Ayub 3:5 - MUMA MALER 2015

⁵ Odiechiengno mondo otim luoch kendo otim mudho mandiwa, ka boche polo oime, kendo wang’chieng’ oimore.

Motingʼo Loko Manyien

⁵ Mad odiechiengno otim luoch kendo mudho mandiwa oime; boche polo mondo oume; kendo wangʼ chiengʼ otim mudho.

Ayub 3:5 Iomraidhean Croise

Ayub 16:16

Aseywak mi wang’a oowore, kendo okuot ma ok anyal neno,

Ayub 24:17

Giluoro ler mar odiechieng’, to mudho ema gihero.

Ayub 28:3

Ji manyo kite kuonde motimo mudho ma ndiwa, kendo gidhi kuonde matut mondo gikunygie.

Ayub 3:4

Odiechingno mondo olokre mudho! Nyasaye man malo kik chak par odiechiengno! Ler bende kik chak rienyie.

Ayub 3:6

Mudho molil omwony otienono, mondo kik obed achiel kuom ndalo mag higa, kendo kik kwane ka achiel kuom ndalo mag due.

Ayub 34:22

kendo onge mudho kata mandiwa manadi, ma joricho nyalo pondonee.

Ayub 38:17

Bende ng’ato osenyisie dhorangeye mag Piny Joma Otho, kuma otimo mudho?

Zaburi 107:10

Joma moko to nodak e mudho, kendo e tipo mar tho. Ne gin joma thagore motue gi nyororo,

Zaburi 107:14

Ne ogologi oko e mudho, kendo e tipo mar tho, mi ochodo nyororo mane otuegigo.

Zaburi 23:4

A Nyasacha, kata obedo ni akadho e hoho mar tipo mar tho, to ok analuor gimoro, nikech in koda. Ludhi gi odungani ema hoya.

Zaburi 44:19

To kata kamano, ne ibolowa e kind ondiegi! Ee, ne ijwang’owa e mudho mandiwa mar tho.

Isaya 9:2

Ji ma wuotho e mudho none ler maduong’. Adier, ler norieny kuom jogo modak e piny motimo mudho mandiwa.

Jeremia 13:16

Miuru Ruoth Nyasaye ma Nyasachu duong’, ka pok okelo mudho, mi uchwanyoru e gode gotieno, kendo kapok oloko ler mugenono mudho mandiwa.

Jeremia 2:6

Ne ok gidewa, kata obedo ni ne aseresogi kagologi e piny Misri, mi atelonigi e thim, piny marach motwo ma masiche ng’enyie. Pinyno otimo gode gi bugni, ma onge ng’ama wuothoe, bende onge ng’ama odakie.

Jeremia 4:28

Ji duto modak e piny noywagi, kendo polo nolokre mudho. Ruoth Nyasaye osewacho, kendo ok nolok parone! Oseparo mogik, kendo ok nodog chien.

Ezekiel 30:3

nikech chieng’ masira chiegni! Adier, chieng’ Ruoth Nyasaye chiegni! Enobed odiechieng’ ma piny dudoe, kendo ma ogendini yudoe chandruok.

Ezekiel 34:12

mana kaka jakwath rito rombene mane olal moke, to ochako onwang’o. Abiro duogogi kagologi kuonde duto mane gikee, chieng’ masira mane piny otimo mudho.

Joel 2:2

Enobed chieng’ mudho machil, chieng’ mudho mandiwa kendo motimo rumbi. Rumbi maduong’ mar bonyo imo gode, kendo obiro mang’eny mana ka oganda jolweny marateke. Gima chal kodgi pok obetie, bende ok nobedie.

Amos 5:8

Ruoth Nyasaye ema nochueyo Yugni gi Ratego, kendo en ema omiyo piny ru kendo yuso. Oluongo pi nam mondo obi, kendo oologi e piny.

Amos 8:10

Anami sewni mau lokre ywak mar tho, kendo wendeu mag mor nolokre dengo. Anami urwak pien gugru uduto, kendo uliel wiu. Unuchal joma ywago wuodgi ma miderma, kendo chieng’no nobed malit adier.”

Mathayo 4:16

“Oganda mane odak e mudho oseneno ler maduong’. Adier, ler oserieny kuom joma ne obet e piny motimo tipo mar tho.”

Luka 1:79

mondo orieny kuom joma odak e mudho, kendo e tipo mar tho, kendo mondo otawa e yo mokue.”

Rapar mar Chik 4:11

Nusudo machiegni, mi uchung’ e tiend got. Got ne wang’ gi mach matundo e polo, e mudho mandiwa gi rumbi kod ong’weng’o mopoto.

Jo-Hibrania 12:18

Un ok uchal gi jo-Israel machon. Ok uchung’ e nyim gima unyalo mulo, kaka ne gichung’ e nyim got Sinai, kama mach kaknie, gi mudho mandiwa kod ong’weng’o, gi kalausi mager,