Hosea 3:5 - MUMA MALER 2015

⁵ To achien jo-Israel noduog ir ruoth Nyasachgi, kendo ir Daudi ruodhgi, kendo ka ndalogo ochopo, to giniluor Ruoth Nyasachgi, mi giyud michne mabeyo.

Motingʼo Loko Manyien

⁵ To bangʼe jo-Israel biro duogo ka gidwaro Jehova Nyasaye ma Nyasachgi gi Daudi ruodhgi. Ginibi ka gitetni e nyim Jehova Nyasaye kendo e gwethne e ndalo mogik.

Hosea 3:5 Iomraidhean Croise

1 Ruodhi 12:16

Kane jo-Israel oneno ni ruoth ok odewogi, ne gidwoke niya, “Waonge wat gi Daudi! Ok wan libamba achiel gi wuod Jesse! Wadoguru dala, wan jo-Israel. Un oganda Daudi, koro rituru mana dhoodu.”

Isaya 17:7

E ndalogo, ji nopar Nyasaye ma jachuechgi, kendo ginigen kuom Ng’ama Ler mar Israel.

Isaya 2:2

“E ndalo mabiro, got ma Hekalu ochung’ie nobed mabor moloyo gode moko duto, kendo ogendini duto nodhi kanyo,

Isaya 2:3

ka giwacho niya, ‘Wadhiuru god Ruoth Nyasaye. Enopuonjwa yorene kendo wanaluwgi.’ Puonj mar Ruoth Nyasaye wuok Jerusalem. Ee, Sayun e kama owuoyoe gi joge.

Isaya 60:5

Kineno kamano to inibed mamor, mi chunyi pong’ gi ilo. Mwandu mogundho mag ogendini mopogore opogore nokelni gi yiedhi.

Isaya 9:13

To ji ok noduog ir jal ma nobed ka kumogi. Ooyo, ok ginidwar mondo Ruoth Nyasaye Manyalo Gik Moko Duto otelnigi.

Jeremia 23:5

“Ndalo biro ma nayierie nyakwar Daudi hie mondo obed ruoth. Enorit piny gi rieko, kotimo gik ma owinjore kendo makare e piny.

Jeremia 30:24

Ok obi rumo kapok otieko timo gik ma adwaro timo. E ndalo mabiro, ubiro ng’eyo wechegi malong’o.

Jeremia 30:9

To ginitina, an Ruoth Nyasaye ma Nyasachgi, kendo giniti ni Daudi ma abiro keto mondo obed ruodhgi.

Jeremia 33:17

An Ruoth Nyasaye asingora ni e kinde duto nobedie nyakwar Daudi ka ruodh Israel,

Jeremia 33:9

Jerusalem nobed kama miya mor, kendo makelona pak gi duong’, mi ogendini duto mae piny nobed maluor kendo makirni ka giwinjo gik moko duto mabeyo ma atimo ni jo-Jerusalem, kod dongruok maber ma akelo ni dalani.”

Ezekiel 16:63

Chieng’ ma anapuodh gik maricho duto ma isetimo, eka inipargi, mi wiyi kuodi, ma kata mana loso ok nilosi. An Ruoth Nyasaye ema awacho kamano.”

Ezekiel 38:16

Ununur kuom joga Israel, mana ka rumbi maumo piny. Ka kindeno ochopo, anaori mondo imonj pinya, to gima natimni nonyis ogendini ni an Ng’ama Ler, mi ging’eya, yaye Gog!

Ezekiel 38:8

Bang’ higni mathoth, kinde nochopi ma ananyisie mondo imonj piny moro ma ji osebet kodakie gi kue maonge lweny, chakre ndalo mane oduoggie, kigologi kuom ogendini mang’eny. Inimonj gode mag Israel mane oselokore thim, kendo mane owe kokethore chon, to koro ji duto odakie gi kue.

Daniel 10:14

Koro asebiro mondo anyisi gima biro timore ni jou e ndalo mabiro, nikech ma bende en fweny manyiso gik mabiro timore e ndalo mabiro.”

Daniel 2:28

to nitie Nyasaye e polo malo ma elo tiend midhierni. En ema osenyisi, in ruoth Nebukadnezar, gik ma biro timore e kinde mabiro. Koro mae fweny mane ineno e lek kinindo.

Hosea 1:11

Bang’e jo-Israel gi jo-Juda nochak oriwre kanyakla achiel, mi gichak gidhi nyime maber. Kamano chieng’ Jezreel nobed chieng maduong’ adier!”

Hosea 11:10

Abiro ruto ni wasik jo-Israel ka sibuor, mi joga biro biro ira. Gibiro ringo ira ka gia yo podho chieng’.

Hosea 5:15

“Abiro dhi mi adog kar dakna nyaka chop kinde ma giyie ni giseketho, mi giduog ira ka gidwara gi chunygi duto, nikech thagruok malit ma giseyudo.”

Hosea 5:6

Gidhi gi jambgi mondo gitimgo misengni ni Ruoth Nyasaye, to ok ginyal yude, nikech oseweyogi.

Hosea 6:1

Jo-Israel wacho niya, “Wadoguru ir Ruoth Nyasaye. Osekidhowa, to kata kamano obiro changowa. Osehinyowa, to donge obiro keto yath e adhondewa?

Amos 9:11

“Chieng’no anachung’ e dhood Daudi mosebet ka ot molokore gunda. Analos kuonde momukore mondo oduog maber. Abiro gere kendo, mi alose machal gi kaka nochal chon.

Mika 4:1

E ndalo mabiro, got ma Hekalu ochung’ie nobed mabor moloyo gode moko duto, kendo ogendini mang’eny nodhi kanyo.

Kwan 24:14

Koro adok ir jowa, to kapok adhi, to nyaka anyisi gima jo-Israel biro timo ni jogi e ndalo mabiro.”

Jo-Rumi 11:25

Owetena, wach moro mopondo nitie e wachni ma adwaro mondo ung’e, nikech dipo ka uparo ni uriek. Wachno chalo kama: Bath jo-Israel konchiel chunygi osedoko matek, to mano biro dhi nyime nyaka kar romb joma ok jo-Yahudi ma Nyasaye dwaro, yud warruok.

Jo-Rumi 2:4

Koso itimo kamano nikech ichayo Nyasaye nimar ong’won ahinya kendo ohore mos, mak okumi piyo? Donge ing’eyo ni Nyasaye ng’won kamano mana nikech odwaro ni mondo ilokri?

Rapar mar Chik 4:30

To mogik, ka gigi otimorenu, mi udonjo e masira, to unudog ir Ruoth Nyasaye ma Nyasachu, kendo unurit chikene.