Ayub 12:4 - MUMA MALER 2015

⁴ Koda ka osiepena nyiera anyiera, kata obedo ni an ng’at makare kendo ma onge ketho, to chon an ema ne Nyasaye dwoko lemona.

Motingʼo Loko Manyien

⁴ “Asedoko gima inyiero e dier osiepena, kata obedo ni an ngʼama kare kendo maonge ketho; to chon an ema ne Nyasaye winjo ywakna kendo dwoka!

Ayub 12:4 Iomraidhean Croise

Ayub 11:3

In Ayub, iparo ni wecheni mang’enygo nyalo miyo ng’ato ling’? Kata kiwacho weche mag ajara, to ok dikweri koso?

Ayub 12:5

Yot ni joma onge gi thagruok chayo joma thagore, kendo goyo ng’at ma chiegni podho.

Ayub 13:18

Aikora mar yalo, nikech ang’eyo ni achung’ e adiera.

Ayub 16:10

Ji ng’amo dhogi, ka gidwaro chama, bende ginur kuoma, bende githalo lemba.

Ayub 16:20

Adwaro mondo ywakna ochop e nyim Nyasaye, kendo owinj lemona.

Ayub 17:2

Chunya lit ka aneno kaka ji tugo koda seche duto.

Ayub 17:6

To koro an ema gigoyona ngerono! Omiyo ka ji owinjo kamano, to gibiro ira, kendo ging’udho wang’a olawo.

Ayub 21:3

Miyauru thuolo mondo awuo, to ka asetieko, to unyalo chara achara kaka uhero!

Ayub 30:1

“To tinde koda ka joma tindo jara. Wuonegi to joma nono, mane ok nyal yienigi kata mana konyo guogi rito jamba.

Ayub 30:9

To koro gin ema gibiro ka, kendo ginyiera,’ kendo achalonigi mana ka gima itugogo.

Ayub 34:7

Bende usenenoe ng’at machal gi Ayubni?

Ayub 6:29

Paruru ane, mondo uwe ng’adona bura marach. Weuru thaga, nikech an kare.

Ayub 9:21

Aonge gi ketho, to koro ok adew! Asin gi ngima mar pinyni, nikech pogruok onge,

Zaburi 35:16

Ne gisanda ka gigoyona siboi, kendo ka ging’iya gi wang’ marach.

Zaburi 91:15

Ka giywakna, to nadwokgi, kendo ka gin e chandruok, to anabed kodgi. Anaresgi, kendo anami gibed joma oluor.

Ngeche 14:2

Ng’at makare oluoro Ruoth Nyasaye. Ng’at ma achach to ochaye achaya.

Jeremia 20:7

“A Ruoth Nyasaye, ne iwuonda, mi iwuonda adier. In itek moloya, omiyo ne ihewa. Ji duto tugo koda kendo ginyiera odiechieng’ duto.

Jeremia 33:3

In Jeremia awachoni niya, ‘Luonga, to abiro dwoki, kendo ananyisi gik madongo kendo malich ma ok ing’eyo.’

Mika 7:7

An to abiro manyo Ruoth Nyasaye. Abiro rito Nyasaye jawarna, kendo Nyasacha biro winjo wachna.

Mathayo 27:29

Bende ne giloso osimbo mar kudho mi gisidhone e wiye. Eka ne giketo luth e lwete korachwich, ka gichare, kendo giwachone niya, “Ruodh jo-Yahudi mondo odag aming’a!”

Mathayo 9:24

Nowachonigi niya, “Wuoguru uduto! Nyako ok otho, to onindo aninda.” To giduto ne ginyiere anyiera.

Mariko 5:40

Kane giwinjo kamano, ne ginyiere anyiera, to nogologi duto oko. Eka nokawo wuon nyathi gi min mare, kod joma ne en-go, mi odonjo e ot, kuma ne nyathi nitie.

Luka 16:14

Jo-Farisai, ma gin joma ohero pesa ahinya, nowinjo wechego duto, mi onyiere anyiera.

Tich Joote 17:32

Kane giwinjo kaka Paulo wuoyo kuom tho mar joma otho, moko kuomgi nojare, to moko nowachone ni, “Yie iwachnwae wachni kendo, mondo wawinji.”

Jo-Hibrania 11:36

Jomoko ne oyany kendo ochwadi, to jomoko ne otue mi oketi e jela.