Daniel 9:12 - MUMA MALER 2015

¹² Ne ichopo mana gik moko mane iwacho ni nitimnwa kaachiel gi jotendwa, nimar ne ikumo Jerusalem malich moloyo dala moro amora e piny.

Motingʼo Loko Manyien

¹² Masira maduongʼ mane iwacho ni inikel kuomwa kaachiel gi jatendwa isetimo. E bwo polo onge gima osetim machalo gi gima osetimore ne Jerusalem, e piny duto.

Daniel 9:12 Iomraidhean Croise

1 Ruodhi 3:9

Emomiyo yie imiya chuny mariek, manyalo yango gima ber gi gima rach, mondo ang’adgo ni jogi bura, nikech ere ng’ama dinyal ng’ado bura ni jogi mang’enygi?”

2 Ruodhi 22:16

Ruoth Nyasaye ma Nyasach Israel owacho kama: ‘Abiro kelo masira e pinyni, kendo kuom joma odakie, kaluwore gi weche duto manie kitabu ma ruodh Juda osesomo.

Ayub 12:17

Oketho rieko mag jotelo, kendo omayo jong’ad bura paro.

Zaburi 148:11

Un ruodhi gi jotelo duto mag piny, kod jodongo gi jong’ad bura ma e piny duto,

Zaburi 2:10

Koro un ruodhi gi jotelo, chikuru itu mondo upuonjru:

Ngeche 8:16

Adier, an ema akonyo ruodhi kod jotelo rito piny.

Isaya 43:28

Jodongu bende ne omiyo Hekalu mara odoko mogak. Mano omiyo ne ajwang’o jo-Israel ma nyikwa Jakobo mondo otieki, mi yud wichkuot.

Isaya 44:26

To weche ma jotichna okoro, amiyo timore, kendo achopo gik ma jootena ochano. Awuoyo kuom Jerusalem ni, ji nochak odag kuno kendo, mi achak alos kuonde mokethore duto kuomgi.

Jeremia 30:7

Odiechieng’ marach biro, kendo onge odiechieng’ machal kode. En chieng’ marach ni nyikwa Jakobo. To kata kamano, gibiro tony.”

Jeremia 32:23

To kane gidonjo e pinyni, mi gidakie, ne ok girito chikeni, bende ne ok giluori. Ne ok gitimo gimoro amora mane isechikogi mondo gitim. Mano emomiyo ne ikelo masirani duto kuomgi.

Jeremia 39:16

mondo odhi onyis Ebed-edom ja Ethiopia ni Ruoth Nyasaye Manyalo Gik Moko Duto kendo ma Nyasach Israel osewacho niya, “Abiro ketho dalani, kendo ok abi guedhe, mana kaka nasingora ni natim. To ka chieng’no ochopo mi gigo otimore, to inibedie, kendo ininegi ka gitimore.

Jeremia 44:23

Masirano nobiro kuomu kaka uneno kawuononi nimar ne utimo misengni ni nyiseche mamoko, mi utimo timbe maricho e nyim Ruoth Nyasaye. Ne ok uwinje, kata puonjne bende ne ok uluwo.”

Ywagruok 1:12

Un duto mukadho ok dudewie wach malich machal kama? Mad urang uneye ka bende nitie chandruok machalo gi mara, ma Ruoth Nyasaye osesandago malit kokechoni.

Ywagruok 2:13

Yaye Jerusalem, ere kaka daho chunyi? Ere chandruok ma dapim gi marino? Koso ang’o ma dapimgo, mondo aho chunyi, yaye Sayun? Adhondi duong’ ka nam! Ere ng’ama dithiedhi?

Ywagruok 2:17

To Ruoth Nyasaye osetimo gima nochano chon. Adier, osetimo gima nosiemo ji ni obiro timo. Oseketho gik moko ka ok odewo, kendo omiyo wasigu ogoyoni siboi komedo tekogi.

Ywagruok 4:6

Kum ma joga oyudo lich moloyo kum mane okum go Sodom, nikech Sodom nolok gunda mana piyopiyo nono, ma onge ng’ama oywago.

Ezekiel 13:6

Fweny ma gineno ok gin madier, kendo gikoro weche mag miriambo. Giwacho ni wechego gin weche Ruoth Nyasaye, to an ne ok aorogi. To eka pod giparo ni gik ma gikoro biro timore!

Ezekiel 5:9

Usedwanyoru marach gi timbeu manono, omiyo abiro kumo jo-Jerusalem gi kum marach ma nyaka nene pok akumogigo.

Daniel 12:1

“E kindeno, malaika maduong’ miluongo ni Mikael marito jou, biro thinyore. Enobed kinde mar chandruok marachie moloyo kendo ma pok oneye nyaka ne ogendini chak bet e piny. Ka kindeno ochopo, to ibiro res jou duto ma nyinggi ondiki e kitap Nyasaye.

Joel 2:2

Enobed chieng’ mudho machil, chieng’ mudho mandiwa kendo motimo rumbi. Rumbi maduong’ mar bonyo imo gode, kendo obiro mang’eny mana ka oganda jolweny marateke. Gima chal kodgi pok obetie, bende ok nobedie.

Amos 3:2

kendo un ema aseng’eyou kendo ritou kuom ogendini duto manie piny. Kuom mano abiro kumou kuom richou duto.

Zekaria 1:6

To donge wechena gi chikena mane amiyo jotichna ma jonabi mondo osiemgo kwereu ne otimore, mi masira omakogi? Koso donge ne gilokore mi giweyo timbegi maricho, ka giwacho niya, ‘Ruoth Nyasaye Manyalo Gik Moko Duto osetimonwa kaka nochano. Adier, osetimonwa mana maromre gi timbewa.’ ”

Zekaria 1:8

Nende aneno fweny gotieno ni ng’ato oidho faras masilwal, kochung’ e kind yien e holo moro. To kadieng’eye ne nitie farese ma silwende gi marabuore kod marachere.

Zekaria 7:12

Bende ne gijiwo chunygi mobedo matek ka kidi, mi gitamore winjo puonj kod weche duto mane Roho mara miyo jonabi machon puonjogi. Kuom mano an Ruoth Nyasaye Manyalo Gik Moko Duto nakumogi gi mirimba.

Mathayo 24:21

nimar masira maduong’ ma nomak ji e ndalono nobed malich mapok oneye nyaka a chakruok piny, nyaka chil kawuono. To bende, masira maduong’ ma kamano ok nochak otimre kendo.

Mathayo 5:18

Adier awachonu ni, kapok polo gi piny orumo, to kata mana nukta achiel mar Chik kata dire achiel matin, ok nolal, nyaka chop gik moko duto timre.

Mariko 13:19

nimar masira manomak ji e ndalogo nobed malich ma pok oneye, chakre Nyasaye chue piny nyaka chil kawuono. To bende gima kamano ok nochak otimre kendo.

Luka 21:22

nimar mago nobed ndalo ma Nyasaye kumoe joge, mondo weche duto mondiki e Muma otimre.

Jo-Rumi 15:8

Awachonu ni Kristo nodoko jatich jo-Yahudi mondo onyis ji ni Nyasaye en jaadiera, tiende ni mondo omi gima ne Nyasaye osingore ni kwerewa otimre,