Daniel 3:7 - MUMA MALER 2015

⁷ Kuom mano e sa mane giwinjoe thumbe ka ywak, ji duto mae piny, bed ni gia e dhoot mane, kata bed ni giwacho dhok mane, nokulore piny, molamo kido mar dhahabu mane ruoth Nebukadnezar ochungo.

Motingʼo Loko Manyien

⁷ Kuom mano e sa mane giwinjoe ywak mar tungʼ, asili, nyagweru, nyatiti, orutu kod kit thumbe mayoreyore, ogendini duto, pinje kod ji duto moa e dhoudi mopogore opogore ne olamo kido mar dhahabu ma ruoth Nebukadneza nochungo.

Daniel 3:7 Iomraidhean Croise

Jeremia 51:7

Babulon ne chalo gi kikombe mar dhahabu manie lweta, mamiyo piny duto mer. Ogendini nomadho divai manie iye, mi wigi okethore.

Daniel 2:46

Kane ruoth Nebukadnezar owinjo wechego, nogoyo chonge piny mokulore nyaka e lowo e nyim Daniel, kendo ne ogolo chik mondo otimne misengni, kendo owang’ne ubani.

Daniel 3:10

Ne igolo chik ni e sa ma ji owinjoe ka thumbe ywak, to ng’ato ka ng’ato nyaka kulre piny mi lam kido mar dhahabu.

Daniel 3:4

Eka jago milome nolando wach gi duol maduong’ niya, “Un ji duto mae piny ngima, bed ni ua e dhoot mane kata bed ni uwacho dhok mane,

Daniel 3:5

ka uwinjo tung’ gi thum nyatiti gi asili kod thumbe mamoko kaywak, to nyaka ukulru piny kendo ulam kido ma ruoth Nebukadnezar osechungo.

Daniel 3:6

To ng’ato ang’ata ma ok okulore piny kendo olemo, ibiro wit piyopiyo e mach makakni.”

Daniel 3:8

E ndalogo ema ne jo-Babulon moko oyudoe thuolo mar donjo ni jo-Yahudi.

Tich Joote 14:16

E kinde machon, Nyasaye noyie ni ogendini duto mondo oluw yoregi giwegi.

1 Johana 5:19

Wang’eyo ni wan mag Nyasaye, to piny duto bende nie lwet Ng’ama Rach.

Fweny 12:9

Thuol maduong’no ne owit mwalo e piny kaachiel gi malaikane duto. En e thuol mang’ongo machon miluongo ni Jachien kata Satan, mane owuondo piny ngima.

Fweny 13:14

To honni mane oyiene ni mondo otim e nyim Ondiek mokwongo ema nowuondogo joma odak e piny. Ne ogolo chik mondo joma odak e piny olos gima ket gi ondiek mane ogo lero mar tho gi ligangla, to ne ok otho.

Fweny 13:3

Wiye achiel ne nenore ka gima ogo lero mar tho, to wiye mane ogo lerono nosechango. Ji duto manie piny ngima ne luwo bang’ ondiegno, kawuoro lichne.

Fweny 13:8

Ji duto modak e piny lame, mak mana jogo ma nyinggi ondiki e kitap ngima mar Nyarombo mane onegi, chakre chuech piny.

Fweny 17:8

Ondiek mane inenono, yande nitie, to tinde oonge. To obiro wuok e Bur Matut Maonge Gikone mi tieke. Ji duto modak e piny, ma nyinggi ok ondiki e kitap ngima chakre chuech piny, nowuor ka gineno ondiegno, nimar yande entie, to tinde oonge, to nochak oduog kendo.

Fweny 19:20

To ne olo Ondiek, mi omaki kaachiel gi Janabi mar Miriambo, mane osebedo katimo honni e nyime. Honnigo ema ne osewuondogo joma ne oketnigi alama mar Ondiek, kendo mane lamo gima ket gi Ondiegno. Ondiek gi Janabi ne owit kangima e ataro mar ligek mach.