Ayub 10:9 - MUMA MALER 2015

⁹ A Nyasaye, par ni ne ichweya kuom lowo, to bende didwoka e lowo adier?

Motingʼo Loko Manyien

⁹ Parie ni ne ichweya koa kuom lowo. Koro sani, diduoka kendo e lowo adier?

Ayub 10:9 Iomraidhean Croise

Chakruok 2:7

Eka Ruoth Nyasaye nokawo lowo monywaso, kendo ochweyogo dhano. Nokudho much ngima e um dhano, mi dhano nobedo gi ngima.

Chakruok 3:19

Inicham kuon gi luya, nyaka idog e lowo, nikech kanyo ema ne ogolie. In lowo, kendo lowo ema nidogie.”

Ayub 10:10

Ne imiyo wuora teko mondo onywola, mi imiyo adongo ei mama.

Ayub 17:14

Ka awacho ni liel ni, ‘In e wuora,’ kata ka awacho ni kudni machamagi ni, ‘Un mama gi nyiminena,’

Ayub 33:6

In Ayub, wachalre kodi e nyim Nyasaye, nimar waduto ne ochwewa mana gi lowo.

Ayub 34:15

to ji duto mangima ditho ka diemo wang’, mi lokre buru kendo.

Ayub 4:19

koro ere kaka dogen dhano ma ochwe mana gi lowo, kendo molos mana gi buru, ma inyalo ng’inyo ka oguyo?

Ayub 7:21

In donge diwenae richona? Koso ok ding’wonnae timbena maricho? Piyopiyo nono, abiro nindo e liel, kendo ka imanya, to ok niyuda.”

Ayub 7:7

A Nyasaye, par ni ngimana chalo yamo, kendo morna oserumo.

Zaburi 103:14

En ong’eyo gima ochuewago. Ong’eyo ni wan mana buru.

Zaburi 104:29

To ka ipandonigi wang’i, to githagore, bende ka igolo muchi kuomgi, to githo, mi gidog e lowo kuma ne giaye!

Zaburi 106:4

A Ruoth Nyasaye, para, chieng’ mikonyo jogi, mondo abed achiel kuomgi kiwarogi.

Zaburi 22:15

Tekra oduono motwo ka balatago, kendo lewa omoko e danda. Iseweya e buru ka ng’ama otho.

Zaburi 25:18

Par thagruok kod lit ma an go, kendo iwenae richona duto.

Zaburi 78:39

Ne ong’eyo ni ne gin mana ji matho, machalo yamo makudho kendo kadho.

Zaburi 89:47

Parie kaka ngima dhano chiek, kendo kaka ji duto nichueyo ni nyaka tho.

Zaburi 90:3

Idwoko dhano e lowo, kiwacho niya, “Doguru un koth dhano.”

Eklesiastes 12:7

Ringrewa biro dok e lowo, kendo muya mar ngima biro dok ir Nyasaye mane omiyowago.

Isaya 45:9

Ruoth Nyasaye Manyalo Gik Moko duto wacho niya, “Mano kaka ng’at mapiem gi jachuechne none malit! Ere kaka agulu dipiem gi ng’ama chueye? Bende lowo dipenj jachuech ni ere gima ochueyo? Koso gima osechue diwach ni jachuech niya, ‘Ikia tich’?

Isaya 64:7

Onge ng’ama lami, kata matemo mondo opadre kuomi, nikech ipandonwa wang’i kendo ijwang’owa e richowa.

Isaya 64:8

To kata kamano, A Ruoth Nyasaye in e wuonwa. Wan lop chuech, to in e jachwechwa, kendo wan duto wan tich lweti.

Jeremia 18:6

“Donge un jo-Israel anyalo timou mana gima jachuech timo gi lowo? Ng’euru ni unie tekona, mana kaka lowo ni e teko jachuech. An Ruoth Nyasaye ema awacho kamano.

Jo-Rumi 9:21

Donge jachuech nigi teko mar timo atima gima ohero gi lowo? Koso donge lowo achiel onyalo chueyogo agulni ariyo, ma achiel itiyogo tich mogen, to machielo itiyogo tich aticha?

2 Jo-Korintho 4:7

To wan ma wan gi mwandu mar chuny, wachalo mana agulini mag lowo, mondo onenre ni teko maduong’ ahinyano oa kuom Nyasaye, to ok oa kuomwa wawegi.