Ayub 5:12 - MUMA MALER 2015

¹² Oketho cheno mag jowuond,

Motingʼo Loko Manyien

¹² Oketho chenro mar joma paro timo timbe mamono mondo omi gik ma giparogo kik timre.

Ayub 5:12 Iomraidhean Croise

Zaburi 21:11

Kata obedo ni giparo yore maricho ma digitiekego, to obiro tamogi.

Isaya 8:10

Kata dabed ni uchano gik ma udwaro timo, to gik ma uchanogo nokethre. Adier, kata dabed ni ugolo chik mondo otimgi, to ok ginitimre, nikech Nyasaye ni kodwa.

Ngeche 21:30

Rieko gi ng’eyo kod paro matut, Ruoth Nyasaye ok kwan ka gimoro.

Zaburi 37:17

nimar Ruoth Nyasaye notiek joma timbegi richo, to norit joma beyo.

Tich Joote 12:11

Bang’ mano, Petro nofwenyo gima osetimorene, mowacho ni, “Koro ang’eyo ni en adier! Ruoth Nyasaye oseoro malaikane moresa kagola e teko Herode, kendo kuom gik moko duto mane jo-Yahudi dwaro timona.”

Nehemia 4:15

Kane wasikwa owinjo ni wasefwenyo gima gichano timo, kendo ni Nyasaye oseketho parogi, ne giweyowa, mi waduto ne wadhi nyime gi gedo.

Isaya 37:36

Malaika mar Ruoth Nyasaye nodhi monego jo-Asuria alufu mia achiel gi piero aboro gabich (185,000) e kambigi, kendo kane ji ochiew gokinyi, to ringre joma otho ema ne ginwang’o kopie piny.

Isaya 19:3

Chuny jo-Misri nonyosre, kendo anaketh rieko ma ging’ado, mi ginipenj nyiseche manono mondo onyisgi wach, bende ginidhi ir ajuoke mopogore opogore.

Ayub 15:5

Iwuoyo kamano nikech ing’eyo ni in jaricho, kendo idwaro mana wuondowa gi weche mamit.

Isaya 44:25

Ang’eyo jonabi mag miriambo kaachiel gi ranyisigi, bende akuodo wi ajuoke. Adwoko weche joma riek chien, kamiyo riekogi lokore gima nono.

Jeremia 8:8

“Ere kaka ginyalo wacho ni giriek kendo ging’eyo chikena, to jopuonj chik mag miriambo osegajo chikena?

Obadia 1:8

Ruoth Nyasaye owacho niya, “Chieng’ ma nakum piny Edom, anatiek jogi mariek, mi onge rieko ma nodong’ e piny gode mag Esau.

Chakruok 31:22

Bang’ ndalo adek, Laban nowinjo ni Jakobo osea,

1 Samuel 23:13

Omiyo Daudi nowuok gi joge duto mia auchiel, modhi kamoro amora mane ginyalo dhiye. Kane Saulo owinjo ni Daudi oseringo oa Keila, ne ok odhi kuno.

2 Samuel 11:9

To Uria ne ok odhi e ode, to nonindo mana but ranga dala ruoth, kaachiel gi jorit ruoth.

2 Samuel 17:14

Mi Absalom gi jo-Israel duto nowacho niya, “Rieko mar Hushai ja-Arki ber moloyo rieko mar Ahithofel.” To mano notimore nikech Ruoth Nyasaye nosechano mondo okel masira ni Absalom, komiyo rieko mar Ahithofel bedo kayiem nono.

2 Ruodhi 6:9

To ng’at Nyasaye nooro ni ruodh Israel wach, kanyise niya, “Kik iluw yorno, nikech jo-Aram obuto kuno.”

Nehemia 4:9

Kuom mano ne walamo Nyasachwa, kendo ne waketo askeche ma jorit odiechieng’ gotieno mondo ogeng’gi.

Ngeche 22:12

Orango mondo one ni bura ong’ad kare, to oketho buch ng’at ma jamriambo.

Jeremia 49:7

Ruoth Nyasaye Manyalo Gik Moko Duto nowuoyo kuom jo-Edom kama: “Rieko tinde orumo e piny Edom koso? Donge jorieko maggi ng’adonigi rieko? Koso tinde riekogi olal?