Daniel 12:4 - MUMA MALER 2015

⁴ “To in Daniel, koro um kitabu, kendo idine gi odok nyaka kinde mar giko chopi. To kindegi ji mang’eny biro ringo koni gi koni mondo onge tiend gik matimore.”

Motingʼo Loko Manyien

⁴ To in Daniel, um kitabuni kendo idine godok nyaka chop ndalo giko. To e ndalono ji mangʼeny nodhi koni gi koni ka gimanyo rieko.”

Daniel 12:4 Iomraidhean Croise

Isaya 11:9

Onge gima nohiny ng’ato, kata ma noketh gimoro e gode maler duto, nimar joma ong’eyo Ruoth Nyasaye nopong’ piny, mana ka pi mopong’o nam.

Isaya 29:11

Weche duto ma bironu e fweny, chalo gi kitabu modin gi dwogo. Kichiwo kitabuno ni ng’at mong’eyo somo, mi ikwaye ni mondo osomnigo, to obiro dwoki ni ok onyal some nikech odine.

Isaya 30:26

Chieng’no due nobed karieny maler ka wang’chieng’ kendo wang’ chieng’ nobed ka rieny maler nyadibiriyo moloyo kaka orieny pile. Nochal mana gi ler mar ndalo abiriyo moriw e odiechieng’ achiel! En chieng’ ma Ruoth Nyasaye nochomie tiende joge kod bedegi motur, kendo ochangie adhondegi.

Isaya 32:3

Wenge joma neno onge gima nomon neno, bende it joma winjo nowinj awinja.

Isaya 8:16

Koro atueyo kalatas mondikie wechego matek, kendo achano puonjno e chuny jopuonjrena.

Jeremia 5:1

Un jo-Jerusalem, wuothuru e yore mag dalau kendo e chirniu, mondo une ane ka nitie kata ng’at achiel makare mohero adiera. Kuyudo, to Ruoth Nyasaye nowe ni jodalano richogi.

Daniel 10:1

E higa mar adek mar loch Kuros ruodh Persia, wach nofwenyore ni Daniel, ma bende niluongo ni Belteshazar. Kata obedo ni wachno ne en wach ma adier, to winjo tiende ne ok yot. Kata kamano ne onyise tiende e yor fweny.

Daniel 10:14

Koro asebiro mondo anyisi gima biro timore ni jou e ndalo mabiro, nikech ma bende en fweny manyiso gik mabiro timore e ndalo mabiro.”

Daniel 10:21

Asebiro mana ni mondo ahulni gima ondiki e kitap weche ma adiera. To koro onego adog mondo aked gi malaika ma jarit piny Persia. Bang’e malaika ma jarit piny Gris biro wuok, to onge ng’at manyalo konya mak mana Mikael ma malaika ma jarit piny Israel.

Daniel 11:33

Ji mariek nong’ad rieko ni ji mamoko mathoth. To kuom kinde matin jomoko kuomgi notho e lweny kendo nowang’ e mach. Moko bende noywag mwandugi, kendo noter e tuech.

Daniel 11:40

“E kinde ma loch ruodh Siria chiegni rumo, ruodh Misri biro monje, mi ked kode gi tekone duto, kokonyore gi geche lweny gi joidh farese kod mende mang’eny, mi omwom mana ka aora ma mwomo genge.

Daniel 12:13

“In Daniel, sik kuom Nyasaye nyaka giko. Eka initho, to achien inichier mi iyud pokni chieng’ giko piny.”

Daniel 12:5

To an Daniel, naneno ji ariyo moko ka moro ochung’ e bath aora koni, to moro ochung’ komachielo.

Daniel 12:9

Nodwoka niya, “Daniel, koro dhi adhiya, nikech wechegi odin kendo okan nyaka kinde mar giko chopi.

Daniel 8:17

Omiyo Gabriel nobiro mochung’ buta, mi kihondko omaka, mapodho piny. Nowachona niya, “Wuod dhano, winji! Fweny mane inenono nyiso gik mabiro timore e ndalo giko.”

Daniel 8:19

eka owachona niya, “Adwaro nyisi gima notimre bang’ masiche ma mirimb Nyasaye osekelo, nikech fwenyno nyiso gik mabiro timore e ndalo mag giko.

Daniel 8:26

Fweny mar misengni mitimo okinyi godhiambo pile ma osenyisi tiende, en adier, to kik ihul wachno ni ng’ato, nikech pod kinde malach biro kadho kapok otimore.”

Mathayo 24:14

Wach maber mar Loch Nyasaye noland e piny duto, mondo ogendini duto ong’e eka bang’e giko nobi.

Jo-Rumi 10:18

To koro apenjo niya, “Bende nyalo bet ni jo-Israel ne ok owinjo Wach?” Ooyo! Ne gisewinjo, mana kaka Muma wacho ni, “Dwond joland wach osewinji e piny duto. Adier, wechegi osetundo e tung’ piny gi tung’ piny.”

Fweny 10:4

kendo kane polo abiriyogo osemor kamano to ne adwaro ndiko gima ne asewinjo ka giwacho, to ne awinjo dwol moro koa e polo mawacho niya, “Kik indik gima polo abiriyogo osewacho, to ling’go mana e chunyi.”

Fweny 22:10

Bang’ mano malaikano nowachona niya, “Kik iling’ gi weche mokor manie kitabuni, nikech kinde moketi chiegni!

Fweny 5:1

Bang’ mano, ne aneno kitabu ma Jal mane obet e kom duong’no oting’o e lwete ma kor achwich. Ne ondik iye gi toke bende, kendo ne odine gi kido abiriyo.