Daniel 6:4 - MUMA MALER 2015

⁴ Mano nomiyo jotelo mamoko kod jodongo otemo mondo ondhog Daniel e tichne mar rito piny. To ne ok ginyal yudo gimoro amora marach e tichne, nikech ne ne jaratiro maonge miganga.

Motingʼo Loko Manyien

⁴ Mano nomiyo jotend jorit pinje gi jodongo notemo mondo ondhog Daniel e tije mar rito piny, to ne otamogi yudo. Ne ok ginyal yudo ketho moro amora kuome, nikech ne en ja-adiera e yore duto, kendo ne oonge gi tim mar kawo malangʼ, kata mar jwangʼo tich.

Daniel 6:4 Iomraidhean Croise

Chakruok 41:38

mi nopenjogi niya, “Ere kuma wanyalo yudoe ng’at moro machielo, man gi Roho mar Nyasaye machal gi jali?”

Chakruok 43:18

Kane iterogi e ot, luoro nomakogi, nimar ne giparo niya, “Okelwa ka mana nikech pesa mane odwok e gundewa chieng mokwongo cha. Omiyo nyaka bed ni gibiro monjowa kendo lokowa wasumbini, mi gikaw kenjewa.”

Ngeche 29:27

Joma kare mon gi joricho, to joricho bende mon gi joma kare.

Eklesiastes 4:4

Bende kane aparo gima omiyo ji tiyo matek mondo odhi maber, to ne ayudo ni gitimo kamano nikech gidwaro ni mondo gibed gi gik mang’eny moloyo jowadgi. To mano en gima nono, ka yamo makadho!

Jeremia 18:18

Bang’ mano ji nowacho niya “Wang’aduru rieko mondo wanyal Jeremia. Pod nobedie abeda jodolo manyalo telonwa, gi joma riek manyalo ng’adonwa rieko, kod jonabi manyalo nyisowa wach Nyasaye. Biuru wahangne wach, kendo wawe dewo gima owacho.”

Jeremia 18:23

To in Ruoth Nyasaye, ing’eyo gik moko duto ma gitimo ka gidwaro nega. Omiyo kik ing’wonngi kuom timbegi maricho, kendo kik iwenigi richogi. Kelgi e nyimi ka gichwanyore, kendo kumgi ka in gi mirima mager.”

Jeremia 20:10

Awinjo ka ji kuodha gi nying’ ma gichaka ni ‘Masira ni kuonde duto,’ kendo giwacho niya, ‘Kwedeuru! Ee, wakwede!’ Kata mana osiepena ma ageno bende gombona mana chwanyruok. Giwacho niya, ‘Dipo ka oyondhe, mi omoko, kendo wachulone kuor.’

Jeremia 29:7

Tiuru matek mondo ulos dala moro amora ma asemiyo oterue e tuech. Lamuru ni dalano nikech ka odhi maber to un bende ubiro dhi maber.

Daniel 3:8

E ndalogo ema ne jo-Babulon moko oyudoe thuolo mar donjo ni jo-Yahudi.

Daniel 5:12

Ng’atno iluongo ni Daniel, mane Nebukadnezar ochako ni Belteshazar. En gi nyalo mar adier kod rieko, bende olony e tiend midhierni. Omiyo or ng’ato oluongnigo, mondo onyisi tiend wachni.”

Daniel 6:22

Nyasaye oseoro malaikane, mi omako dho sibuoche mondo kik hinya. Osetimo kamano nikech ong’eyo ni aonge gi ketho, to bende nikech pok atimo gimoro marach e nyimi ruoth.”

Mathayo 26:4

Ne gichano kaka digimak Yesu ling’ling’ mondo ginegi.

Mathayo 27:18

Nowacho kamano nikech nong’eyo maber ni gitero Yesu ire mana nikech nyiego.

Luka 20:20

Omiyo ne girito mondo giyud thuolo maber. Ne gioro jombetre mane owuondore ni joma kare, mondo omake kowinjo kowacho gimoro marach, kendo okete e lwet ruoth.

Luka 20:26

Kamano ne ok ginyal make kata gi wach achiel e nyim ji kanyo, omiyo ne giling’ thi, ka giwuoro dwokone!

Luka 22:2

To jodolo madongo kod jopuonj Chik ne dwaro yo ma digineggo Yesu ling’ling’, nimar ne giluoro ji.

Johana 19:4

Pilato nochako owuok oko, mowacho ni jo-Yahudi niya, “Neuru! Agolonugo oko mondo ung’e ni ok ayudo ketho kuome.”

2 Jo-Korintho 11:12

To abiro dhi nyime ka atimo mana gima atimo sani, mondo kik awe thuolo ni joma dwaro pakore ni gin bende gin joote kaka wan.

Jo-Filipi 2:15

Nyaka ubed nyithind Nyasaye maler kendo maonge wach, kubedo maonge ketho e kind tieng’ mobam kendo ma jarichoni, mondo urieny e kindgi ka sulue marieny e polo,

1 Timotheo 5:14

Omiyo daher mondo okend mond liete matindo, mi ginywol nyithindo, kendo girit utgi, eka digitam jasikwa yudo thuolo mar wacho weche maricho kuomwa.

Tito 2:8

To ka iwuoyo, to wach mana weche maradier ma ji ok nyal chayo ni ofuwo, mondo okuod wi jasigu, maonge gima rach mowacho kuomwa.

1 Petro 2:12

Timu onego obed maber ahinya e nyim joma ok oyie, mondo kata obedo ni gihangou ni un joma richo, to gine timbeu mabeyo, mi gipak Nyasaye chieng’ ma obiroe ng’ado bura.

1 Petro 3:16

To timuru kamano gi muolo kod luor, kendo nyaka ubed gi chuny maler, mondo timu maber kaka jo-Kristo okuod wi jogo mayanyou, kendo hangonu wach.

Jong’ad Bura 14:4

Jonywolne ne ok ong’eyo ni Ruoth Nyasaye ema ne dwaro ni mondo gima kama otimre mondo oyudgo yo mokelogo ni jo-Filistia masira. E ndalogo jo-Israel ne ni e bwo loch jo-Filistia.

1 Samuel 12:4

To ne gidwoke ni, “Pok imayowa gimoro, kata thirowa pok ithirowa, bende pok ikawo gimoro kuom ng’ato.”

1 Samuel 18:14

kendo nolocho kuonde duto modhiye, nikech Ruoth Nyasaye ne ni kode.

1 Samuel 22:14

Ahimelek nodwoko ruoth niya, “To kuom jotichni duto, ere ng’at ma jaadiera ma dirom gi Daudi ma ori, ma jatend joma riti, kendo momi duong’ e odi?