Daniel 7:22 - MUMA MALER 2015

²² nyaka ne ng’at ma nyaka nene obiro mong’ado bura ka chwako jo-Nyasaye Maduong’ Moloyo. Kinde koro ne osechopo ma jo-Nyasaye yudoe loch mar rito piny.

Motingʼo Loko Manyien

²² nyaka ne Nyasaye Maratego obiro mongʼado bura kachwako jomaler mar Nyasaye Man Malo Moloyo, kendo kinde koro nosechopo ma jo-Nyasaye yude loch mar rito piny.

Daniel 7:22 Iomraidhean Croise

Zaburi 149:5

Jo-Nyasaye mondo obed mail kuom locho, kendo giwer gi mor e sewni maggi.

Isaya 63:4

Ne asechano chieng’ ma achuloe kuor, kendo higa ma aresoe joga osechopo.

Daniel 7:18

To jo-Nyasaye Maduong’ Moloyo biro yudo loch mar rito piny, kendo ginisik gi lojno nyaka chieng’.”

Daniel 7:23

Eka ne onyisa kama, “Ondiek mar ang’wenno nyiso loch mar ruoth mar ang’wen ma biro bet e piny, kendo nobed mopogore gi loch mamoko duto. Enokwak piny duto, kendo nonyone piny, mokethe chuth.

Mathayo 19:28

Yesu nokonigi niya, “Adier awachonu un museluwa ni, chieng’ chuech manyien, ka Wuod Dhano obet e kom duong’ne to un bende unubed e kombe apar gariyo, kung’ado bura ni dhoudi apar gariyo mag Israel.

2 Jo-Thesalonika 2:8

Bang’e Ng’at Mochayo Chik nothinyre, to Ruoth Yesu nobi gi duong’ne duto, mi nonege gi muya moa e dhoge, kendo notiek tekone duto.

Fweny 1:6

mi omiyo wadoko oganda ruodhi matiyone kaka jodolo mag Nyasache kendo Wuon mare. Duong’ kod teko obedne nyaka chieng’! Amin.

Fweny 20:4

Bang’ mano ne aneno kombe mag duong’, kendo joma ne obet e kombego ne omi teko mar ng’ado bura. Bende ne aneno chuny joma noseng’ad wiyegi nikech ne gihulo wach man kuom Yesu, kendo nikech ne gilando wach Nyasaye. Gin ne ok gilamo Ondiek kata gima ket kode, bende ne ok oketnigi alama mar Ondiek e lela wengegi kata e luetgi. Ne gidoko mangima, mi gilocho gi Kristo kuom higni alufu achiel. Mano e chier mokwongo.

Fweny 3:21

To ng’at molocho anami bed koda e kom duong’na, mana kaka an bende ne alocho, mi abet kod Wuora e kom duong’ne.

Fweny 5:10

Ne itimogi oganda joka ruoth matiyo ni Nyasachwa kaka jodolo, kendo ginibed jotend piny.”