Hosea 10:5 - MUMA MALER 2015

⁵ Kihondko nomak joma odak Samaria, kendo giniywag nyaroya molos gi dhahabu man Bethel. Gin kaachiel gi jodolo matiyo ni nyasaye manonono noywag koneno ka itero girgi ma gigeno kuome Asuria

Motingʼo Loko Manyien

⁵ Ji modak Samaria luoro osemako nikech nyaroya molos gi dhahabu mar Beth Aven. Joge noywage, kamano bende e kaka jodologe malamo nyiseche manono noywage, mago mosebedo gi mor kuom berne nikech osegole kuomgi kitere e twech.

Hosea 10:5 Iomraidhean Croise

2 Ruodhi 10:29

Kata kamano, ne ok oweyo timo timbe maricho mane Jeroboam wuod Nebat omiyo jo-Israel otimo, nimar ji ne pod lamo nyiroye mag dhahabu mane ni Bethel gi mane ni Dan.

2 Ruodhi 17:16

Ne giweyo chike duto mag Ruoth Nyasaye ma Nyasachgi, ka gilenyo mula mi gilosgo nyiroye ariyo mondo gilam, kendo ka gichungo siro milamo. Bende ne gilamo sulue duto, kendo ne gitiyo ni Baal.

2 Ruodhi 23:5

Nogolo jodolo mag nyiseche manono mane ruodhi mag Juda oketo mondo owang’ ubani e hembko mag miech Juda, kod mag gwenge mokiewo kod Jerusalem, kendo nogolo joma ne wang’o ubani ni Baal gi wang’chieng’ gi due kod sulue duto.

2 Weche mag Ndalo 11:15

Jeroboam noketo jodolone owuon e hembko mane ni kuonde moting’ore, kendo mondo odol ni kido mochue mag nyiseche manono kod nyiroye ma noseloso.

2 Weche mag Ndalo 13:8

“To koro uparo ni unyalo dagi loch ma Ruoth Nyasaye nomiyo nyikwa Daudi mana nikech ung’eny, kendo un gi nyiroye mag dhahabu mane Jeroboam omiyou mondo obed nyisecheu?

Isaya 46:2

Adier, nyisechego okulore ka luoro omako. Ok ginyal konyo joma lamogi, to gin giwegi ema iting’ogi, kiterogi e tuech!

Hosea 13:2

To eka pod gimedo timo atima richo, kendo giloso kido mag fedha mondo gilam. Gikawo fedha ma gin-go, kendo gilosogo kido manono, ma dhano ema oparo, moloso gi lwete owuon. To bang’e giwacho niya, “Timnigiuru misengni.” To ere kaka ji nyalo nyodho kido manonogo, mana kido molos e kit rwath?

Hosea 4:15

“Kata obedo ni un jo-Israel useweya, to da obedo maber ka jo-Juda ok otimo gima chal kamano. Kik udhi ulem Gilgal kata Bethel, kendo kik ukuong’ru kuondego e nying Ruoth Nyasaye mangima.

Hosea 5:8

Gouru tung’ mar lweny e dala Gibea. Rama bende timieuru kamano. Giuru sigich lweny e dala mar Bethel, kuwacho niya, “Wan bang’u, jo-Benjamin!”

Hosea 9:1

Un jo-Israel, weuru timo sewni ka ogendini mamoko. Useweyo Nyasachu mi udok ni Baal kuonde dino duto mondo uyudie cham, mana ka dhako moweyo chwore to dwanyore gi chwo mamoko mondo oyudie pesa

Hosea 9:11

Duong’ mar Israel biro huyo ka winyo, mi lal nono, kendo ok ginichak ginywol nyithindo, kata bedo mayach mondgi ok nochak obedi. Onge nyathi ma nomak ichne.

Amos 3:14

Chieng’ ma nakum jo-Israel kuom richogi, to naketh kende mag liswa man Bethel bende. Tunge mag kendogo nong’ad oko, mi ginipodh piny.

Zefania 1:4

“Abiro kumo jo-Juda kod jo-Jerusalem duto, mondo atiek tich lamo Baal duto mitimo ka, mi kata mana nying jodolo manono ok nowinji.

Tich Joote 19:27

Koro en wach marach ni ji biro chayo tijwani, to bende gibiro chayo hekalu mar Artemi ma nyasaye madhako marahumani! Kendo mano dimi duong’ duto ma nyasachwa nigo lala nono, to en e nyasaye ma jo-Asia duto kod piny ngima lamo!”

Joshua 7:2

Kane gin Jeriko, Joshua noseoro jomoko mondo odhi Ai, dala man machiegni gi Bethaven, yo wuokchieng’ mar Bethel, mondo girang kaka piny chalo. Mi jogo notimo kamano.

Jong’ad Bura 18:24

Nodwokogi niya, “Usekawo nyisechena mane aloso, kaachiel gi jadolona, uago, kendo koro adong’ nono, to eka pod upenja ni en ang’o ma thaga!”