Ayub 42:2 - MUMA MALER 2015

² “A Ruoth Nyasaye, ang’eyo ni in gi teko duto, kendo inyalo timo gimoro amora midwaro.

Motingʼo Loko Manyien

² “Angʼeyo ni inyalo gik moko duto; onge chenroni ma ngʼato nyalo gengʼo.

Ayub 42:2 Iomraidhean Croise

Chakruok 18:14

Ruoth Nyasaye nomedo penje niya, “Bende nitie gimoro manyalo tama? Abiro duogo iri e kinde makama higa mabiro, kendo nanwang’ ka Sara osenywolo nyathi ma wuowi kaka asewacho.”

Ayub 23:13

Ok olokre, to bende onge ng’ama dipiem kode, kata ma ditame timo gima odwaro.

Ayub 25:2

“Nyasaye nigi teko mathoth, omiyo ji duto nyaka luore. Orito polo gi kue.

Ayub 42:1

Eka Ayub nodwoko niya,

Zaburi 135:6

Otimo gimoro amora mohero, e polo kata e piny, kendo e nembe koda ka kude matut.

Zaburi 139:2

Ing’eyo gik moko duto ma atimo. Adier, ing’eyo parona duto gi kuma bor!

Zaburi 44:21

to difwenyo, nikech in ing’eyo paro maling’ling’ mag ji.

Ngeche 19:21

Ng’ato nyalo chano gik mathoth, to dwaro mar Ruoth Nyasaye ema timore.

Eklesiastes 3:14

Ang’eyo ni gimoro amora ma Nyasaye otimo siko nyaka chieng’. Ok inyal medoe gimoro, bende ok inyal goloe gimoro. Osetimo kamano mondo dhano oluore.

Isaya 14:27

nimar ka Ruoth Nyasaye Manyalo Gik Moko Duto ema ochano gimoro to ere ng’ama ditame, kendo ka en ema orieyo bade to ere ng’ama dimi odwok bade piny?

Isaya 43:13

An e Nyasaye ma ok lokre nyaka chieng’. Gima amako onge ng’ama nyalo kawo, bende gima atimo, onge ng’ama nyalo ketho.”

Isaya 46:10

Anyiso giko mar gimoro mana e kinde ma ochakoree. Nyaka nene asebedo ka ahulo gik ma pok otimore, ka awacho niya, “Gima awacho nyaka timre. Omiyo abiro timo gimoro amora ma adwaro.”

Jeremia 17:10

An Ruoth Nyasaye amanyo paro mar dhano, kendo apimo rieko mag ji. Atimo ni ng’ato ka ng’ato mana kaka ochalo, kendo mana ka luwore gi timbene.

Jeremia 32:17

“A Ruoth Nyasaye! Ne ichueyo polo gi piny kod riekoni gi tekoni maduong’. Onge gima nyalo tami timo.

Ezekiel 38:10

Ruoth Nyasaye nomedo wacho ni Gog niya, “Ka kindeno ochopo, to inibed gi paro marach.

Daniel 4:32

Ibiro riembi ia kuom ji, kendo ibiro dak mana gi le, kichamo lum gi dhogi ka dhiang’ kuom higni abiriyo. Bang’e ining’e ni Nyasaye Maduong’ Moloyo ema nigi loch kuom pinje duto mae piny, kendo ni onyalo keto ng’ato ang’ata modwaro obed ruoth.”

Daniel 4:35

Ji ma odak e piny nenore ka gima tin e nyime, bende otimo gima en ema ohero gi ogendini mag polo kod ji manie piny. Onge ng’ama nyalo mone timo gima odwaro, kata mana penje gima otimo.”

Mathayo 19:26

Yesu nong’iyo wang’gi tir, mowachonigi niya, “Dhano ok nyal warore kende, to Nyasaye ema nyalo gik moko duto.”

Mariko 10:27

Yesu nong’iyo wang’gi tir, mowachonigi niya, “Dhano ok nyal warore kende, to Nyasaye ema nyalo gik moko duto!”

Mariko 14:36

Nowacho niya, “Baba! Wuora! In ema inyalo gik moko duto, gol kikombe mar masirani oa kuoma. To kik obed kaka an ema adwaro, to mana kaka in ema idwaro.”

Luka 18:27

To Yesu nodwokogi niya, “Gik ma dhano ok nyal, Nyasaye ema nyalo.”

Johana 21:17

Bang’e nopenje kendo mar adek niya, “Simon wuod Johana, ihera adier?” Petro noparore nikech mano koro ne penjo mar adek ni, “Ihera?” Omiyo nodwoke ni, “Ruoth in ing’eyo gik moko duto. Ing’eyo ni aheri.” Yesu nowachone ni, “Kwa romba.

Jo-Efeso 1:11

Nyasaye, mochano gik moko duto mondo obed kaka odwaro nyaka a chakruok, noyierowa wan jo-Yahudi mondo wabed joge owuon kuom Kristo.