Hosea 2:10 - MUMA MALER 2015

¹⁰ Bang’e anagonye duk mana ka chodene neno, kendo onge ng’ama norese e lweta.

Motingʼo Loko Manyien

¹⁰ Koro abiro nyiso ayanga gombo mare mar chode e lela e nyim joherane; kendo onge ngʼama nogole e lweta.

Hosea 2:10 Iomraidhean Croise

2 Weche mag Ndalo 24:7

Neye kaka Athalia, dhako machachno, gi yawuote, oseketho Od Nyasaye, kendo gisekawo gik moko duto mitiyogo tich Nyasaye, mi giketo ni Baal.”

Zaburi 50:22

Un joma ok dewa, winjuru wachna, nono to abiro kidhou matindotindo, kendo onge ng’ama nokonyu.

Ngeche 11:21

Bed king’eyo ni joricho noyud kum. Joma kare to notony.

Isaya 3:17

Omiyo abiro keto tuo e wigi, kendo ami gidong’ duge.”

Jeremia 13:22

To eka upenjo gimomiyo gima kama osetimorenu, kendo gimomiyo oseyiech lepu kuomu, mi odwanyu, to ubiro yudo ni mano otimore nikech richou lich.

Jeremia 13:26

Ruoth Nyasaye owuon ema noyiech lepu kuomu, mi dugu nonen.

Ezekiel 16:16

Ne ikawo lepi moko ma ilicho kuondeni mag lemo, kendo ne idwanyori gi ji duto kuondego, mana ka dhako ma jachode.

Ezekiel 16:19

Ne ikawo mogo mayomie moloyo, kaachiel gi mor zeituni kod mor kich mane asemiyi, mi ichiwo ka misango ni nyiseche manonogo, mondo gibed mamor kodi. An Ruoth Nyasaye ema awacho kamano.

Ezekiel 23:29

kendo kaka gin bende gimon kodi, gibiro kawo gimoro amora ma ingo, mi gilonyi duk. Inidong’ e lela, mi nong’ere ratiro ni in dhako ma jachode. Mago e gik ma gombo ma in go kod timbe chode

Hosea 10:1

Jo-Israel ne chalo gi yadh mzabibu monyak maber. Kaka ne gimedo dhi nyime maber, e kaka ne gimedo gero kende mag misango, kendo kaka pinygi ne nyak maber, e kaka ne giloso sirni milamo mabeyo.

Hosea 13:1

Chon kane jo-Efraim wuoyo, to ji mamoko tetni. Dhoodgi ne duong’ moloyo dhout Israel mamoko. To ji noketho kuom lamo Baal, kendo gibiro tho nikech wachno.

Hosea 2:3

Ka ok kamano to abiro gonye, mi odong duk kaka nonywole! Abiro miyo ochal gi piny motwo ma pi ongee, kendo riyo biro nege.

Hosea 6:9

Jodolo chalo mony mag jomecho marito ji kobuto e bungu. Kata mana e wang’ yo madhi Shekem ginegoe ji. Gitimo mahundu mana gi wang’ matek.

Mika 5:8

Ee, jo-Israel motony nobed e kind ogendini mana ka sibuor ma dwaro le e bungu, kata madwaro rombe e lek. Ka odonjo kuom rombe to opodho kuomgi kendo okidhogi matindo tindo ma onge ng’ama resogi.

1 Jo-Korintho 4:5

Omiyo kik ung’ad ni ng’ato bura ka kinde moketi pok ochopo, to rituru biro mar Ruoth, nikech en ema nogol e lela weche mopandi e mudho, kendo noel paro mag chuny dhano. Eka Nyasaye nomi ng’ato ka ng’ato pak mowinjorego.