Filemon 1:14 - MUMA MALER 2015

¹⁴ To ok adwar chuni mondo ikonya, to daher mondo ikonya mana kuom ng’wononi. Kuom mano, ok anatim gimoro ka ok iyiego.

Motingʼo Loko Manyien

¹⁴ To ne ok adwar timo gimoro amora ka ok in ema iyie, mondo tim ngʼwono moro amora mitimo kik bed gima ochun, to obed gima itimo nikech ihero.

Filemon 1:14 Iomraidhean Croise

1 Weche mag Ndalo 29:17

A Nyasaye, ang’eyo ni inono chuny dhano, kendo adiera ema ihero. Asemiyi chiwogi duto gi mor kendo gi chuny makare, to koro amedo bedo gi ilo kaneno jogigi, bende ka goloni chiwo gi mor.

Zaburi 110:3

Chieng’ ma ikedo gi wasiki, to jou nochiwre mondo okedi, kendo yawuotgi nobi iri e gode maler, konur mana ka tho mamoko gokinyi.

1 Jo-Korintho 9:17

Ka dabed ni atiyo tijni kuom dwarona awuon, to da ayudo pok. To kaka ok atiye gi dwarona awuon, mano nyiso ni en mana tich ma Nyasaye osemiya mondo ati.

1 Jo-Korintho 9:7

Ere jalweny ma dikonyre gi pesane owuon, to ok chule msara? Koso en jakwath mane, ma ok madh chak monyiedho kuom jambe?

2 Jo-Korintho 1:24

Ok wan gi teko kuom yieu ni nyaka uyie gima wawacho, nikech un joma nigi yie motegno. To watiyo kaachiel kodu mana ni mondo ubed mamor.

2 Jo-Korintho 8:12

Ka uketo chunyu kuom chiwo, to Nyasaye biro yie mana gi gima uchiwo, to ok odwar mondo uchiw gima uongego.

2 Jo-Korintho 9:5

Mano emomiyo aseneno ni ber mondo aor owetego obi iru mokwongo, olos chon chiwo mane usesingoru ni ubiro golo. Kamano ka abiro to anayud ka oikore, kendo mano nonyis ni uchiwe maonge achune.

2 Jo-Korintho 9:7

Ng’ato ka ng’ato mondo ochiw kaka oseparo e chunye, ma ok ochune, kendo ma ok oywago ang’e, nikech jachiwo mamor ema Nyasaye ohero.