Daniel 1:12 - MUMA MALER 2015

¹² Nowachone niya, “Kiyie, to miwa mana alot wacham, gi pi wamodhi kuom ndalo apar.

Motingʼo Loko Manyien

¹² “Kiyie to tem ane jotichni kuom ndalo apar; ka ok imiyowa gimoro amora makmana alot gi pi modho.

Daniel 1:12 Iomraidhean Croise

Daniel 1:11

Mano omiyo Daniel nodhi ir jarit mane Ashpenaz oketo mondo orite kaachiel gi jowetene adek ka.

Daniel 1:13

Bang’ mano to mondo ing’iwa ane gi yawuowi mamoko machamo chiemb od ruoth, mondo ine ane joma oloyo jowadgi gi del maber.”

Daniel 1:16

Mano omiyo jarit ne ok omiyogi chiemb od ruoth, to nomiyogi mana alot.

Jo-Rumi 14:2

Jomoko nigi yie motegno mamiyogi thuolo mar chamo gimoro amora ma gihero, to joma onge gi yie motegno to chamo mana alot kende.

Rapar mar Chik 8:3

Nodwokou piny, kendo nomiyo kech okayou, eka bang’e nomiyou manna mondo ucham. En chiemo mane pok uneno, kendo kwereu bende ne ok oneno. Notimo kamano mondo onyisugo ni dhano ok bed mangima nikech chiemo kende, to obedo mangima gi weche duto mawuok e dho Ruoth Nyasaye.

Fweny 2:10

Kik iluor sand ma ibiro yudo, nikech jachien biro bolo jomoko kuomu e jela mondo otemu, kendo ubiro yudo sandruok kuom ndalo apar. To bed jaadiera nyaka kar tho, mi anamiyi osimbo mar ngima, kaka ranyisi ni iselocho.