Hosea 3:4 - MUMA MALER 2015

⁴ Mano nyiso ni jo-Israel biro bet maonge ruodhi kata jotelo kendo maonge misengni kata sirni milamo, bende maonge kido mag nyiseche, kata gik mikorogo wach.

Motingʼo Loko Manyien

⁴ Nimar jo-Israel biro dak ndalo mangʼeny ka gionge gi ruoth kata jotelo, ka ok gitim misango maonge kido moro milamo, kata law akor mar dolo miluongo ni efod kata nyiseche manono.

Hosea 3:4 Iomraidhean Croise

Chakruok 31:19

E kindeno, noyudo ka Laban odhi ng’ado yie rombe, kendo kane pod en kuro, Rahel nokwalo nyisechene,

Chakruok 31:34

To kata kamano Rahel nosepando nyisechego e bwo kom ngamia, mi obetie. Laban nodwaro kuonde duto e hema, to ne ok oyudo nyisechego.

Chakruok 49:10

Juda nomak ludh loch, kochunge e kind tiendene, kobedo ruoth nyaka wuon loch ma biro rito ogendini duto, chopi.

2 Samuel 6:14

Nomiel aduwa e nyim Ruoth Nyasaye gi tekre duto, korwakore gi law dolo.

2 Ruodhi 23:24

Bende Josia nogolo jonyakalondo, gi ajuoke, gi kido mag nyiseche manono miluongo ni Terafim, gi nyiseche mamoko molos gi lwet dhano, kaachiel gitimbe makuero duto mane onwang’ e piny Juda, kendo e Jerusalem. Kamano noluwo weche mag chik mane ondik e kitabu mane Hilkia jadolo oyudo e Od Ruoth Nyasaye.

2 Weche mag Ndalo 15:2

modhi romo gi Asa. Nowacho ni Asa gi jo-Juda kod jo-Benjamin niya, “Ruoth Nyasaye ni kodu, to mana ka pod un kode. Kudware, unuyude; to kuweye en bende noweu.

Wuok 28:4

Lewni monego gilos e magi: Law agoko gi law dolo miluongo ni efod, gi aroya, gi law akor mogorie maridadi, kaachiel gi kilemba kod okanda. Ginibed lewni maler ma Harun owadu gi yawuote rwako ka tiyona tich dolo.

Wuok 28:6

“Bende gilos law dolo miluongo ni efod gi dhahabu kod usi mambulu gi maralik kod makwar, kod law katana maber ma jatueng’o molony oloso.

Ywagruok 2:9

Dhorangeyene bende osepodho piny, kendo Ruoth Nyasaye oseturo lodi mage matindotindo. Ruodh Sayun kod jodonge oke e kind ogendini mamoko, kendo chik Nyasaye koro ok ti. Jonabi mage bende koro ok yud fweny moa kuom Ruoth Nyasaye.

Ezekiel 19:14

Ne omuoch mach, mi majno owang’o bedene gi olembene. Kamano bedene ok nochak obed motegno, moromo loso ludhe ruodhi.” Mano en wend ywak ma osewer ndalo mang’eny.

Ezekiel 20:32

Uparo ni ubiro bedo machal gi ogendini modak e pinje mamoko, malamo yien gi lwendni, to akwerou ni mano ok timre.

Ezekiel 21:21

nimar adier ruodh Babulon ochung’ e tiend ranyisi manie akek yorego, koyiengo asere, kendo openjo nyisechene wach, bende orango chuny chiayo motimgo misango, mondo ong’ego yo monego oluw.

Ezekiel 21:31

mi akumi ka an gi mirima mager ka mach mang’ang’ni. Bang’e anaketi e lwet jomahundu ma tichgi en mana ketho gik moko.

Daniel 11:31

Ogendini mage moko mag lweny nodwany Hekalu kod kuondene mochiel motegno, mi ginimi ji we timo misengni mitimo pile, kendo ginichung gima kuero makelo kethruok.

Daniel 12:11

“Chakre chieng’ ma ji nowee timo misengni mitimo pile, tiende ni chakre kinde ma ochungie gima kuero makelo kethruok, ndalo alufu achiel gi mia ariyo gi piero ochiko nokadhi.

Daniel 9:27

Jatelono nolos winjruok motegno gi ji mang’eny kuom higni abiriyo, kendo nomi ji owe timo misengni kendo owe kelo chiwo kuom higni adek gi nus. Gima kuero makelo kethruok nobed ewi osuri mar Hekalu nyaka ng’at mane okete kanyo chopi e giko mane Nyasaye oketone.”

