Ayub 2:4 - MUMA MALER 2015

⁴ To Satan nodwoko ni, “Dhano nyalo yie weyo gimoro amora ma en go mana ni mondo obed mangima.

Motingʼo Loko Manyien

⁴ Satan nodwoko niya, “Dhano nyalo yie weyo gimoro amora ma en-go mana ni mondo obed mangima.

Ayub 2:4 Iomraidhean Croise

Chakruok 47:17

Omiyo ne gitero jambgi ni Josef, mi nomiyogi cham kar farese gi jamni kod kenje. Kamano e higano nomiyogi cham, to nokawo jambgi duto.

Chakruok 47:19

Ang’o momiyo watho e nyimi, to ineno, kendo lopwa bende kethore? Ng’iewwa kaachiel gi puothewa kuom chiemo mondo wabed wasumb Farao, kendo puothewa odok mage, miwa kodhi mondo kik kech negwa, mondo pwothewa kik kethre.”

1 Ruodhi 20:31

Jodonge nodhi ire, mowachone niya, “Wasewinjo ni ruodhi mag Israel ng’won. We mondo watue piende gugru e nungowa, kod tonde e ng’utwa, wadhi ir ruodh Israel, dipo koreso ngimani.”

Ayub 2:3

Ruoth Nyasaye ne ochako openje niya, “Bende inenoe Ayub jatichna? Onge ng’at makare kendo maler kaka en e piny ngima, moluora kendo motang’ ni richo. Ne imiyo ayieni mondo iteme kayiem nono, to kata kamano pod ok oketho.”

Ayub 2:5

To koro temie kimulo dende ane, ka dang’ ok okuong’i!”

Ngeche 13:8

Jamwandu nyaka warre gi mwandune, ka obwoge, momake. Jachan to onge gima bwogo.

Jeremia 41:8

To ji apar kuom jogo nosayo Ishmael, kawachone niya, “Kiyie to kik inegwa! Wan gi cham gi mor zeituni kod mor kich mwasepando e bungu.” Omiyo noweyogi, mi ok onegogi kaka ne onego jowadgi mamoko.

Mathayo 16:26

Ere ohala ma ng’ato nyalo yudo, konwang’o piny duto, to owito ngimane? Koso ang’o ma ng’ato nyalo chiwo kar ngimane?

Mathayo 6:25

“Mano emomiyo awachonu ni kik uparru kuom gima ducham kata ma dumadhi mondo ubed mangima, kata kuom lewni ma durwaki mondo uumgo dendu. Donge ngima duong’ moloyo chiemo? Koso ringruok donge oloyo law?

Luka 12:23

nikech ngima duong’ moloyo chiemo, kendo ringruok oloyo law.

Joshua 9:24

Ne gidwoke niya, “Ruoth, ne watimo kamano nikech nonyiswa ni Ruoth Nyasaye ma Nyasachi nochiko Musa jatichne ni mondo ochiwnu pinyni duto, kendo ni mondo uneg ji duto modakie. Kuom mano, birou osemiyo kihondko omakowa.