Daniel 10:16 - MUMA MALER 2015

¹⁶ Eka gimoro machalo gi dhano nomulo pien dhoga, mi achako wuoyo, ne awacho ni gima chalo dhano mane ochung’ e nyimano niya, “Jaduong’, fweny ma asenenoni ochwowo chunya, omiyo tekra orumo.

Motingʼo Loko Manyien

¹⁶ Eka ngʼat moro machalo dhano nomulo dhoga, mi nayawo dhoga kendo nachako wuoyo. Ne awachone ngʼama nochungʼ e nyima niya, “Ruodha, chandruok oromo chunya nikech fweny ma aseneno, kendo anyosora marumo.

Daniel 10:16 Iomraidhean Croise

Wuok 4:10

Musa nowacho ni Ruoth Nyasaye niya, “Ruoth kiyie; ok an ng’at mong’eyo wuoyo e nyim ji, kata mana sani, ma koro isewuoyo kodani, pod an mana kamano. Lewa pek, kendo aywayo wach.”

Wuok 4:13

To Musa ne pod odagi, ka kwero Ruoth Nyasaye niya, “Ruoth, kiyie to or ng’at moro nono mihero.”

Eklesiastes 1:18

Rieko mang’eny kelo mana parruok mathoth. Adier, ka ing’eyo gik mang’eny, to imedo mana bedo gi chuny lit.

Isaya 6:7

mane osegolo e kendo-mar-misango gi ramaki. Ne orewo dhoga ka owacho niya, “Winji, majni oserewo dhogi, omiyo timbeni mamono oweni. Adier, richoni opwodhi.”

Jeremia 1:9

Bang’e Ruoth Nyasaye notero lwete, momulo dhoga, kowachona niya, “Eri, aketo wechena e dhogi.

Ezekiel 1:26

Ewi gino ne nitie gimoro machalo gi kom duong’ molos gi kidi ma nengone tek, to gimoro machalo gi dhano nobet kuome.

Ezekiel 3:27

To bang’e ka achako wuoyo kodi, mi amiyi teko mar loso, to iniwachnigi wechena, kinyisogi ni wechego oa kuom Ruoth Nyasaye. Ji moko kuomgi nowinji, to moko ok nodewi, nikech gin oganda ma jopiem.”

Ezekiel 33:22

To odhiambo mane kinyne obiroe, ne oyudo asewinjo ka teko mar Ruoth Nyasaye ni kuoma. Omiyo kinyne gokinyi, kane ng’atno obiro, to Ruoth Nyasaye noduogona teko mar wuoyo.

Daniel 12:8

Ne awinjo gima owacho, to ne ok ang’eyo tiendgi, omiyo napenje niya, “Jaduong’, giko mar gigi nobed nadi?”

Daniel 4:19

Kane Daniel ma nyinge moro en Belteshazar, owinjo wachno, ne obwok mi chunye ochandore ma ok onyal wacho gimoro. Ruoth nowachone niya, “Belteshazar, kik iwe chunyi chandre nikech lekno kata ne gima tiende nyiso.” Belteshazar nodwoke niya, “Ruoth dobedo maber ka lekno kod tiende odok ni wasiki!

Daniel 7:15

Fweny mane anenogo nobwoga, mi chunya ochandore ahinya.

Daniel 7:28

Mano e giko wechego, to an Daniel ne abwok ahinya, mi denda ojuol, to ne ok anyiso ng’ato wechego.

Daniel 8:15

An Daniel natemo mondo ang’e tiend fwenyno, mi apo ka aneno gima chalo dhano kochung’ e nyima.

Daniel 8:17

Omiyo Gabriel nobiro mochung’ buta, mi kihondko omaka, mapodho piny. Nowachona niya, “Wuod dhano, winji! Fweny mane inenono nyiso gik mabiro timore e ndalo giko.”

Daniel 8:18

To kane owuoyo koda, parona ne olal, mana kama ne apodhoe aumano. To ne omaka mochunga,

Daniel 8:27

Bang’ mano, an Daniel, chunya nobedo mool, mi abedo matuo kuom kinde mogwarore. To bange ne aa malo, mi adok e tich mane ruoth osemiya. Kata kamano fwenyno ne odhiera, kendo ne ok anyal ng’eyo tiende.

Daniel 9:21

Kane pod alemo kamano, ng’at miluongo ni Gabriel, mane aseneno e fweny, ne ohuyo matek mobiro kuma antie. Ne en kar sa mitimoe misango mar odhiambo.

Luka 1:64

Gikanyono dho Zekaria noyawore, kendo lewe nogonyore mi ochako wuoyo kodendo Nyasaye.

Luka 21:15

nikech an ema namiu weche kod rieko ma onge wasiku kata achiel ma nosir kata nokwer.

Johana 20:28

To Thoma nodwoke ni, “Ruodha, kendo Nyasacha!”

Joshua 5:14

Ng’atno nodwoke niya, “An ka kaka jaduong’ jolweny mag Ruoth Nyasaye.” Joshua nogoyo chonge piny, mokulore nyaka e lowo, mowacho niya, “Ang’o midwaro mondo atim ruodha?”

Fweny 1:13

to e dier teynigo ne nitie gimoro machalo dhano, morwakore gi kandhu mochopo nyaka e tiende piny, kendo otweyo kore gi okanda mar dhahabu.

Jong’ad Bura 13:8

Bang’ winjo wechego, Manoa nokwayo Ruoth Nyasaye niya, “A Ruoth Nyasaye, yie mondo ng’at Nyasaye mane ioro cha odwog irwa, kendo onyiswa gima onego watim gi nyathi ma wabiro nywolono.”

Jong’ad Bura 6:13

Gideon nodwoke niya, “To ruoth, to ka en adier ni Ruoth Nyasaye ni kodwa to ang’o momiyo gigi duto osetimorenwa? Ere honni duto mane kwerewa owachonwa ni Ruoth Nyasaye notimo kogologi e piny Misri? Ruoth Nyasaye osejwang’owa, kendo oseweyowa e lwet jo-Midian.”

Jong’ad Bura 6:15

Gideon nodwoke niya, “To ruoth ere kaka dares jo-Israel? Dhoodwa e dhoot matinie moloyo dhoudi duto mag Manase, to bende an mana ng’at marachrachie moloyo e dhoodwa.”