Daniel 1:8 - MUMA MALER 2015

⁸ Daniel ne oparo ni ok onego obed mogak kuom chamo chiemo kendo madho divai mane ibiro miyogi kaa e od ruoth. Omiyo ne okwayo Ashpenaz ma jatelo maduong’ mondo kik ochune chamo gigo.

Motingʼo Loko Manyien

⁸ Daniel to nongʼado e chunye ni ok nobed mogak kuom chamo chiemo kendo madho divai moa e od ruoth, omiyo nokwayo jatelo maduongʼ thuolo mondo oweye kik ocham chiemo mogakgo.

Daniel 1:8 Iomraidhean Croise

1 Ruodhi 5:5

Emomiyo koro adwaro gero ni Ruoth Nyasaye ma Nyasacha, ka aluwo singruok mane omiyo Daudi wuora, kowacho niya, ‘Wuodi ma naket ruoth kari ema nogerna Hekalu.’

Zaburi 106:28

Bang’e jo-Nyasaye ne oriwore e lamo Baal ka gin Peor, kendo ne gichamo misengni motim ni nyiseche maonge ngima.

Zaburi 119:106

Akuong’ora ni anarit chikeni makare, mana kaka ne asingora.

Zaburi 119:115

Auru kuoma, un joricho, mondo arit chike Nyasacha.

Zaburi 141:4

Rita mondo kata mana gombo timo richo kik agombi, kata kik akony joricho timo timbegi mamono. Bende kik iwe abed kodgi kaachiel e sewni maggi.

Ngeche 23:3

Kik iwe miluma hewi gi chiembe mamit, nimar nyalo bet ni odwaro mana ng’eyogo kiti.

Daniel 1:5

Bende ruoth nogolo chik ni nyaka mi yawuowigo chiemo gi divai pile mana kaka imiyo jood ruoth mamoko. Ne onego gitiegre kuom higni adek, eka bang’e ne ginyalo tiyo ni ruoth.

Daniel 5:4

Kane gimetho kamano, ne gipako nyiseche molos gi dhahabu gi fedha gi mula gi nyinyo gi yien kod kidi.

Tich Joote 11:23

Kane ochopo kuno, mi oneno kaka Nyasaye oseguedho ji, ne odoko mamor, mi ojiwogi giduto, mondo giket chunygi kuom Ruoth, kendo gipadre kuome.

Tich Joote 15:20

To onego wandiknigi barua ma nyisogi ni nyaka giritre kuom gik ma ok ler nikech gik ma kamago osechiw ni nyiseche manono. Bende kik giterre, kendo kik gicham gima ode, bende kik gicham remo.

1 Jo-Korintho 7:37

To ka oketo chunye motegno, maonge gima ochune, to otimo maber moloyo ka ok okendo nyakono.

2 Jo-Korintho 9:7

Ng’ato ka ng’ato mondo ochiw kaka oseparo e chunye, ma ok ochune, kendo ma ok oywago ang’e, nikech jachiwo mamor ema Nyasaye ohero.

Rapar mar Chik 32:38

Ere nyisecheu mane chamo boche mag misengni mau, kendo madho divai mar misengni miolo piny? Koro gibi mondo gikonyu, kendo gibednu kar konyruok.’