Ayub 8:3 - MUMA MALER 2015

³ Nyasaye ok ng’ad buch amwor, to otimo mana gima kare.

Motingʼo Loko Manyien

³ Bende Nyasaye nyalo ngʼado bura ma ok nikare? Bende Jehova Nyasaye Maratego nyalo weyo timo gima kare?

Ayub 8:3 Iomraidhean Croise

Chakruok 18:25

Adier, ok dineg jomaonge ketho kaachiel gi joma nigi ketho. Ok inyal timo kamano, nikech kapo ni itimo kamano, to jomaonge ketho diyud mana kum maromre gi joma nigi ketho. To mano ok nyalre, nikech Jang’ad Bura mar piny ngima nyaka ng’ad bura kare.”

2 Weche mag Ndalo 19:7

Emomiyo tiuru kuluoro Ruoth Nyasaye. Ritreuru kuom gima utimo, nimar Ruoth Nyasaye ma Nyasachwa ok oyie gi ng’ado buch amwor kata buch nyakonchiel kata chamo asoya.”

Ayub 10:3

Bende en gima ber kibedo makwiny, kendo kijaro gima in iwuon ema ichueyo? To eka ibuonjo kineno rieko ma joma richo ng’ado!

Ayub 19:6

To Nyasaye ema oseng’adona bura ma ok ni kare, kendo en ema ochikona obadho mondo amokie!

Ayub 19:7

Ka agoyo nduru ni onega, to onge ng’ama dewo. Kata ka adwaro bura makare, to ok anyal yudo.

Ayub 21:15

In ng’a, ma dwatini? Koso ere gima dwayud kwalami?’

Ayub 21:20

Adier, joricho mondo okum kuom richogi giwegi, eka ging’e mirimb Nyasaye.

Ayub 34:5

Ayub wacho ni oonge gi ketho, kendo ni Nyasaye odagi timone adiera.

Ayub 35:13

Giywak kayiem, nimar Nyasaye Manyalo Gik Moko Duto ok winjgi, bende ok onen-gi.

Ayub 36:23

Onge ng’ama nyalo nyiso Nyasaye gima onego otim, kata manyalo kwere ni otimo marach.

Ayub 36:3

An gi rieko mathoth, omiyo abiro wacho gima ang’eyo, mondo anyisgo ni Nyasaye jachuechna timo mana gik makare.

Ayub 37:23

Teko mar Nyasaye duong’ ma ok wanyal sudo machiegni kode. En jaratiro, kendo ong’ado ni ji bura makare.

Ayub 4:17

‘Bende dhano nyalo bedo makare e nyim Nyasaye? Koso nitie ng’ato manyalo bedo maler e nyim Jachuechne?’

Ayub 40:2

Koro iyie weyo piem, koso in gi gima idwaro dwoko?

Ayub 40:8

In itemo nyiso ni bura ma aseng’ado ok ni kare? Koso idwaro nyiso ni an ema aseketho, mondo in ineri ka ng’ama ni kare?

Ayub 9:2

“Ee, ayie gi wecheni, to ere kaka dhano dilo Nyasaye gi bura?

Zaburi 89:14

Lochni otenore kuom tim makare kod ng’wononi. Hera gi adiera opong’o gik moko duto mitimo.

Zaburi 99:4

En Ruoth maduong’ mohero gik makare. Osekelo adiera e Israel, ma piny nyikwa Jakobo. Ee, osekelo tim maber gi bura makare.

Ezekiel 18:25

“Un uwacho niya, ‘Gima Ruoth Nyasaye timo ok ni kare.’ To koro winjuru, un jo-Israel. Un ema utimo gik ma ok ni kare, to ok an!

Ezekiel 33:17

“Jou wacho ni gima an Ruoth Nyasaye atimo ok ni kare! To chutho, gin ema timbegi ok ni kare.

Ezekiel 33:20

To un jo-Israel, pod uwacho ni gima atimo ok ni kare! Koro abiro ng’ado ni ng’ato ka ng’ato kuomu bura moromo gi timbene.”

Daniel 9:14

In Ruoth Nyasachwa nirito kinde mowinjore mondo ikumwae, mi bang’e koro isekumowa. Kuom timo kamano nitimo mana gima kare, nikech in ng’at makare, to wan ema ok wasewinji.

Jo-Rumi 2:5

To in wiyi tek, kendo itamori yie, omiyo ikano kum ni in iwuon ndalo mar mirima, tiende ni chieng’ ma Nyasaye noelie bura mare makare.

Rapar mar Chik 32:4

En lwanda, ma tichne long’o, nikech yorene duto ni kare. En Nyasaye ma jaadiera, kendo maonge ketho, ma timbene kare, kendo ma jaratiro.

Fweny 15:3

Ne giwero wend Musa jatich Nyasaye, kod wend Nyarombo, niya, “A Ruoth Nyasaye Manyalo Gik Moko Duto! Mano kaka tijeni dongo! A Ruodh ogendini, mano kaka yoreni kare kendo adier!

Fweny 16:7

Eka ne awinjo kendo-mar-misango kawacho niya, “Adier, in Ruoth Nyasaye Manyalo Gik Moko Duto, ing’ado bura madieri kendo makare!”