Daniel 2:4 - MUMA MALER 2015

⁴ Ne gidwoke gi dho Aram niya, “Ruoth, onego idag aming’a! Nyiswa lekni mondo wahulni tiende.”

Motingʼo Loko Manyien

⁴ Eka jokor wach nodwoko ruoth gi dho jo-Aram niya, “Mad idag amingʼa, yaye ruoth nyis jotichni lek ma iseleko eka wabiro nyisi tiende.”

Daniel 2:4 Iomraidhean Croise

Chakruok 31:47

Laban nochako nying kanyo ni Jegar-sahadutha, to Jakobo nochake ni Galeed. (Jegar-sahadutha en dho Aram, to Galeed en dho Hibrania. Tiend nying ariyogo en pidh kite mobedo ka janeno.)

Chakruok 41:8

Kinyne gokinyi chunye nochandore ahinya, omiyo noluongo ajuoke kod joma riek duto manie piny Misri. Nonyisogi lekne, to onge ng’ama ne nyalo lokone tiendgi.

1 Ruodhi 1:25

Osedhi mwalo moyang’o ruedhi gi dhok machwe kod rombe mogundho. Osegwelo yawuot ruoth duto, kaachiel gi Joab jatend jolweny kod Abiathar jadolo, kendo koro gibet piny kode, ka gichiemo kendo gimetho. Giwacho niya, ‘Ruoth Adonija mondo odag aming’a!’

1 Ruodhi 1:31

Bathsheba nogoyo chonge piny, mokulore nyaka e lowo, komiyo ruoth duong’, mi nowacho niya, “Ruodha, mondo idag nyaka chieng’.”

2 Ruodhi 18:26

Eka Eliakim wuod Hilkia gi Shebna kod Joa nowacho ni Rabshake niya, “Wasayi, yie iwuo kodwa gi dho Aram, nikech en dhok mwang’eyo, to we wuoyo kodwa gi dho Hibrania kae, nimar joma ni ewi ohinga nyalo winjowa.”

Ezra 4:7

E ndalo mane Artaxerxes obedo ruodh Persia, Mithredath gi Tabeel kod jowetene nondikone. Baruano nondiki gi dho Aram, kendo nosome gi dho Aram.

Nehemia 2:3

Nadwoko ruoth niya, “Ruoth mondo odag aming’a! Akuyo nikech dala moyikie kwerena odong’ nono, kendo dhorangeyene osewang’ gi mach.”

Isaya 36:11

Eka Eliakim gi Shebna kod Joa nowacho ni Rabshake niya, “Wasayi, yie iwuo kodwa gi dho Aram, nikech en dhok mwang’eyo, to we wuoyo kodwa gi dho Hibrania kae, nimar joma ni ewi ohinga nyalo winjowa.”

Isaya 44:25

Ang’eyo jonabi mag miriambo kaachiel gi ranyisigi, bende akuodo wi ajuoke. Adwoko weche joma riek chien, kamiyo riekogi lokore gima nono.

Daniel 1:4

Yawuowigo ne nyaka bed joma nigi chia maber ma onge gi songa moro e dendgi, kendo mariek motiegore moromo tiyo e od ruoth. Ashpenaz ne nyaka puonjgi ndiko kendo somo dho Babulon.

Daniel 2:7

Eka ne gichako gidwoko ruoth niya, “Ka inyalo nyisowa lekno, to wabiro nyisi tiende.”

Daniel 3:9

Ne giwacho ni ruoth Nebukadnezar niya, “Ruoth, mondo idag aming’a!

Daniel 4:19

Kane Daniel ma nyinge moro en Belteshazar, owinjo wachno, ne obwok mi chunye ochandore ma ok onyal wacho gimoro. Ruoth nowachone niya, “Belteshazar, kik iwe chunyi chandre nikech lekno kata ne gima tiende nyiso.” Belteshazar nodwoke niya, “Ruoth dobedo maber ka lekno kod tiende odok ni wasiki!

Daniel 4:7

Eka nokel ajuoke duto, mi ahulonigi lekna, to ne ok ginyal lokona tiende.

Daniel 4:9

Ne awachone kama: Belteshazar, jatend ajuoke duto, ang’eyo ni much nyiseche maler ni kuomi, kendo ni ielo midhierni duto. Koro winji gima nende aleko, mondo ilokna tiende.

Daniel 5:10

Chi ruoth nowinjo koko mane ruoth gi jodonge goyo, mi odonjo e ot mitimoe sawo. Nowacho niya, “Ruoth, mondo idag aming’a. Kiyie to chunyi owe chandore, bende dendi owe juol kamano.

Daniel 5:8

Jong’ad ni ruoth rieko duto nosudo machiegni, to onge ng’ato kuomgi mane nyalo somo ndikono, kata mana nyalo nyiso ruoth tiende.

Daniel 6:21

Daniel ne odwoke niya, “Ruoth, mondo idag aming’a!

Daniel 6:6

Omiyo ne gidhi ir ruoth, mi giwachone niya, “Ruoth Darius, mondo idag aming’a.

Daniel 6:7

Wan duto ma wan jotend pinyi, wasewinjore ni onego igol chik mager ni, kuom ndalo piero adek ng’ato kik kwa gimoro kuom Nyasaye moro amora kata kuom dhano moro, to mak mana kuomi, in ruoth. To ng’ato ang’ata moketho chikno nyaka wit e bur sibuoche.

Mathayo 21:9

Joma notelo nyim Yesu, kod joma ne luwo bang’e nokok niya, “Duong’ obed ni Wuod Daudi! Ogwedh ng’ama biro e nying Ruoth! Duong’ obed ni Nyasaye e polo malo!”

1 Samuel 10:24

Samuel nowacho ni ji duto niya, “Neuru jal ma Ruoth Nyasaye oyiero. Onge ng’at machal kode kuomu duto.” Mi ji duto nokok kawacho niya, “Ruoth mondo odag aming’a!”