Daniel 3:1 - MUMA MALER 2015

¹ Ruoth Nebukadnezar noloso kido mar dahabu ma borne mita piero adek, to lachne mita adek, mi ogolo chik mondo ochunge e paw Dura e gweng’ Babulon.

Motingʼo Loko Manyien

¹ Ruoth Nebukadneza noloso kido moro mar dhahabu ma borne noromo fut piero aboro gaboro gi nus, to lachne ne en fut apar, kendo nochunge e paw Dura e piny Babulon.

Daniel 3:1 Iomraidhean Croise

1 Ruodhi 12:28

Omiyo ruoth Jeroboam noporo wach, moloso nyiruedhi ariyo mag dhahabu. Eka nowacho ni ji niya, “Un jo-Israel, usedhi Jerusalem moromo. Koro neuru nyisecheu mane ogolou e piny Misri!”

Zaburi 135:15

Nyiseche mag ogendini mamoko to lwet dhano ema oloso gi fedha kod dhahabu.

Wuok 20:23

Kik ulos nyiseche mag fedha kata mag dhahabu mondo ulam kaachiel koda.

Wuok 32:31

Kamano Musa nodok ir Ruoth Nyasaye mowachone niya, “Yie iwinj wachna. Jogi osetimo richo maduong’ ahinya! Giseloso nyasaye mar dhahabu mondo gilam.

Isaya 2:20

Adier, chieng’ ma Ruoth Nyasaye oa malo mondo oyieng piny, to nyiseche manono mane ji oseloso gi fedha kod dhahabu, giniwit ni olwende kod oliktiga

Isaya 30:22

Bang’e unukaw nyisecheu manono mubawo gi fedha kata gi dhahabu, mi uwiti ka ukwanogi ka gik ma ok ler, kaka tutu kata chieth.

Isaya 46:6

Dupima gi nyasaye ma dhano loso koso? Joma dwaro nyasaye machal kamano kawo dhahabu mang’eny, kendo pimo fedha e ratil, eka gindiko jatheth mondo olosnigigo nyasayeno. Bang’e gilame ka giriere piny e nyime.

Jeremia 10:9

Kido magi manonogo obaw gi fedha mogol Tarshish, kendo gi dhahabu mogol Ufaz. Gin mana tich lwedo. Irwakogi gi lewni mambulu gi maralik, ka jachuech molony ema ochueyo.

Jeremia 16:20

Dhano bende nyalo loso nyiseche owuon? Ooyo, mago ok dibed nyiseche kata matin!’ ”

Daniel 2:48

Eka ne oketo Daniel e tich maduong’ mi omiye gik mabeyo mathoth. Nokete jaduong’ gweng’ Babulon, kendo nokete jatend jong’ad rieko duto e Babulon.

Daniel 2:49

To bende Daniel nokwayo ruoth mi oketo Shadrak gi Meshak kod Abednego jotend gweng’ Babulon. Daniel to nosiko katiyo mana e dala ruoth.

Daniel 3:14

Kane okelgi ire, nopenjogi niya, “Shadrak gi Meshak kod Abednego, bende en adier ni utamoru lamo nyasacha, kendo utamoru kuloru piny ni kido mar dhahabu ma asechungo?

Daniel 3:30

Eka ruoth nomiyo Shadrak gi Meshak kod Abednego tije madongo moloyo e gweng’ Babulon.

Daniel 5:23

Kar timo kamano to isepiem gi Ruodh Polo kuom kelo kikombe gi tewni mane osegol e Hekalu mare, mi umethoe. Ee, in gi jodongi kaachiel gi mondi mamoko ne umadho divai gi gigo, kupako nyiseche molos gi dhahabu gi fedha gi mula gi nyinyo gi bao kod kidi. Gin nyiseche ma ok nyal neno, kata winjo wach, kata ng’eyo gimoro. To ne ok iluoro Nyasaye morito ngimani kaachiel gi gik moko duto mitimo.

Daniel 5:4

Kane gimetho kamano, ne gipako nyiseche molos gi dhahabu gi fedha gi mula gi nyinyo gi yien kod kidi.

Hosea 2:8

To pod ok ong’eyo ni an ema ne amiye cham gi divai kod mo, bende ok ongeyo ni an ema ne amiye fedha gi dhahabu mogundho, mane otiyogo kuom lamo Baal.

Hosea 8:4

Joga yiero ruodhi maggi, to gitimo kamano ma ok gipenja. Bende giyiero jotelo ka ok ayie. Gikawo fedha gi dhahabu ma gin-go, kendo giloso nyiseche manono ma biro kelonigi mana masira.

Habakuk 2:19

Unune malit, un joma wacho ni yath mopa mondo ochiew, kendo ma kwayo kidi mondo oa malo. Bende gik makamago dikelnu wach moa kuom Nyasaye adier? Obawgi gi fedha kod dhahabu, kendo gionge gi ngima.

Tich Joote 17:29

“To koro kaka wan nyithind Nyasaye, ok onego wagal ni kit Nyasaye chalo gi kido moro amora molos gi dhahabu kata gi fedha kata gi kidi ma dhano molony kuom tichne oloso gi riekone.

Tich Joote 19:26

To uneno kendo uwinjo uwegi gima jal miluongo ni Pauloni timo! Opuonjo ji ni nyiseche ma dhano ema oloso, ok gin nyiseche kata matin, kendo wechenego oseywayo ji mang’eny mi oyie kode. To mano ok timre mana e Efeso kaeri kende, to ochiegni landore e piny Asia duto.

Rapar mar Chik 7:25

Nyaka uwang’ kido mag nyisechego manono, kendo kik ugomb fedha gi dhahabu ma gibawogo nyisechegigo, bende kik ukawgi. Kutimo kamano, to enobednu obadho, nimar gigo gin gik makuero e nyim Ruoth Nyasaye ma Nyasachu.

Fweny 9:20

To joma odong’ mane masichego ok onego, pod ne ok oloko chunygi oa kuom gik mane giseloso gi lwetgi, to ne gimedo mana lamo jochiende gi nyiseche manono molos gi dhahabu gi fedha gi mula gi kidi kod bao, ma gin gik ma ok nyal neno, kata winjo wach, kata wuotho.