Daniel 4:1 - MUMA MALER 2015

¹ Ruoth Nebukadnezar nolando wach ni ogendini duto mae piny ngima, bed ni gia e dhoot mane, kata bed ni giwacho dhok mane. Nowachonigi niya, “Amosou gi mos mogundho.

Motingʼo Loko Manyien

¹ Ruoth Nebukadneza, Nolando ni ji duto gi ogendini kod ji moa e dhoudi mopogore opogore modak e piny ngima niya: Mad udag e ngima maber kod kwe.

Daniel 4:1 Iomraidhean Croise

1 Weche mag Ndalo 12:18

Eka Roho nolor kuom Amasai, jatend thuondi piero adek kande mowacho niya, “Wan kodi Daudi! Wan jogi, wuod Jesse. Wamosi! Wamosi! Wamoso Jakonyni bende! En Nyasachi makonyi.” Eka Daudi norwakogi, moketogi kuom joge mag lweny.

Ezra 4:17

Ruoth nodwokogi kama: “To kuom Rehum ma jaduong’ piny gi Shimshai jagoro kod joweteu duto modak Samaria gi piny man loka aora Yufrate, amosou.

Ezra 5:7

“Kuom ruoth Darius, wamosi ahinya.

Daniel 3:29

Kuom mano, koro agolo chik ni, ng’ato ang’ata ma owuoyo marach kuom Nyasach Shadrak gi Meshak kod Abednego, to ibiro jak embene gi bedene, bed ni oa e oganda mane, kata dhoot mane, kata owacho dhok mane, kendo nolok ode gunda, nimar onge nyasaye moro amora manyalo reso ji kamano.”

Daniel 3:4

Eka jago milome nolando wach gi duol maduong’ niya, “Un ji duto mae piny ngima, bed ni ua e dhoot mane kata bed ni uwacho dhok mane,

Daniel 6:25

Bang’e ruoth Darius nondiko ni ogendini duto mae piny, bed ni gia e dhoot mane, kata giwacho dhok mane, kowacho niya, “Amosou uduto gi mos mogundho.

Daniel 6:27

En ema owaro ji kendo oreso, kendo en ema otimo honni e polo gi piny. Ne oreso Daniel e dho sibuoche.”

Daniel 7:14

Eka ne oyudo teko gi duong’ kod loch mar rito piny, mondo ji manie piny ngima, bed ni gia e dhoot mane, kata giwacho dhok mane, otine. Tekone ne biro bedo mosiko, kendo lochne bende ne onge ng’ama nyalo ketho.

Zekaria 8:23

Ruoth Nyasaye Manyalo Gik Moko Duto wacho niya, “E kindego ji apar moa e ogendini mamoko, mawacho dhok mopogore opogore, nobi ir ja-Yahudi, mi mak riak lawe, ka wachone niya, ‘Wadwaro dhi kodi, nimar wasewinjo ni Nyasaye ni kodi.’ ”

Tich Joote 2:6

Kane giwinjo kokono, ne gichokore giduto, kendo ng’ato ka ng’ato kuomgi nodhier nono kowinjo ka jogo wacho mana dhoge owuon.

Jo-Rumi 1:7

Kuom mano andikonu un ji duto man Rumi, ma Nyasaye ohero, kendo oseluongo mondo obed joge. Ng’wono gi kue moa kuom Nyasaye Wuonwa gi Ruoth Yesu Kristo mondo obed kodu.

Jo-Efeso 1:2

Ng’wono gi kue moa kuom Nyasaye Wuonwa gi Ruoth Yesu Kristo, obed kodu.

1 Timotheo 1:2

andikoni in Timotheo, nyathina maradier kuom yie. Ng’wono gi miwafu kod kue moa kuom Nyasaye Wuonwa gi Kristo Yesu obed kodi.

1 Petro 1:2

Nyasaye Wuoro noyierou chon kaka dwarone obet, mondo opwodhu gi Roho, umak chik Yesu Kristo, kendo mondo rembe okir kuomu. Ng’wono gi kue mogundho obed kodu.