Daniel 12:7 - MUMA MALER 2015

⁷ Ng’at mane orwako law maberno noting’o bedene malo kochomo polo, mi osingore e nying Nyasaye mochwere, kowacho niya, “Odong’ kinde moromo higni adek gi nus, kendo ka sand misandogo jo-Nyasaye oserumo, to noyud ka gigi duto osetimore.”

Motingʼo Loko Manyien

⁷ Ngʼat morwakore gi law mayom mane ni e chuny pi aorano, notingʼo lwete korachwich kod lwete koracham malo kochomo polo, kendo ne awinje kokwongʼore gi Nying Jal Mangima Manyaka Chiengʼ; kowacho niya, “Odongʼ kinde maromo higni adek gi nus kendo ka sand misandogo jo-Nyasaye oserumo to noyud ka gigi duto osetimore.”

Daniel 12:7 Iomraidhean Croise

Ayub 27:2

“Akuong’ora e nyim Nyasaye Mangima Manyalo Gik moko Duto, motamore ng’adona bura makare, kendo mosemiyo chunya obedo malit,

Isaya 62:12

Noluonggi ni, ‘Joma owal’, kendo ni, ‘Joma Ruoth Nyasaye osewaro’, kendo ni, ‘Dala ma ok ojwang’.’ ”

Jeremia 4:2

Ka ukuong’oru gi nying Ruoth Nyasaye gi adiera gi bura makare kendo gi tim malong’o, to ogendini biro kwaya mondo gin bende aguedhgi kaka aseguedhou, kendo gibiro miya duong’.

Ezekiel 20:5

Nyisgi ni an Ruoth Nyasaye awacho ni, kane ayiero jo-Israel, ne afwenyoranigi e piny Misri, mi akuong’ora ni an Ruoth Nyasaye ma Nyasachgi.

Daniel 10:5

Ne ating’o wang’a mi aneno ng’at morwako law maber, kendo otueyo okanda mar dhahabu.

Daniel 11:13

Ruodh Siria nochak ochok oganda lweny maduong’ moloyo mane en go chon, kendo ka kinde ochopo maber, to noduog gi oganda mar lwenyno, kod gilweny mathoth.

Daniel 12:6

Achiel kuom jogo nowacho ni ng’at mane orwako law maber mane ochung’ gi chien yo ka wi aora cha, niya “Odong’ kinde marom nadi mondo honnigi orum?”

Daniel 12:8

Ne awinjo gima owacho, to ne ok ang’eyo tiendgi, omiyo napenje niya, “Jaduong’, giko mar gigi nobed nadi?”

Daniel 4:31

Kane pok dhoge olwar, dwol nowuoyo gi e polo niya, “Ruoth Nebukadnezar, winj gima awachoni. Osemayi pinyi kawuono.

Daniel 4:34

To kane higni abiriyogo oserumo, an Nebukadnezar ne ang’iyo polo malo, mi parona oduogo. Ne apako Nyasaye Maduong’ Moloyo ma osiko nyaka chieng’, mi amiye duong’ gi luor, ka awacho niya, “Lochne osiko nyaka chieng’.

Daniel 7:21

To kane pod oyudo ang’icho, ne aneno ka tung’no kedo gi jo-Nyasaye, mi oloyogi,

Daniel 7:25

Enobed kowuoyo marach kuom Nyasaye Maduong’ Moloyo, kendo enothir jo-Nyasaye. Bende enotem loko chike mag dinigi kod sewni maggi, mi jo-Nyasaye nobed e bwo lochne kuom higni adek gi nus.

Daniel 8:14

Nodwoko niya, “Nyaka kinde ma misengni alufu ariyo gi mia adek mitimo okinyi godhiambo kadhi. Eka nochak opwodh Hekalu kendo.”

Daniel 8:24

Enobed gi teko mathoth, to tekono ok nobed mare owuon. Enokel masira malich, to gimoro amora motimo nodhi maber. Enotiek joma rateke kaachiel gi jo-Nyasaye.

Luka 21:14

Emomiyo keturu chunyu mondo ung’e ni ka kindeno ochopo, to ok unuchandru kuom paro gima dudwoki,

Luka 21:24

Moko kuomgi noneg e lweny, to moko nomaki mi ter e pinje mamoko duto, kendo ogendini ma ok jo-Yahudi nonyon Jerusalem nyaka chop ndalo lochgi rum.

Rapar mar Chik 26:19

Obiro ting’ou malo moloyo ogendini mamoko duto mane ochueyo, mondo nyinge oyud duong’ gi pak kod huma. Kamano unubed oganda mowal ni Ruoth Nyasaye ma Nyasachu mana kaka nosingore.”

Rapar mar Chik 32:36

“Adier, ka Ruoth Nyasaye oneno ni joge ool, kendo ni onge kata ng’at achiel modong’ makonyogi, to obiro ng’adonigi bura maber, kendo obiro kechogi.

Rapar mar Chik 32:40

Koro ating’o bada ka akuong’ora gi nyinga awuon mochwere ni,

Rapar mar Chik 7:6

nimar un joma owal ni Ruoth Nyasaye ma Nyasachu. Ruoth Nyasaye ma Nyasachu noyierou e kind ji duto mae piny mondo ubed ogandane moyiero.

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!

Fweny 12:14

To ne omi dhakono buom ariyo mag ongo maduong’ mondo ohugo ochop kare e thim, kuma ne idhi ritee kimiye chiemo kuom higni adek gi nus, ka en mabor gi thuol.

Fweny 12:6

Dhakono to noringo modhi e thim kuma ne Nyasaye oikonee kar bet, mondo oritee ka imiye chiemo kuom ndalo alufu gi mia ariyo kod piero auchiel.

Fweny 13:5

Ne omi Ondiegno dhok mawacho weche mag warruok kod ayany, kendo ne oyiene kedo gi loch kuom dueye piero ang’wen gariyo.

Fweny 4:10

to jodongo piero ariyo gang’wen-go podho e nyim Jal mobet e kom duong’no, kendo gilamo Jal mantie nyaka chieng’. Gibolo osimbegi e nyim komno, ka giwacho niya,

Fweny 4:9

To e kinde ka kinde ma gik mangimago goyoe erokamano ni Jal mantie nyaka chieng’ mobet e kom duong’, kendo miye duong’ gi pak,