Ayub 24:4 - MUMA MALER 2015

⁴ Gimono joma odhier yudo adiera monego giyudi, kendo gimiyo joma odenyo ringo pondo.

Motingʼo Loko Manyien

⁴ Gimono jochan yudo adiera kendo gimiyo jomodhier ringo pondo.

Ayub 24:4 Iomraidhean Croise

Ayub 24:14

Janek dhi nego ng’ama odhier ka pok piny oyawore. Otieno to odhi mecho.

Ayub 29:12

nikech ne akonyo joma odhier kod nyithi kiye maonge kuma chomo.

Ayub 29:16

to jochan ne abedonigi ka wuon-gi, kendo ne adok ni jodak ka ni e chandruok.

Ayub 30:25

Donge ne aywago joma thagore, kendo chunya ne lit ka aneno joma nigi chandruok?

Ayub 31:16

Pok asetamora konyo joma odhier, bende pok aweyo mond liete e thagruok marach,

Ayub 31:19

Kane ayudo ng’at ma jachan ma koyo nego, kendo ma onge gi lewni ma dorwaki,

Zaburi 109:16

nimar ne ok odewo bedo mang’won, to ne osando jodhier gi jochan kod joma ok nyal yudo kaka konyore, mi onego.

Zaburi 41:1

Ng’at ma konyo joma odhier en jahawi. Ruoth Nyasaye norese ka en e thagruok.

Ngeche 14:31

Ng’at ma sando jachan, to chayo mana Nyasaye mane ochueye, to ng’at ma kecho jachan ema miyo Nyasaye duong’.

Ngeche 22:16

Ka ithiro jochan mondo iyud mwandu, kata ka imiyo joma omew chiwo, to in ema ibedo jachan.

Ngeche 28:12

Ka joma kare nigi loch, to ji duto mor, to ka joricho e jotelo, to ji pondo aponda.

Ngeche 28:28

Ka joricho nigi loch, to ji pondo aponda, to ka girumo, to joma kare chako kawo loch kendo.

Ngeche 30:14

Nitie ji moko ma lekegi chalo ligangla. Gichamo joma odhier kod joma chandore duto manie piny, mi gitiek pep.

Isaya 10:2

Utamo joma odhier e adiera, kendo umayo joga ma jochan gik monego giyudi, bende uyako mond liete kod nyithi kiye.

Ezekiel 18:12

Othiro joma odhier, bende omecho, kendo otamore dwoko gima osingne. Olamo nyiseche manono, kendo otimo timbe modwanyore,

Ezekiel 18:18

Wuon mare nowuondo ji, kendo omecho, bende pile notimo ni ji duto timbe mamono. Omiyo en ema notho nikech richone.

Ezekiel 22:29

Ji ajia bende wuondo ji kendo mecho. Gisando joma odhier kod jopinje mamoko modak kuomgi.

Amos 2:7

Unyono jochan piny, kendo udhiro joma odhier oko e yo. Wuowi gi wuon mare dhi ir dhako achiel ma jachode mar Hekalu, ka gidwanyogo nyinga maler.

Amos 4:1

“Winjuru, un mond Samaria machwe ka dhok makwayo e lege momew. Uthago joma onge teko, kendo usando joma odhier, bende ng’ato ka ng’ato kuomu rungo chwore, ka wacho niya, ‘Kelna gima anyalo madho!’