Ayub 26:12 - MUMA MALER 2015

¹² Tekone ema ne okweyogo nam, kendo riekone ema ne otiekogo Rahab ma ondieg nam.

Motingʼo Loko Manyien

¹² Ne ochoko pige mag nam gi tekre owuon; kendo kuom riekone ne otieko Rahab.

Ayub 26:12 Iomraidhean Croise

Ayub 12:13

Jodongo nigi paro matut, Nyasaye to nigi paro matut, kaachiel gi teko monyalo timogo gimoro amora.

Ayub 26:11

Ka omiyo polo omor, to mise mag polo tetni ka gima luoro omakogi.

Ayub 9:13

Mirimb Nyasaye osiko. Ne otieko wasike mane okonyo Rahab ondieg nam, kapiem kode.

Zaburi 29:10

Ruoth Nyasaye obet e kom duong’ne ewi ataro, korito piny kaka ruoth nyaka chieng’.

Zaburi 74:13

Ne ipogo nam gi tekoni mang’ongo, mi itoyo wiye mag ondiegi nam.

Isaya 2:12

Adier, Ruoth Nyasaye Manyalo Gik Moko Duto oseketo chieng, ma noyalie josunga ma kawore, mi oruch e buru.

Isaya 51:15

An e Ruoth Nyasaye ma Nyasachu, mamiyo nam gingore, mi apaka wuo. Nyinga en Ruoth Nyasaye Manyalo Gik Moko Duto.

Isaya 51:9

A malo! A malo! Jiw badi motegno, A Ruoth Nyasaye. Jiwri kaka nijiwori chon e ndalo mokadho. Donge in ema nichwowo Ondieg Nam miluongo ni Rahab, mi ing’ado matindotindo?

Jeremia 31:35

Ruoth Nyasaye ema miyo chieng’ rieny godiechieng’, kendo omiyo due gi sulue rieny gotieno. En ema otago pi nam, kendo omiyo apaka wuo. Nyinge en Ruoth Nyasaye Manyalo Gik Moko Duto.

Daniel 4:37

To koro, an Nebukadnezar apako Ruodh Polo kendo amiye duong’, nimar gimoro amora motimo ni kare. Pile ong’ado bura kare, kendo odwoko joma sungore piny.

Jakobo 4:6

To ng’wono ma Nyasaye ochiwo ni dhano duong’ moloyo nyiego. En mana kaka Muma owacho niya, “Nyasaye miyo joma muol ng’wono, to odagi josunga.”