Daniel 9:5 - MUMA MALER 2015

⁵ Waseketho, kendo wabedo joricho kwatimo marach. Wasedagi timo gima ne ichikowa ni mondo watim, mi waweyo chikeni gi bucheni.

Motingʼo Loko Manyien

⁵ wasetimo richo kendo wasetimo marach. Wasetimo timbe maricho kendo wasengʼanyo; waselokore waweyo yoreni gi chikeni.

Daniel 9:5 Iomraidhean Croise

2 Ruodhi 18:12

Wachno notimore nikech ne ok girito chik Ruoth Nyasaye ma Nyasachgi, to ne giketho singruok mane gitimo kodgi. Ne ok gimako weche duto mane Musa jatich Ruoth Nyasaye ochikogi, kata dewogi bende ne ok gidewo.

2 Ruodhi 21:15

nikech gisemiya mirima gi timbegi maricho, chakre ndalo mane kweregi owuokie Misri nyaka chil kawuono.”

Ezra 9:6

“A Nyasachwa, wiya okuot ma ok anyal hedhora ting’o wiya malo, nimar wasenyumore e richo, kendo kethowa osebedo maduong’, motundo e polo malo.

Zaburi 106:6

Wasetimo richo kaka kwerewa notimo. Adier, wasebedo joricho ma timbegi mono.

Zaburi 119:102

Ok aseleng’ora, maweyo chikeni, nikech in iwuon ema isebedo jopuonjna.

Zaburi 119:176

Abayo abaya ka rombo molal, omiyo bi mondo idwara, an jatichni, nikech wiya ok osewil gi chikeni.

Zaburi 18:21

nikechh naluwo yorene, kendo ok asepogora gi Nyasacha, ka adonjo e richo.

Isaya 53:6

Waduto ne waselal mana ka rombe, ka ng’ato ka ng’ato ochiko mana yore owuon, to en ema ne Ruoth Nyasaye oketo kuome richowa duto.

Isaya 59:13

Waseng’anyo, mi waketho e nyim Ruoth Nyasaye. Adier, wasedok chien, mi wajwang’o Nyasachwa. Bende waseparo weche mag miriambo e chunywa, kendo mago ema wawuondogo ji.

Isaya 64:4

It pok owinjo kata wang’ pok oneno nyasaye moro ma rito joge mogeno kuome, to mak mana in.

Jeremia 14:20

A Ruoth Nyasaye, wahulo richowa kaachiel gi richo kwerewa. Adier, waseketho e nyimi.

Jeremia 14:7

“Joga ywakna niya, ‘A Ruoth Nyasaye, kata ka richowa nyiso ni wan joketho, to yie ikonywa kaka isesingori. Adier, waseweyi ndalo mang’eny, kwaketho e nyimi.

Jeremia 3:25

Onego wanind piny ka wiwa okuot, kendo ka timbewa maricho oumowa. Wan kaachiel gi kwerewa waseketho e nyim Ruoth Nyasaye ma Nyasachwa, chakre tindowa, kendo ok wasewinjo wachne.’ ”

Jeremia 30:14

Osiepeu duto oseweyou, kendo tinde ok gidewu. Asemonjou mana ka jasigu, kendo useyudo kum mager nikech richou mang’eny, bende nikech timbeu maricho lich.

Jeremia 44:3

Ne atimo kamano nikech joma ne odak kuondego ne otimo timbe maricho ka gimiyago mirima. Ne gilamo nyiseche mamoko, ma gin kata un kata mana kwereu ne pok olamo, mi gitimonigi misengni.

Ywagruok 1:18

Dala Jerusalem ywagore kama: “Ruoth Nyasaye osetimo gima kare, to an, dala Jerusalem ema asepiem kode, mi aweyo chikene. Ling’uru! Ling’uru un ogendini duto, mondo uneye chandruok ma an go! Nyiga gi yawuota osemak, moter e tuech.

Ywagruok 1:20

A Ruoth Nyasaye neye kaka anie chandruok malit! Chunya chandore, kendo iya nyawni, nikech asepiem kodi marach ahinya. Lweny nego ji oko e thim, mana kaka tho bende neko dala e udi, kendo nyithindo dong’ kiye.

Ywagruok 3:42

A Ruoth Nyasaye, wan e joma osetimo richo mi opiem kodi, to pok ing’wononwa kuom richowa.

Ezekiel 5:6

To jo-Jerusalem osepiem koda, moweyo buchena kod chikena moloyo ogendini mamoko duto, nimar gisedagi chikena, mi gitamore rito.

Ezekiel 6:9

To ginipara kuonde motergie e tuechgo mi ging’e ni ne asekumogi mana ni mondo wigi okuodi, nikech chunygi marach oseweya, mi gihero nyiseche manono moloya. Ginichare kendgi nikech timbe maricho kendo makuodo wich ma gisetimo.

Daniel 9:11

Jo-Israel duto noketho chikeni, mi otamore winjo gima ne iwacho. Ne watimo richoo e nyimi, mi ikelo kuomwa kuong’ duto mondik e kitap chik Musa jatichni.

Daniel 9:15

“Ruoth Nyasachwa, ne inyiso tekoni kuom golo jogi e piny Misri, kendo imiyo nyingi obedo gi huma ma pod osiko nyaka chil kawuono. Wan waseketho, kendo wasetimo richo.

Daniel 9:9

In ijang’wono kendo iweyo ni ji richogi, kata obedo ni wan wasepiem kodi.

Hosea 1:2

Kane Ruoth Nyasaye okwongo miyo Hosea owuoyo ni jo-Israel, ne owachone niya, “Jopinyni oseweya, molamo nyiseche mamoko, mana ka dhako moweyo chwore mondo odwanyre gi chwo mamoko.

Malaki 3:7

Useweyo chikena, mi ok urito, mana kaka kwereu noweyo. To koro ka uduogo ira, to an bende abiro duogo iru. Ka upenjoru niya, ‘Ang’o ma onego watim mondo wadog ire?

Jo-Hibrania 3:12

Owetena, beduru motang’ mondo kik ng’ato kuomu bed gi chuny marach matamore yie, mamiyo oweyo Nyasaye mangima.