Ayub 17:8 - MUMA MALER 2015

⁸ Ji maparo ni gin joadiera kibaji omako, kendo giduto giwacho ni aonge gi Nyasaye.

Motingʼo Loko Manyien

⁸ Joma paro ni gin joma kare kibaji omako; kendo joma paro ni ler wacho ni ok angʼeyo Nyasaye.

Ayub 17:8 Iomraidhean Croise

Ezra 9:3

Kane awinjo wachno, nayiecho lawa kod abolana, mapudho yie wiya gi yie tika, kendo nabet piny ka dhoga omoko.

Ayub 22:19

Ka joma beyo oneno ka ikumo joma timbegi richo, to gibedo mamor, kendo joma onge ketho bende nyiero.

Ayub 34:30

Bende onge gima ogendini ditim mondo kik gibed e bwo loch joma thirogi.

Zaburi 37:1

Kik chunyi chandre nikech timbe joma richo, bende kik iwe nyiego maki gi joma timo richo.

Zaburi 73:3

nikech nyiego ne omaka gi josunga, ka aneno kaka joricho mew.

Eklesiastes 5:8

Ka ineno ka piny moro sando joge modhier, ka timonigi marach, kendo tuonogi gik monego giyudi, to kik ibuogi, nimar jatelo ka jatelo nigi ng’at moloye gi duong’, kendo giduto bende gin gi joma dongonigi.

Habakuk 1:13

In to iler ma ok inyal yie neno richo, kata yie neno timbe mamono. Koro ere gima omiyo irango aranga joma andhokegi, to ok itim gimoro? Koso ang’o momiyo iling’ aling’a ka joma richo tieko joma kare moloyogi.

Tich Joote 13:46

To Paulo gi Barnaba ne jomedo wuoyo gi chir moloyo, ka giwacho ni, “Un ema owinjore kwong landnu Wach Nyasaye. To kaka usedage, kendo ok une ni uwinjoru gi ngima ma nyaka chieng’, koro wabiro weyou mondo wadhi ir ogendini ma ok jo-Yahudi,

Jo-Rumi 11:33

Mano kaka mwandu mag Nyasaye dongo! Riekone kod ng’eyone tut manadi! Ere ng’ama nyalo ng’eyo tiend gik moparo? Koso ere ng’ama nyalo ng’eyo yorene?