Hosea 11:1 - MUMA MALER 2015

¹ “Kane Israel pod tin, ne ahere. Naluongo wuoda mondo oa Misri.

Motingʼo Loko Manyien

¹ “Ka Israel ne pod nyathi, ne ahere, kendo ne aluongo wuoda ka agolo Misri.

Hosea 11:1 Iomraidhean Croise

Zaburi 129:1

In Israel, hul kaka wasiki osesandi malit, chakre tinni.

Wuok 19:4

‘Nuneno gima natimo ni jo-Misri, kendo kaka nakelou ira, ka ating’ou kaka ongo ting’o nyithinde e bwombe.

Wuok 4:22

To nyaka inyise ni Ruoth Nyasaye owacho kama: ‘Israel en wuoda makayo.

Wuok 4:23

Nawachoni ni mondo iwe wuoda odhi olama, to nidagi, omiyo koro abiro nego wuodi makayo.’ ”

Isaya 43:4

Akwanou ka gima nengone tek, bende un joma ogen, ma ahero, omiyo achiwo pinje moko mondo awarugo. Adier, achiwo jomoko nono mondo aresgo ngimau.

Jeremia 12:7

An Ruoth Nyasaye awacho niya, “Aseweyo ogandana mane ayiero, mi adagigi. Aseketo joga ma ahero e lwet wasikgi.

Jeremia 2:2

ni mondo adhi ahul wachne ni ji duto modak Jerusalem kama: “Aparo hera mane un-go koda kane pod un oganda mayom, nimar e ndalo mane uluwa e thim, piny motwo ma ok pur, ne uhera mana kaka miaha hero chwore.

Ezekiel 16:22

E kinde duto mane itimo timbe maricho mag chode, ne ok iparoe ngang’ ndalo mane in nyathi, ka in duk, kendo ichadhori gi remo.”

Ezekiel 16:6

“Ne oyudo akadho machiegni gi kama ne intie, mi aneni, kichadhori gi rembi iwuon. Kata obedo ni ne itimo remo kamano, to ne awachoni ni mondo ibed mangima,

Hosea 10:15

Mano e gima notimrenu, un jo Bethel, nikech richo madongo ma usetimo. E sa ma lweny ochakoree, ruodh Israel biro tho.”

Hosea 12:13

Ruoth Nyasaye ne ooro janabi mondo ogol jo-Israel e tuech. Adier, nooro janabi mondo oritgi.

Hosea 12:9

To an Ruoth Nyasachu mane ogolou Misri, abiro miyo uchak udag e hembe mana kaka ne udak ka ne aromo kodu e thim.

Hosea 13:4

Ruoth Nyasaye wacho niya, “An e Ruoth Nyasachu mane ogolou Misri. E ndalogo ne ok ung’eyo Nyasaye moro mak mana an, kendo an kende ne e Jawaru.

Hosea 2:15

Anachak adwokne puothene mag mzabibu, kendo nalok Holo Thagruok odok dhoranga geno. Ka aluonge, to nodwoka mana kaka ne odwoka kapod oyom, e kinde mane owuok oa e piny Misri.

Malaki 1:2

Ruoth Nyasaye owacho niya, “Aherou.” To usedwoke kupenje ni, “Ere kaka iherowa?” To Ruoth Nyasaye odwoko ni, “Donge Esau gi Jakobo ne gin owete? Kata kamano ahero Jakobo gi nyikwaye.

Mathayo 2:15

mi odak kuno nyaka Herode otho. Mano notimore mondo ochop gima ne Ruoth Nyasaye omiyo janabi owacho, ni, “Naluongo wuoda mondo oa Misri.”

Rapar mar Chik 33:3

Adier, ohero joge maler, kendo oguedhogi. Giluwe kamoro amora modhiye, kendo giwinjo chikene

Rapar mar Chik 7:7

“Uparo ni Ruoth Nyasaye ma Nyasachu noparou, moyierou nikech ung’eny moloyo ogendini mamoko duto koso? Ooyo, ka adier, to un e oganda matinie moloyo.