Hosea 12:1 - MUMA MALER 2015

¹ Gik moko ma jo-Israel timo, chakre okinyi nyaka otieno, gin gik manono kendo mahinyo ji. Miriambo kod timbe mag mahundu medore ameda kuomgi. Gitimo winjruok gi jo-Asuria, kendo gichiwo mor zeituni ni jo-Misri mondo okonygi.

Motingʼo Loko Manyien

¹ Efraim geno gima onge, olawo yamb wuok chiengʼ odiechiengʼ duto, kendo omedo miriambo kod gero. Oketo winjruok gi Asuria kendo ooro mor zeituni ne jo-Misri.

Hosea 12:1 Iomraidhean Croise

Chakruok 41:6

To bang’ mano wi ngano abiriyo moko motho kendo ma yamb oro otwoyo nowuok e tiang’no.

2 Ruodhi 15:19

Ndalogo ema Pul ruodh Asuria nomonjoe e piny Israel, to Menahem nomiyo Pul fedha moromo kilo alufu mia adek, mondo Pul okonye jiwo lochne obed motegno.

2 Weche mag Ndalo 21:11

Bende noloso hembko mane ni kuonde moting’ore e piny gode mag Juda, momiyo jo-Jerusalem oweyo Ruoth Nyasaye, kendo omiyo jo-Juda oruenyo.

Ayub 15:2

“Mago weche manono, Ayub! Iwacho mana weche maonge tich!

Zaburi 78:36

To kata kamano ne giwuonde ka giwachone mana weche mag miriambo.

Jeremia 2:36

Ere gima omiyo uloko parou ka ok udewo? Jo-Misri mugeno kuomgi ok nokonyu, mana kaka jo-Asuria bende ne ok okonyou.

Jeremia 22:22

Jotendu, yamo ema biro tero. Joma uriworugo ibiro kawo mi ter e tuech. Bang’e unuyud wichkuot kendo nog’eng’u nikech timbeu maricho.

Jeremia 7:15

Abiro riembou mondo ua e wang’a mana kaka ne ariembo oweteu ma jo-Efarim duto te.

Ywagruok 5:6

Kinde moro ne wawinjore gi jo-Misri mondo omiwa chiemo, to kinde machielo bende ne wawinjore gi jo-Asuria kamano.

Ezekiel 17:10

En adier ni osepidhe, to bende obiro betie, mi odongi? Donge obiro two ka yamb oro moa yo wuok chieng’ okudhe kama entieno?”

Hosea 11:12

Ruoth Nyasaye wacho niya, “Jo-Israel osemera gi miriambo kod wuond, kendo jo-Juda bende pod osiko odagi wachna, an Ng’ama kare kendo maler.

Hosea 11:9

Ok nakumu gi mirimba mager, bende ok nachak aketh Israel, nimar an Nyasaye, to ok dhano. An Ng’ama Ler, an kodu, kendo ok nabi iru gi mirima.

Hosea 4:15

“Kata obedo ni un jo-Israel useweya, to da obedo maber ka jo-Juda ok otimo gima chal kamano. Kik udhi ulem Gilgal kata Bethel, kendo kik ukuong’ru kuondego e nying Ruoth Nyasaye mangima.

Hosea 4:19

Gin gi chuny mabiro ywerogi mabor mana ka kalausi kendo nyiseche ma gitimonigi misengni ok nokonygi.

Hosea 5:13

“Mano omiyo, kane jo-Israel oneno ni tuo osemakogi, kendo kane jo-Juda bende oneno adhondegi giwegi, jo-Israel noringo odhi Asuria mondo ruoth maduong mar pinyno okonygi. To ruodhno ne ok nyal changogi kata thiedho adhondegigo.

Hosea 7:1

“Pile ka adwaro chango jo-Israel mondo gichak gidhi nyime maber, to richogi gi timbegi makuero ema aneno. Giwuondo ji kendo gituro udi mondo gikuelie, bende gimayo ji gik moko kata mana e wang’ yore.

Hosea 7:11

Jo-Israel chalo gi akuru mofuwo. Giluongo jo-Misri mondo okonygi, to kendo giringo gidhi e piny Asuria.

Hosea 8:7

“Jo-Israel chwoyo yamo, to gikayo mana kalausi. Gin gi cham ma ok wuodhi, omiyo gionge gi mogo. To kapo ni onyago cham, to jopinje mamoko dichame, mi tieke.