Ayub 9:4 - MUMA MALER 2015

⁴ Nyasaye riek malich, kendo en gi teko, ma onge ng’ama nyalo piem kode, mi loye.

Motingʼo Loko Manyien

⁴ Riekone tut kendo tekre ngʼeny. En ngʼa mosepiem kode miloye?

Ayub 9:4 Iomraidhean Croise

2 Weche mag Ndalo 13:12

Neuru kaka Nyasaye ni kodwa, kotelonwa. Neuru kaka jodolone ting’o tungegi mag lweny ma gibiro goyo mondo warad kodu. Un jo-Israel kik uked gi Ruoth Nyasaye ma Nyasach kwereu, nimar ok unyal loye.”

2 Weche mag Ndalo 20:6

mokwayo niya, “A Ruoth Nyasaye ma Nyasach kwerewa, donge in e Nyasaye manie polo? Donge in e ruodh ogendini duto? Nyalo gi teko duto nie lueti maonge ng’ato manyalo siri.

Ayub 11:6

to da onyisi ni nitie yore mang’eny mag rieko, kendo nitie gik matut motamo dhano ng’eyo. Neye ni Nyasaye ok dew richoni moko!

Ayub 12:13

Jodongo nigi paro matut, Nyasaye to nigi paro matut, kaachiel gi teko monyalo timogo gimoro amora.

Ayub 15:13

ka mirima omaki gi Nyasaye, kendo ikwede gi weche mathoth?

Ayub 23:6

Bende Nyasaye digoya gi mbi, mi uth bucha? Ooyo, ang’eyo ni dowinj wachna.

Ayub 24:22

Nyasaye tieko joma rateke gi tekone, kendo omiyo joricho tho.

Ayub 25:2

“Nyasaye nigi teko mathoth, omiyo ji duto nyaka luore. Orito polo gi kue.

Ayub 28:23

Nyasaye kende ema ong’eyo yo madhi e rieko. Ee, mana en ema ong’eyo kuma iyudee,

Ayub 36:5

Mano kaka Nyasaye ratego! To kata kamano, ok ocha ng’ato, bende onge gima okia.

Ayub 37:23

Teko mar Nyasaye duong’ ma ok wanyal sudo machiegni kode. En jaratiro, kendo ong’ado ni ji bura makare.

Ayub 38:36

En ng’a ma nyiso okok ndalo ma aora Nael biro mwomoe genge? Koso en ng’a manyiso thwon gweno ni koth biro chue?

Ayub 38:37

Ng’ano mariek manyalo kwano boche polo, kendo manyalo leng’ogi mondo koth ochue,

Ayub 40:9

Bende iratego ka an adier? Koso dwondi bende chal gi mara ma mor ka polo?

Ayub 41:2

Koso inyalo rwako tol e ume, kata mako dhoge gi mbedo?

Ayub 6:10

kendo ka anyalo ng’eyo kamano, to da abedo mamor, kata obedo ni an gi rem machal nadi, nikech nyaka nene pok asedagi chik Nyasaye.

Ayub 9:19

Bende datem konyora githwon? To neye kaka oratego! Koso dadonjne? To ng’ama dichune mondo obi e bura?

Zaburi 104:24

A Ruoth Nyasaye, isechueyo gik mang’eny ahinya! Mano kaka ne ilosogi gi rieko matut! Piny opong’ gi gik misechueyo.

Zaburi 136:5

Ne ochueyo polo gi riekone. Herane mosiko ochwere.

Wuok 15:7

Kuom duong’ mar tekoni niloyo joma nopiem kodi. Mirimbi noliel ka mach, mowang’ogi ka tiang’.

Wuok 9:7

Kane Farao onono to nonyise ni onge chiach ja-Israel mane otho kata achiel. To kata kamano wiye ne pod tek, mi ne ok oyie mondo jo-Israel oa.

Ngeche 28:14

Ng’at ma pile oluoro Ruoth Nyasaye en jahawi. Ng’ama wiye tek to masira mako.

Ngeche 29:1

Ng’at ma wiye medo bedo matek, kata ka osekwere, nopo mana ka otur ma ok chomre.

Isaya 45:9

Ruoth Nyasaye Manyalo Gik Moko duto wacho niya, “Mano kaka ng’at mapiem gi jachuechne none malit! Ere kaka agulu dipiem gi ng’ama chueye? Bende lowo dipenj jachuech ni ere gima ochueyo? Koso gima osechue diwach ni jachuech niya, ‘Ikia tich’?

Jeremia 50:24

In Babulon, obadho mane achikoni kikia osemaki! Ne oyudi mi omaki nikech ne ipiem koda.

Daniel 2:20

“Nying Nyasaye opaki nyaka chieng’, nikech rieko duto kod teko gin mage.

Nahum 1:3

Iye ok wang’ piyo, to en gi teko mathoth. Chutho ok onyal weyo joricho mak okumo. En gi yore moluwo ei kalausi kendo ei ahiti, bende boche polo e buru monyono.

Jo-Rumi 11:33

Mano kaka mwandu mag Nyasaye dongo! Riekone kod ng’eyone tut manadi! Ere ng’ama nyalo ng’eyo tiend gik moparo? Koso ere ng’ama nyalo ng’eyo yorene?

1 Jo-Korintho 10:22

Wadwaro miyo Ruoth mirima koso? Koso waparo ni watek moloye?

Jo-Efeso 1:19

bende mondo ung’e teko maduong’ matiyo kuomwa, wan joma oyie kuome. Mano e teko maduong’

Jo-Efeso 1:8

ma Nyasaye oseolo kuomwa kuom ng’wonone ogundho! Kuom riekone gi ng’eyone,

Jo-Efeso 3:10

mondo koro kuom kanyakla mar jo-Kristo, omi joloch gi weg teko manie polo ong’e riekone mathoth mopogore opogore.

Jo-Efeso 3:20

Duong’ obed ni Nyasaye, manyalo timonwa gik moko duto moloyo kaka wakwayo kata kaka waparo, kuom tekone matiyo kuomwa.