Ayub 22:5 - MUMA MALER 2015

⁵ Ooyo, okumi mana nikech isetimo richo mang’eny ahinya, kendo mana nikech timbeni maricho okadhore.

Motingʼo Loko Manyien

⁵ Donge otimoni kamano nikech timbegi kod richo misetimo ngʼeny?

Ayub 22:5 Iomraidhean Croise

Ayub 11:14

Gol richo kuomi, kendo riemb timbe ma ok ni kare oa dalani.

Ayub 11:6

to da onyisi ni nitie yore mang’eny mag rieko, kendo nitie gik matut motamo dhano ng’eyo. Neye ni Nyasaye ok dew richoni moko!

Ayub 21:27

Ang’eyo parou, kendo ang’eyo gik maricho mudwaro hinyago.

Ayub 32:1

Bang’ mano, ji adekgo noweyo dwoko Ayub, nikech ne osiko koparo mana ni ok en jaketho.

Ayub 32:2

Eka ng’at moro ma nyinge Elihu ne mirima omako, nikech Ayub ne chwakore kende ni en kare, ni to Nyasaye e jaketho. (Elihu ne en wuod Barakel nyakwar Buz ma ja-Ram.)

Ayub 32:3

Mirima nomake bende gi osiepe Ayub adekgo, nimar dwoko Ayub malong’o notamogi, to mano ne miyo Nyasaye nenore ka jaketho.

Ayub 36:17

To koro sani iyudo kum moromo gi timni.

Zaburi 19:12

To ere ng’ama nyalo ng’eyo kethone owuon? Wena kethona mopondo.

Zaburi 40:12

Masiche mathoth olwora, kendo ging’eny mokadho akwana! Richona osehinga, omiyo koro ok anyal neno. Ging’eny mohewo yie wiya kendo chunya oseol.