Ayub 27:5 - MUMA MALER 2015

⁵ E ndalo duto ma pod angima, ok nayie ni wecheu ni kare, to nasik kawacho ni aonge gi ketho.

Motingʼo Loko Manyien

⁵ Ok abi yie ngangʼ ni un kare; ok anasiki mana ka awacho ni aonge ketho nyaka atho.

Ayub 27:5 Iomraidhean Croise

Ayub 13:15

Kata bed ni Nyasaye biro nega, to onge wach! Pod abiro mana wacho wachna e nyime.

Ayub 17:9

Bende ji maparo ni gin joma ogen medo neno ni adier gin ema gin kare.

Ayub 2:3

Ruoth Nyasaye ne ochako openje niya, “Bende inenoe Ayub jatichna? Onge ng’at makare kendo maler kaka en e piny ngima, moluora kendo motang’ ni richo. Ne imiyo ayieni mondo iteme kayiem nono, to kata kamano pod ok oketho.”

Ayub 2:9

Eka chiege nopenje niya, “Pod iyie ayiea kuom Nyasachi? Ere gimomiyo ok inyal yanye mondo itho?”

Ayub 29:14

Pile asebedo jaadiera, kendo jang’ad bura makare, ka arwako adiera gi tim makare ka lepa.

Ayub 31:6

Nyasaye mondo opima e ratil makare, to obiro nwang’o ni an ng’at makare.

Ayub 31:7

Ka dipo ni aseweyo yo makare, mi richo oywaya, kata kapo ni richo omieno lweta,

Ayub 32:1

Bang’ mano, ji adekgo noweyo dwoko Ayub, nikech ne osiko koparo mana ni ok en jaketho.

Ayub 32:2

Eka ng’at moro ma nyinge Elihu ne mirima omako, nikech Ayub ne chwakore kende ni en kare, ni to Nyasaye e jaketho. (Elihu ne en wuod Barakel nyakwar Buz ma ja-Ram.)

Ayub 32:3

Mirima nomake bende gi osiepe Ayub adekgo, nimar dwoko Ayub malong’o notamogi, to mano ne miyo Nyasaye nenore ka jaketho.

Ayub 33:9

ionge gi ketho, kendo pok itimo gimoro marach, to ni iler, kendo ionge gi richo.

Ayub 42:7

Bang’e kane twak Ruoth Nyasaye gi Ayub oserumo, Ruoth Nyasaye nowacho ni Elifaz niya, “Akecho kodi kaachiel gi osiepeni ariyo, nikech un ne ok uwacho adiera kuoma, kaka jatichna Ayub notimo.

Ayub 6:29

Paruru ane, mondo uwe ng’adona bura marach. Weuru thaga, nikech an kare.

Ngeche 17:15

Kumo ng’at maonge ketho, kata weyo jaricho aweya, gin gik ma Ruoth Nyasaye mon-go.

2 Jo-Korintho 1:12

To gimoro achiel mamiyowa mor en ni: wang’eyo malong’o e chunywa ni adier mar Nyasaye ema osetelonwa e kindwa gi ji, to moloyo to wasebet kamano mana kuom ng’wono mar Nyasaye, to ok kuom rieko mar dhano.

Jo-Galatia 2:11

To kane Petro obiro Antiokia, ne akwere mana e wang’e, nikech kethone ne nenore ratiro.

Rapar mar Chik 25:1

“Ka ji ariyo larore e wach moro, mi gibiro mondo oyalgi, to nyaka jong’ad bura ng’ad nigi bura kare, ka giweyo ng’at ma onge gi ketho, to gikumo jaketho.