Daniel 8:8 - MUMA MALER 2015

⁸ Nywogno ne medo nyiso tekone, to kata obedo ni ne oratego kamano, tunge maduong’no notur, eka kar tung’ achielno, tunge ang’wen madongo ne otwiye, ka moro ka moro ochiko tung’ achiel achiel mar piny.

Motingʼo Loko Manyien

⁸ Nywogno nomedo bedo gi teko, to kata obedo ni ne en ratego kamano, to tunge maduongʼno notur mi tunge angʼwen mamoko notwi kanyo kamoro ka moro siemo tunge angʼwen mag polo.

Daniel 8:8 Iomraidhean Croise

2 Weche mag Ndalo 26:16

Kane Uzia osedoko motegno kamano, nobedo jasunga mi okethore. Nochayo Ruoth Nyasaye ma Nyasache, modonjo ei Hekalu mar Ruoth Nyasaye mondo owang’ ubani e kendo-mar-ubani.

Jeremia 49:36

Anami yamo moa kuonde duto kudh kochomo Elam, mi ake joma odak kuno kuonde duto. Onge piny moro ma joma ringo ok nochopie.

Jeremia 5:27

Gipong’o utegi gi gik mokwal, mana kaka jachik winy. Mano emomiyo gin gi teko kendo gimew,

Ezekiel 16:7

mi ne amiyo idongo mana ka yath madongo maber. Ne idongo motegno, kendo marabora, mi idoko nyako mopong’. Thundi ne ochung’ maber, kendo yie dendi noseti, to kata kamano ne in duk.

Ezekiel 28:9

To chieng’ ma gibiro mondo ginegino, bende pod niwach ni in nyasaye? Ooyo, ka gibiro iri, to nibed mana dhano matho, ma ok nyasaye!

Daniel 11:4

To ka lochne osegurore, pinye nopogre tieng’ ang’wen, kendo yawuote gi nyikwaye ok nobed ruodhi bang’e. Jomoko nono ema nokaw lochne gi thwon, to ok ginibed gi teko marom gi mane en go.

Daniel 4:31

Kane pok dhoge olwar, dwol nowuoyo gi e polo niya, “Ruoth Nebukadnezar, winj gima awachoni. Osemayi pinyi kawuono.

Daniel 5:20

To nikech ne odoko jasunga ma wiye tek kendo ma jakwinyo, ne omaye lochne kaachiel gi duong’ne.

Daniel 7:2

kendo gima ne aneno gotieno chalo kama: Yamo ne kudho moa koni gi koni kendo nam noloko marach.

Daniel 7:6

Kane pod ang’icho, naneno ondiek machielo machalo gi kwach. Ne en gi buombe ang’wen e dieng’eye ka mag winyo, kendo en gi wiye ang’wen! Bende ne omiye teko mar rito piny.

Daniel 8:22

Tunge ang’wen mane otwi kane tung’ mokwongo osemukore nyiso loch ruodhi ang’wen ma biro betie ka pinyno osepogore, to ok ginibed motegno ka loch ruoth mokwongo.

Daniel 8:5

Kane pod aparo tiend wachno, nywok moro nothinyore kowuok yo podho chieng’ karingo matek ma tiende ok mul piny. Ne en gi tung achiel marabet e pat wang’e.

Daniel 8:7

Ne aneno komonjo imno kokecho, momuko tungene ariyoka. Imno koro ne onge gi teko ma diresrego, omiyo nywok ne ogoye piny monyone, kendo onge ng’at mane nyalo konye.

Mathayo 24:31

Enoor malaikane e tung’ piny gi tung’ piny, ka tung’ ywak matek, mondo ochok joge ma oseyiero, chakre e tung’ piny konchiel nyaka komachielo.

Mariko 13:27

Enoor malaika e tung’ piny gi tung’ piny mondo ochok joma Nyasaye oseyiero, chakre e tung’ piny konchiel nyaka komachielo.

Rapar mar Chik 31:20

Ka asekelogi e piny maber kendo momew, kaka nasingora ni kweregi, mi giyudo chiemo, kendo gidoko machwe, eka bang’e ginichara, kendo giniketh singruokna, ka giluwo nyiseche mamoko kendo tiyonigi.

Fweny 7:1

Bang’ wechego ne aneno malaika ang’wen kochung’ e tunge ang’wen mag piny. Ne gimako yembe ang’wen mag piny, mondo yamo kik kudhi e piny, kata e nam, kaka kuom yath moro.