Ayub 14:2 - MUMA MALER 2015

² Odongo kendo onur piyo, mana ka maua, bende olal nono ka tipo makadho.

Motingʼo Loko Manyien

² Odongo piyo piyo ka maua bangʼe to oner; mana ka tipo makadho ma ok siki.

Ayub 14:2 Iomraidhean Croise

1 Weche mag Ndalo 29:15

Wan mana welo kendo jodak e nyimi, kaka kwerewa bende nobet. Ndalowa e piny ka, chalo gi tipo makadho, kendo waonge kar dak mosiko.

Ayub 15:33

Enochal gi yadh mzabibu ma olembe lwar ka pok ochiek, kendo mana ka yadh zeituni ma ok nyag olemo.

Ayub 4:20

Dhano nyalo bedo kangima gokinyi, to otho apoya ka pok ochopo odhiambo.

Ayub 8:9

Wan to, ndalowa nok ahinya, omiyo ok wanyal ng’eyo gimoro, kendo wan ngimawa e pinyni rumo piyo mana ka tipo makadho.

Zaburi 102:11

Ngimana kadho piyo mana ka tipo mar odhiambo, kendo achalo gi lum maner.

Zaburi 102:12

To Ruoth Nyasaye, in ruoth nyaka chieng’ kendo tienge duto nopari.

Zaburi 102:5

Achur matek, kendo adong’ mana choke lilo.

Zaburi 144:4

En mana gima nono ka yamo makudho, kendo ndalone ringo piyo ka tipo makadho.

Zaburi 37:2

Piyopiyo nono gibiro lal ka lum motwo. Ee, gibiro tho ka oboke ma ner.

Zaburi 39:5

Mano kaka isemiya ngima machiek manadi! Hika tin e nyimi miwuoro! Adier, dhano en mana gima nono ka yamo makudho.

Zaburi 39:7

A Ruoth Nyasaye, koro ere gima anyalo geno? Genona duto aketo kuomi.

Zaburi 92:12

Joma kare nokar ka yiend othith. Ginidongi mana ka yiend sida man Lebanon.

Zaburi 92:7

joma timbegi mono dongo ka buya, kendo joricho dhi nyime maber, to kata kamano, notiekgi duto chuth,

Eklesiastes 8:13

to joma timbegi mono ok dhi nyime maber. Ngimagi chalo mana gi tipo makadho, kendo ginitho kapod gitindo, nikech ok giluoro Nyasaye.”

Jakobo 4:14

Ukia gima kiny notimre kiny! Uparo ni ngimau en ang’o? Donge un mana ong’ueng’o mineno kuom kinde matin, to bang’e lal nono?

1 Petro 1:24

En mana kaka Muma wacho ni, “Dhano duto chalo gi lum, kendo duong’ duto ma en-go chalo gi thiepe lum. Lum ner, kendo thiepe two.