Ayub 26:11 - MUMA MALER 2015

¹¹ Ka omiyo polo omor, to mise mag polo tetni ka gima luoro omakogi.

Motingʼo Loko Manyien

¹¹ Sirni mag polo yiengni kendo kokwerogi to gilingʼ thi.

Ayub 26:11 Iomraidhean Croise

2 Samuel 22:8

Piny notetni, kendo oyiengni. Mise mag polo bende notetni kendo okirni, nikech mirimb Ruoth Nyasaye

Ayub 15:15

Ka Nyasaye ok nyal geno kata mana malaika mage, kendo joma odak e polo bende nenore mana ma ok ler,

Ayub 26:10

Ne ogoro laini alwora e nam, mopogogo ler gi mudho.

Ayub 26:12

Tekone ema ne okweyogo nam, kendo riekone ema ne otiekogo Rahab ma ondieg nam.

Zaburi 18:7

Piny notetni kendo oyiengni. Mise mag gode bende notetni kendo okirni nikech mirimb Nyasaye.

Nahum 1:5

Gode madongo gi matindo tetni e nyime, kendo leny nono. Piny duto kod joma odakie bende tungni.

Nahum 1:6

En ng’a manyalo chomo mirimb Ruoth Nyasaye tir? Koso ere ng’ama nyalo siro gero ma en-go? Mirimbe o oko mana ka aora mar mach, kendo lwendni barore abara e nyime.

Hagai 2:21

“Nyis Zerubabel jatend Juda ni abiro yiengo polo gi pinyu.

2 Petro 3:10

To chieng’ Ruoth nobi mana ka jakuo, kendo chieng’ onogo polo nolal nono ka riadore matek, kendo gik mae kor polo nowang’ mi rum pep. Piny bende nolal kaachiel gi gik manie iye.

Fweny 20:11

Eka ne aneno kom duong’ mang’ongo marachar kod jal mobetie. Piny gi polo noringo oa e nyime mi olal nono.

1 Samuel 2:8

Ogolo jachan e buru, kendo oting’o ng’ama odhier a e pidh yugi, mondo omiye bedo e kom moyiedhi kaachiel gi ruodhi. Mise mar piny en mar Ruoth Nyasaye, kendo orenjo piny kuome.