Daniel 7:21 - MUMA MALER 2015

²¹ To kane pod oyudo ang’icho, ne aneno ka tung’no kedo gi jo-Nyasaye, mi oloyogi,

Motingʼo Loko Manyien

²¹ Kane pod amedo ngʼicho to tungʼni notugo lweny gi jomaler mi oloyogi,

Daniel 7:21 Iomraidhean Croise

Daniel 11:31

Ogendini mage moko mag lweny nodwany Hekalu kod kuondene mochiel motegno, mi ginimi ji we timo misengni mitimo pile, kendo ginichung gima kuero makelo kethruok.

Daniel 12:7

Ng’at mane orwako law maberno noting’o bedene malo kochomo polo, mi osingore e nying Nyasaye mochwere, kowacho niya, “Odong’ kinde moromo higni adek gi nus, kendo ka sand misandogo jo-Nyasaye oserumo, to noyud ka gigi duto osetimore.”

Daniel 7:20

Bende ne adwaro ng’eyo ngech tung’ apar mane otwi e wiye, kendo ngech tung’ achiel mane owuok bang’e, momuko tunge mamoko adek. Tung’no ne nigi wenge, to bende ne en gi dhok mawacho weche mag sunga, kendo ne onenore maduong’ moloyo tunge mamoko duto te.

Daniel 8:12

Kar timo misengni mitimo pile, to richo malich ema ne itimo, mi dini mar adier nowit kucho. Tung’no notimo gimoro amora modwaro.

Daniel 8:24

Enobed gi teko mathoth, to tekono ok nobed mare owuon. Enokel masira malich, to gimoro amora motimo nodhi maber. Enotiek joma rateke kaachiel gi jo-Nyasaye.

Daniel 8:9

Bang’e tung’ moro notwi, kowuok e achiel kuom tunge ang’wen-go. Nonyiso tekone kochiko yo milambo gi yo wuok chieng’ kod yo piny maber mar Israel.

Fweny 17:14

Giniked gi Nyarombo, to Nyarombo nologi, nimar en Jaduong’ mar jodongo, kendo Ruodh ruodhi, kendo nikech joma luwe gin joma oluongi kendo ma oyier, kendo moyie kuome.

Fweny 17:6

Bende ne aneno ka remb jo-Nyasaye, kod remb joma ohulo ni Yesu e Ruoth, omero dhakono. Kane anene to ne awuoro ahinya,

Fweny 19:19

Eka naneno Ondiek malichno gi ruodhi mag piny kod ogendni mag lweny kochokore mondo oked gi Jal moidho faras gi ogandane mar lweny.