Eklesiastes 1:3 - MUMA MALER 2015

³ Ere ohala ma dhano yudo kuom gik moko duto motimo e piny ka?

Motingʼo Loko Manyien

³ En ohala mane ma dhano yudo kuom tije duto motiyo kendo mochandore godo e bwo wangʼ chiengʼ?

Eklesiastes 1:3 Iomraidhean Croise

Eklesiastes 2:11

To bang’e ne aparo gik moko duto mane asetimo, kendo kaka ne asetiyo matek katimogi, mi afwenyo ni gin mana gik manono, machalo yamo makadho.

Eklesiastes 2:18

Ne ajok gi gik moko mane lucha ochwerie, ka atimo e piny ka, nikech ne ang’eyo ni nawegi ni ng’at moro mabiro luwo bang’a.

Eklesiastes 2:19

To ere ng’ama ong’eyo ka ng’at ma biro luwano nobed mariek kata mofuwo? To kata bed ni oriek kata ofuwo, to pod nokaw akawa gimoro amora ma lucha gi riekona osekelo e pinyka. Mano bende en mana gima nono.

Eklesiastes 2:22

Ere ohala ma ng’ato yudo kuom tichne matek duto ma obarorego ndasi e piny ka?

Eklesiastes 3:9

Ka kamano, to ere ohala ma dhano yudo kuom tichne duto?

Eklesiastes 4:3

To joma johawi moloyo joma osetho gi joma pod ngima gin jogo ma pok onywol, kendo ma pok oneno timbe maricho matimore e pinyni.

Eklesiastes 4:7

Aseneno gimoro machielo e pinyni ma bende onge tich.

Eklesiastes 5:16

Mano gima lit ahinya. Wadhi mana kaka ne wabiro. Ere gima wayudo kuom tich manono mwachandorego?

Eklesiastes 5:18

Kuom mano, asefwenyo ni gima ber ma dhano nyalo timo en mana chiemo gi metho kod chamo mwandu moseyudo kuom kinde matin ma Nyasaye omiye mondo odaggo e piny ka. Mano e gima Nyasaye oseketo ni dhano.

Eklesiastes 6:12

Ere ng’ama nyalo ng’eyo gima ber ma dhano onego otim e ngima machiek kendo manono, makadho mana ka tiponi? Koso ere kaka ng’ato nyalo ng’eyo gima biro timore e pinyni bang’ thone?

Eklesiastes 7:11

Rieko ber moloyo mwandu, kendo okonyo joma ngima duto man kode.

Eklesiastes 9:13

Nitie gimoro machielo maduong’ mane achako aneno, manyiso kaka ji okawo rieko e piny ka.

Eklesiastes 9:3

Adier, gimoro achiel ema timore ni ji duto machalre, kendo mano rach moloyo gik moko duto maricho matimore e piny ka. E kinde duto ma ji ngima, to chunygi opong’ gi richo kod gik manono, to bang’e githo mana apoya.

Eklesiastes 9:6

Hera kod sigu kaachiel gi gombo mane gin go nosetho kodgi. Ok ginichak gine gimoro amora matimore e piny ka.

Isaya 55:2

Ere gima omiyo ung’iewo chiemo ma ok konyu, kuketho mwandu kuom gima ok nyal yieng’ou? Ka uchiko itu, mi uwinjo gima awacho, to ubiro chamo chiemo mabeyo, mi uwinj ndhath gima uchamo.

Habakuk 2:13

Donge Ruoth Nyasaye Manyalo Gik Moko Duto osewacho ni gik ma ogendini mamoko oseyudo gi luchgi nowang’, mi lal nono?

Habakuk 2:18

Ere ohala muyudo kuom lamo nyiseche manono ma lwet dhano ema oloso? Gin mana kido mamiyo ji lal. Ere ohala ma ng’at molosogi yudo kuomgi? Chutho oloso mana nyiseche manono ma ok nyal wuoyo!

Mathayo 16:26

Ere ohala ma ng’ato nyalo yudo, konwang’o piny duto, to owito ngimane? Koso ang’o ma ng’ato nyalo chiwo kar ngimane?

Johana 6:27

Kik uti ni chiemo makethore, to tiuru mana ni chiemo mosiko, kendo makelo ngima ma nyaka chieng’. Wuod Dhano ema nomiu chiemono, nikech en ema Nyasaye Wuoro oseketo kido mare kuome, manyiso ni oyie kode.”

1 Jo-Korintho 16:16

Koro akwayou owetena, ni mondo uyie bet e bwo joma kamago, kendo e bwo ng’ato ka ng’ato ma bende tiyo tich Nyasaye matek.