Ayub 2:3 - MUMA MALER 2015

³ Ruoth Nyasaye ne ochako openje niya, “Bende inenoe Ayub jatichna? Onge ng’at makare kendo maler kaka en e piny ngima, moluora kendo motang’ ni richo. Ne imiyo ayieni mondo iteme kayiem nono, to kata kamano pod ok oketho.”

Motingʼo Loko Manyien

³ Eka Jehova Nyasaye nopenjo Satan niya, “Dipo ka iseparo wach moro kuom jatichna Ayub? Onge ngʼat machielo e piny ngima machalo kode nikech olongʼo chuth kendo en ngʼama kare moluora kendo motangʼ ne richo.” Pod osiko mana gi berne mapile, kata obedo ni ne idonjone ira mondo atieke kaonge gimomiyo.

Ayub 2:3 Iomraidhean Croise

Chakruok 6:9

Ma e sigand Nowa: Nowa ne en ng’at makare. En kende ema ne oonge gi ketho e ndalogo, kendo nowuotho gi Nyasaye.

2 Samuel 20:20

Joab nodwoke niya, “Ooyo, ok adwar tiekogi kata ketho gimoro!

Ayub 1:1

Ne nitie ng’at moro ma nyinge Ayub, mane odak e piny Uz. Ne en ng’at makare kendo maler, mane oluoro Nyasaye, kendo otang’ ni richo.

Ayub 1:11

To koro sani temie kawo gik moko ma en go ka ane ka dang’ ok okuong’i e wang’i!”

Ayub 1:6

To kinde nochopo ma yawuot polo obiro e nyim Ruoth Nyasaye, kendo Satan bende ne ni kodgi.

Ayub 1:8

Eka Ruoth Nyasaye nochako openje ni, “Bende inenoe Ayub jatichna? Onge ng’at makare kendo maler ka en e piny ngima, moluora kendo otang’ gi richo.”

Ayub 13:15

Kata bed ni Nyasaye biro nega, to onge wach! Pod abiro mana wacho wachna e nyime.

Ayub 2:2

Ruoth Nyasaye nopenjo Satan ni, “Ia kanye?” Satan nodwoke ni, “Asebedo ka abayo abaya e piny, ka alworora koni gi koni.”

Ayub 2:4

To Satan nodwoko ni, “Dhano nyalo yie weyo gimoro amora ma en go mana ni mondo obed mangima.

Ayub 9:17

Okuma malit kuom gima onge ndhathe, kendo omedo goya kayiem.

Ayub 9:20

Kata obedo ni an kare, to dhoga awuon dindhoga, kendo gimoro amora ma dawachi dinere marach.

Zaburi 26:1

A Ruoth Nyasaye, nyis ni aonge gi ketho, nikech atimo mana gik makare, kendo ageno kuomi chuth.

Zaburi 37:37

To koro, kinono ng’at maber kata ng’ama kare, to ibiro nwang’o ni ng’at man gi kue nigi nyikwaye.

Zaburi 41:12

Inikonya nikech atimo gik makare, kendo iniketa buti nyaka chieng’.

Ngeche 11:8

Ng’at makare resore e chandruok. Jaricho to nyumore e masira.

Ngeche 13:6

Tim makare rito ng’at modimbore. Timbe maricho to tieko joricho.

Ngeche 14:2

Ng’at makare oluoro Ruoth Nyasaye. Ng’at ma achach to ochaye achaya.

Ngeche 15:8

Ruoth Nyasaye mor ka joma ber lame, to omon gi misengni ma joricho chiwone.

Ngeche 16:17

Yo ma joma beyo luwo bor gi richo, omiyo rang kama iluwo mondo ires ngimani.

Johana 9:3

Yesu nodwokogi ni, “Jali ne ok onywol muofu nikech richone owuon, kata nikech richo mag jonywolne, to nonywole muofu mana ni mondo ji one teko mar Nyasaye kichange.

Jo-Filipi 3:12

Ok awach ni asechopo, kata ni asebedo makare chuth, to atemo matek ka ageno ni abiro mako gima ne omiyo Kristo Yesu owuon omaka.

Jakobo 1:12

Ng’at ma nano ka iteme en jahawi, nikech koseloyo tem to noyud osimbo mar ngima ma Ruoth nosingore ni nomi jogo mohere.

1 Petro 1:7

Gik makamago timore mondo otemugo one ane ka un gi yie maradier. Kata mana dhahabu ma nyalo kethore bende itemo gi mach. Omiyo yie maru, ma nengone tek moloyo dhahabu, nyaka tem mondo ong’ego ka en yie maradier. Eka nuyud pak gi duong’ kod luor, chieng’ ma Yesu Kristo ofwenyore.

1 Petro 5:10

To ka usenwang’o chandruok kuom kinde matin, to Nyasach ng’wono duto, ma oseluongou kuom Kristo e duong’ne mochwere, noduog chunyu, mi miu teko, kendo omiu chuny motegno, koketou e mise ma ok yiengni.