Daniel 11:8 - MUMA MALER 2015

⁸ Enokaw kido mag nyiseche kaachiel gi gik ma nengogi tek mag fedha gi mag dhahabu, mi oter Misri. Bang’ bedo gi kue kuom higni mogwarore,

Motingʼo Loko Manyien

⁸ Obiro mayogi nyisechegi, kido molos gi chuma kod gigegi mamoko ma nengogi tek molos gi fedha gi dhahabu mi odhi kodgi nyaka Misri. Kuom higni moko enowe kedo gi ruodh Nyandwat.

Daniel 11:8 Iomraidhean Croise

Chakruok 31:30

Ang’eyo ni ne ia nikech siso ne oloyi gi joodu, to ang’o momiyo nikwalo nyisechena”?

2 Samuel 5:21

Jo-Filistia noringo moweyo nyisechegi kanyo, mi Daudi kod joge nokawogi.

Wuok 12:12

Otienono nawuoth e piny Misri duto kendo naneg nyathi ka nyathi ma dichwo makayo mar dhano kod mar chiayo. An e Ruoth Nyasaye, kendo anakum nyiseche duto mag jo-Misri.

Isaya 2:16

Kata mana yiedhi madongo duto madhi Tarshish, kod mago mag Arabia bende nokethi chieng’no.

Isaya 37:19

mi gibolo nyisechegi e mach, kendo gisekethogi chuth, nimar ne ok gin nyiseche kata matin, to mana tich dhano molos gi yath kata gi kidi.

Jeremia 46:25

Ruoth Nyasaye Manyalo Gik Moko Duto kendo ma Nyasach Israel wacho niya, “Abiro kumo Amon nyasach Thebes, kaachiel gi jo-Misri kod nyisechegi mamoko kod ruodhigi. Bende abiro kumo Farao gi ji duto mogeno kuome,

Daniel 10:3

ka ok acham chiemo mabeyo, kendo ring’o kata divai ne ok amul. Bende ne ok awir denda gi mo kuom ndalogo duto.

Daniel 11:9

ruodh Siria nomonj Misri, to nochune mondo odog e pinye.

Hosea 13:15

Kata obedo ni jo-Israel dhi nyime maber ka buya malandore, to abiro kelonigi jaketh ma notiek gigi mabeyo duto mana kaka yamb oro moa e piny motimo ongoro duono sokni duto.

Hosea 8:6

Jatich moro e Israel ema ne oloso kido manono, to kidono ok en Nyasaye! Kido mar nyaroya ma jo-Samaria lamono ibiro baro matindo tindo.

Kwan 33:4

Jo-Misri noyudo yiko nyithindgi makayo duto mane Ruoth Nyasaye onego, kang’adogo bura ni nyisechegi.

Rapar mar Chik 12:3

Mukuru kendegi mag liswa gi sirni maggi milamo mag kite, kendo uwang’ sirni maggi milamo mag yien, mi uketh kido mag nyisechegi. Kamano unuruch nying nyisechegi oko kuondego.

Jong’ad Bura 18:24

Nodwokogi niya, “Usekawo nyisechena mane aloso, kaachiel gi jadolona, uago, kendo koro adong’ nono, to eka pod upenja ni en ang’o ma thaga!”