Hosea 13:10

Ne ukwaya mondo aketnu ruoth gi jotelo, to ere kaka digires pinyni?

Hosea 13:11

Ne aketonu ruodhi ka an gi mirima, kendo asegologi ka akecho ahinya.

Hosea 2:11

Anatiek mor duto moneno, kod chokruokne duto mag lemo, kaka sewni motimo higa ka higa, gi sewni motimo due ka due, kod nyasi motimo juma ka juma.

Tim jo-Lawi 8:7

Bang’ mano norwako ni Harun kandhu, mi otweyone okanda e nungone kendo norwakone aroya, gi law efod, kotueyo gi okanda mar efod.

Zekaria 10:2

Nyiseche manono wacho weche maonge tiendgi, kende ajuoke neno ranyisi mag miriambo. Gileko lek ma ok adiera, kendo giwacho weche mawito ji. Mano emomiyo ji bayo abaya ka rombe, kendo githagore nikech gionge jakwath.

Zekaria 13:2

E kindeno, anaruch nying nyiseche manono e piny, mi ok nochak opargi kendo. Bende anatiek jokor wach kod chuny magombo timo timbe makuero.

Luka 21:24

Moko kuomgi noneg e lweny, to moko nomaki mi ter e pinje mamoko duto, kendo ogendini ma ok jo-Yahudi nonyon Jerusalem nyaka chop ndalo lochgi rum.

Johana 19:15

To ne gikok ni, “Nege! Nege! Gure e msalaba!” Pilato nopenjogi niya, “Udwaro ni mondo agur ruodhu koso?” To jodolo madongo nodwoke ni, “Waonge gi ruoth, mak mana Kaisar.”

Jo-Hibrania 10:26

Ka wasiko watimo richo mana mar ayiem, bang’ ng’eyo adiera, to onge misango moro mapod odong’ manyalo golo richowa.

Jong’ad Bura 17:5

To Mikano ne nigi kare owuon mar lemo. Noloso kido moko manono molosonigi pasia, kendo noketo wuode moro mobedo jadolone.

Jong’ad Bura 18:14

Eka ji abich mane osedhi nono piny mokiewo gi Laish kande nowacho ni jowetegi mamoko niya, “Bende ung’eyo ni nitie kido mopa mag nyiseche manono e udigi? Koro paruru ane gima onego watim!”

Jong’ad Bura 8:27

Gideon noloso kido mar nyasaye manono gi dhahabugo, mochungo e dalane Ofra. Jo-Israel duto noweyo Nyasaye modhi kuno lamo nyasaye manonono. Ne odoko obadho ni Gideon kaachiel gi joode.

1 Samuel 14:3

Ahija wuod Ahitub, ma owadgi Ikabod, ma wuon Finehas, ma wuod Eli, jadolo mar Ruoth Nyasaye e Shilo, ema ne oting’o law dolo miluongo ni efod. To onge ng’ama nong’eyo ni Jonathan osedhi.

1 Samuel 15:23

Tamruok mako chik chalo gi tim jwok, kendo wichteko chalo gi tim mamono. Isedagi chik Ruoth Nyasaye, omiyo en bende osedagi ni kik ibed ruoth.”

1 Samuel 2:18

Samuel ne tiyo e nyim Ruoth Nyasaye ka pod en nyathi, korwakore gi nanga mar katana.

1 Samuel 21:9

Jadolo nodwoke niya, “Nitie ligangla mar Goliath ja-Filistia, jal mane inego e holo mar Ela cha. Ero okane e tok law dolo miluongo ni efod, koboye gi nanga. Kidware to kawe, nikech onge moro ka, mak mana en.” Daudi nowacho niya, “Miyago, nikech onge moro maloye gi ber.”

1 Samuel 22:18

Omiyo ruoth nowacho ni Doeg ja-Edom niya, “In dhi ineg jodolo.” Mi Doeg nodhi momwomore kuom jodolo, kendo chieng’no nonego ji piero aboro gabich, mane joting’ law dolo miluongo ni efod.

1 Samuel 23:6

Kane Abiathar wuod Ahimelek oringo odhi Keila ir Daudi, nodhi koting’o law dolo miluongo ni efod e lwete.

1 Samuel 23:9

To kane Daudi owinjo ni Saulo dwaro timone marach, nowachone Abiathar niya, “Kelna law dolo.”

1 Samuel 30:7

Daudi nowacho ni Abiathar jadolo ma wuod Ahimelek niya, “Kelna efod.” Mi Abiathar nokelone law dolo miluongo ni efodno.