda, kata obedo ni gisetimo timbe maricho e nyima kamano, an Ng’ama Ler mar Israel.

Jeremia 6:7

Kaka pi soko bubni pile, e kaka richo Jerusalem bende osiko ka bubni. Dalano opong’ gi lweny kod masiche, kendo tuoche gi adhonde ema aneno kanyo.

Ywagruok 4:13

Mago notimore nikech richo mag jonabi mage, kendo nikech timbe mamono mag jodolone, mane ochuero remb joma kare.

Ezekiel 7:23

“Losuru ni joga nyoroche, nikech nek opong’o piny, kendo mier otimo mahundu lilo.

Hosea 10:13

To kar timo kamano, ne uchuoyo mana timbe maricho, mi richo ema ukayo, kendo usechamo olemo ma miriambou onyago. “To nikech ne ugeno yoreu uwegi, kendo ne ugeno kuom jolwenju marateke mathoth,

Hosea 10:4

Githoro weche manono ka gikuong’ore gi miriambo kendo giloso winjruok ma ok nyal konyo. Adiera oselokore miriambo, kendo landore e piny duto kaka kayongo ma ketho lowo.

Hosea 11:12

Ruoth Nyasaye wacho niya, “Jo-Israel osemera gi miriambo kod wuond, kendo jo-Juda bende pod osiko odagi wachna, an Ng’ama kare kendo maler.

Hosea 12:14

Jo-Israel osemiyo Ruoth Nyasaye mirima mager. Giwinjore gi tho kuom timbegi maricho, kendo Nyasaye ok nowenigi richogi, to obiro kumogi kuom wichkuot ma gisemiye.

Hosea 5:2

Usepiem koda muweya mi udonjo e richo matut, omiyo abiro kumou uduto.

Hosea 6:8

Gilead en dala ma jomahundu opong’o, kendo ma remb joma onegi chuerie.

Hosea 6:9

Jodolo chalo mony mag jomecho marito ji kobuto e bungu. Kata mana e wang’ yo madhi Shekem ginegoe ji. Gitimo mahundu mana gi wang’ matek.

Hosea 7:1

“Pile ka adwaro chango jo-Israel mondo gichak gidhi nyime maber, to richogi gi timbegi makuero ema aneno. Giwuondo ji kendo gituro udi mondo gikuelie, bende gimayo ji gik moko kata mana e wang’ yore.

Hosea 7:3

Ruoth Nyasaye wacho niya, “Ji wuondo ruoth gi jodonge kuom yoregi maricho.

Hosea 7:4

Giduto gin jowuond kendo jomriambo. Gichalo kendo ma mach nyenyni, ma jatedo ok chwalie mach nyaka mogo mosedwalo kuodi.

Mika 3:2

To kata kamaano, umon gi gima ber, kendo uhero mana gima rach! Usando joga malit mana ka ondiek makidho rombo kendo yuyo ring’o oko kuom choke,

Mika 3:9

Winjuru, un jo-Israel mochayo timbe makare, kendo ma loko adiera bedo miriambo.

Mika 6:10

Mwandu muyudo e yor miganga ema opong’o ut joma richo. Gipimo gik moko gi rapim ma ok ni kare, ma ok adwar.

Mika 7:2

Ji moluoro Nyasaye oserumo e piny Israel, kendo onge kata ng’at achiel makare modong’. Ji duto kichore ni chuero remo, kendo ng’ato ka ng’ato chiko mana ni wadgi obadho.

Zefania 3:1

Mano wach malit manade kuom dala Jerusalem, ma jasand ji, kendo monyorore ma japiem!

Zekaria 5:3

Bang’e nowachona niya, “Mano en kuong’ ma lak e piny ngima. Weche mondik e bath kalatasno konchiel biro tieko jokuo duto, kendo weche mondik e bathe komachielo notiek ji duto ma kuong’ore gi miriambo.

Zekaria 7:9

“An Ruoth Nyasaye ne awacho niya, ‘Ng’aduru bura kare, ka ng’ato ka ng’ato miyo wadgi luor kendo timone ng’wono.

Mathayo 23:35

Kamano unuyud kum kuom remb joma kare duto mosechuer e piny, chakre remb Habil nyaka remb Zakaria wuod Barakia, mane unego e kind Kama Ler gi kendo-mar-misango.

Tich Joote 7:52

Bende nitie janabi moro mane kwereu ok osando? Ne ginego joote Nyasaye mane osehulo chon ni Ng’ama Kare biro biro. To koro un usendhogo Ng’ama Kareno, mi unego.

Rapar mar Chik 5:11

“ ‘Kik uluong nying Ruoth Nyasaye ma Nyasachu kayiem nono, nimar anakum ng’ato ka ng’ato mokonyore gi nyinga e yo ma ok kare.

Rapar mar Chik 5:18

“ ‘Kik iterri.

Rapar mar Chik 5:19

“ ‘Kik ikwal.

1 Jo-Thesalonika 2:15

Jo-Yahudigo ema ne onego Ruoth Yesu kod jonabi maggi, kendo gin ema ne giriembowa oko. Ok gilong’o ni Nyasaye, bende gimon gi ji duto.

Fweny 17:6

Bende ne aneno ka remb jo-Nyasaye, kod remb joma ohulo ni Yesu e Ruoth, omero dhakono. Kane anene to ne awuoro ahinya,