Ayub 41:3 - MUMA MALER 2015

³ Bende dohombi mondo iweye odhi, kata kwayi mondo ing’wonne?

Motingʼo Loko Manyien

³ Bende nosik kokwayi ngʼwono? Bende onyalo wuoyo kodi kobolore?

Ayub 41:3 Iomraidhean Croise

Ayub 41:2

Koso inyalo rwako tol e ume, kata mako dhoge gi mbedo?

Ayub 41:4

Koso obiro loso kodi winjruok ni notini nyaka chieng’?

Zaburi 24:1

Ruoth Nyasaye e wuon piny ngima, kaachiel gi gik moko duto manie iye. Ji duto modakie bende mage.

Zaburi 55:21

En jambola, to chunye opong’ gi sigu. Adier, wechene yom ka mo, to kara gibitho mana ka ligangla mowuodhi e olalo!

Wuok 19:5

Koro ka unuluora murit singruok ma atimo kodu, to unubed joga awuon, ma aseyiero kuom ogendini duto; nikech piny duto en mara.

Ngeche 15:1

Dwoko mamuol ema kueyo mirima, to dwoko makwiny jimbe ajimba.

Ngeche 18:23

Jachan kawuoyo to ywagore. Jamoko to wuoyo mana gi gero.

Ngeche 25:15

Kihori mos gi weche mamuol to inyalo loko kata mana chuny ruoth matek manade. Lep mayom bende nyalo turo chogo.

Isaya 30:10

Giwacho ni jokor wach niya, ‘Kik une fweny.’ Jonabi to giwachonigi ni, ‘Kik ukor wach moro mar adiera, to kornwauru mana weche mamit mag wuondruok.

Hagai 2:8

An e wuon fedha, kendo an e wuon dhahabu.