Hosea 4:10 - MUMA MALER 2015

¹⁰ Ka gichiemo, to ok giniyieng’. Gilamo nyasach nyodo, to kata kamano ok ginywol nyithindo, nikech giseweya, kendo gilamo nyiseche mamoko.

Motingʼo Loko Manyien

¹⁰ “Gibiro chiemo to ok giniyiengʼ; gibiro chodo to ok gini nywolre, nikech giseweyo Jehova Nyasaye, mondo gichiwre

Hosea 4:10 Iomraidhean Croise

2 Weche mag Ndalo 24:17

Kane Jehoyada osetho, jodong Juda nolondho ruoth, mi noyie luwo riekogi.

Zaburi 125:5

To chieng’ mikumoe joricho, to kum joma timbegi obam bende. Israel mondo obed gi kue!

Zaburi 36:3

Wechene richo kendo oting’o miriambo lilo. Rieko oselalne, omiyo ok onyal timo gimoro maber.

Ngeche 13:25

Joma kare nigi chiemo moromogi. Joricho to denyo ndalo duto.

Jeremia 34:15

Un to yande uloko parou, mi utimo gima ahero. Uduto ne uyie gonyo jo-Hibrania weteu, mi utimo singruok e nyima ei Hekalu miluongo gi nyinga.

Jeremia 9:12

Jeremia nopenjo Ruoth Nyasaye niya, “Ere gimomiyo piny okethore kendo otwo, ka piny motimo ongoro ma onge ng’ama wuothoe? Ere ng’ama riek manyalo winjo tiend wachni? Koso en ng’a ma isenyiso tiende mondo onyis joma moko?”

Ezekiel 18:24

“To ka ng’at makare oweyo timne makare, mi odonjo e richo, kotimo timbe mamono kendo modwanyore ma joricho ema timo, to koro dobed mangima adier? Ooyo, onge timne makare kata achiel ma napar. To enotho nikech noweya, mi odonjo e richo.

Ezekiel 22:9

Ji moko kuomu hango ni jowetegi wach mondo onegi. Moko bende chamo misengni motim kuonde moting’ore ma chik okwero, kendo moko dwanyore adwanya e kindu.

Hosea 4:14

To ok nakumgi kuom timbegigo nimar un uwegi ema undhogoru gi mon ma jochode mag hekalu, kendo utimo ni Baal misengni kaachiel kodgi. To ‘Oganda mofuwo yudo masira’, mana kaka ngero wacho.

Hosea 7:4

Giduto gin jowuond kendo jomriambo. Gichalo kendo ma mach nyenyni, ma jatedo ok chwalie mach nyaka mogo mosedwalo kuodi.

Tim jo-Lawi 26:26

Anami chiembu doko manok, mi agulu achiel norom mon apar tedoe. Ginipimnu chiemo mana e rapim, kendo kata kuchiemo, to ok unuyieng’ ngang’.

Mika 6:14

Kuom mano, unuchiem to ok unuyieng’, kendo kech pod nokau akaya. Ka ugolo gik moko e uteu mondo upandi, to ok unyal. To kapo ni ureso gimoro, to abiro miyo okethre e lweny!

Zefania 1:6

kaachiel gi joma oselokona ng’egi, kendo ok manya kata kwaya mondo akony.”

Hagai 1:6

Usechuoyo mathoth, to ukayo matin, bende uchiemo to ok uyieng’. Umetho to ok romu, kendo urwakoru to koyo pod chamou achama. Jatich tiyo kendo chamo msara, to oketo pesane mana e mifuko motuch.