Ayub 4:9 - MUMA MALER 2015

⁹ Nyasaye tiekogi gi mirimbe mager, mana ka gima yamb ahiti ema ogoyo, molalgo nono.

Motingʼo Loko Manyien

⁹ Itiekogi apoya nono gi much Nyasaye; kendo sa ma mirimbe obiro to gilal nono.

Ayub 4:9 Iomraidhean Croise

2 Ruodhi 19:7

nikech abiro miye chuny man gi kibaji, mi, kowinjo wach moro marach, to noring odog e pinye, kuma nami onegee.’ ”

Ayub 1:19

mi kalausi moa e thim ogoyo ot piny, monego nyithindi duto pep. An kenda ema atony, omiyo abiro mondo anyisi.”

Ayub 15:30

Kendo ok notony e masira. Enochal gi yath ma mach owang’o pote, kendo ma yamo okeyo thiepene.

Ayub 40:11

Eka irang jogo masungore, mondo iol kuomgi mirimbi mager, omi gibolre.

Ayub 40:13

Yikgi e lowo, mi ituegi e Piny Joma Otho.

Zaburi 18:15

Kane Ruoth Nyasaye okudho ka yamb nyakoyi, kendo okwero wasike, to mise mag piny noelore, kendo kude mag nam nofwenyore.

Wuok 15:10

To in, a Ruoth Nyasaye, nikudho muya achiel kende, mi nam oimogi, Ne ginimo ka nyinyo e apaka madongo.

Wuok 15:8

Much umi nomiyo pi ogingore, mi apaka nochung’ tir ka ohinga, kendo nam matut ne opoto nyaka pier pi piny

Isaya 11:4

To nong’ad bura gi adiera ni joma odhier, kendo nochwak joma muol kaka owinjore. Dhoge ema nobed luth mogoyogo joma timbegi mono. Ee, wachne ema noneggo joricho.

Isaya 30:33

To mach miwang’oe ringre joma otho ne oseik chon mondo owang’ie Molok, nyasach Asuria. Kendono duong’ ahinya, kendo odhurie yien mogundho. Much Ruoth Nyasaye ma chalo gi mach maliel ema biro moke.

Isaya 40:7

Lum ner, kendo maua two, ka much Ruoth Nyasaye okudhogi. Chutho, dhano chalo gi lum.

2 Jo-Thesalonika 2:8

Bang’e Ng’at Mochayo Chik nothinyre, to Ruoth Yesu nobi gi duong’ne duto, mi nonege gi muya moa e dhoge, kendo notiek tekone duto.

Fweny 2:16

Emomiyo lok chunyi! To ka ok ilokori, to abiro biro iri piyo, mi aked kodgi gi ligangla mawuok e dhoga!