Ayub 1:8 - MUMA MALER 2015

⁸ Eka Ruoth Nyasaye nochako openje ni, “Bende inenoe Ayub jatichna? Onge ng’at makare kendo maler ka en e piny ngima, moluora kendo otang’ gi richo.”

Motingʼo Loko Manyien

⁸ Eka Jehova Nyasaye nowachone Satan niya, “Dipo ka iseparo wach moro kuom jatichna Ayub? Onge ngʼato machielo e piny ngima machalo kode nikech olongʼo kendo ngʼama kare en ngʼat moluora kendo motangʼ ne richo.”

Ayub 1:8 Iomraidhean Croise

2 Ruodhi 23:25

Onge ruoth moro kata achiel mane oluwo Ruoth Nyasaye gi chunye duto, kod tekone duto, komako chike duto mag Musa, kaka Josia notimo.

Nehemia 5:15

Jotelo ma nokwongona noketo ni ji ting’ mapek, ka gikawo kuomgi chiemo kod divai ma nengogi ne romo nus kilo mar fedha odiechieng’ kodiechieng’. To bende jotichgi ne thago ji, to an ne ok atimo kamano, nikech naluoro Nyasaye.

Ayub 1:1

Ne nitie ng’at moro ma nyinge Ayub, mane odak e piny Uz. Ne en ng’at makare kendo maler, mane oluoro Nyasaye, kendo otang’ ni richo.

Ayub 12:4

Koda ka osiepena nyiera anyiera, kata obedo ni an ng’at makare kendo ma onge ketho, to chon an ema ne Nyasaye dwoko lemona.

Ayub 2:1

Kane kinde ochopo ma yawuot polo ochako obiroe e nyim Ruoth Nyasaye, Satan bende ne ni kodgi.

Ayub 2:3

Ruoth Nyasaye ne ochako openje niya, “Bende inenoe Ayub jatichna? Onge ng’at makare kendo maler kaka en e piny ngima, moluora kendo motang’ ni richo. Ne imiyo ayieni mondo iteme kayiem nono, to kata kamano pod ok oketho.”

Ayub 34:14

Ka da bed ni Nyasaye nyalo kawo muche machiwo ngima,

Ayub 8:20

Nyasaye to ok jwang’ joma ogeno kuome, to bende ok okony joma timbegi richo.

Zaburi 18:23

Aonge gi ketho e nyim Ruoth Nyasaye, kendo aseritora kuom richo.

Zaburi 34:14

Weuru timo richo, to timuru mana gik mabeyo. Dwaruru kue e kinde duto, mi uluw.

Zaburi 36:1

Richo wuoyo gi jaricho e chunye kuma tut. Jaricho ok oluoro Nyasaye kata matin.

Zaburi 37:27

We timo richo, mondo ibed ng’ama ber, eka inidag e piny nyaka chieng’,

Zaburi 84:11

Ruoth Nyasaye e ohinga ma wageng’orego kendo e okumbawa. En ema oguedhowa gi ng’wono kod duong’. Ok otuon joma timo gik makare gimoro amora maber.

Zaburi 89:20

Aseyiero Daudi jatichna, mi awire gi mo ka akete ruoth.

Ngeche 8:13

Luoro Ruoth Nyasaye en bedo mamon gi richo. An amon gi sunga kod wang’teko, kaachiel gi timbe mamono kod weche mag miriambo.

Isaya 1:16

nikech lwetu otimo remo. Lwokreuru mondo ubed maler, bende goluru timbeu mamono oko e wang’a,

Isaya 42:1

Neuru! Ma e jatichna ma atayo. En ng’at ma aseyiero, kendo ma chunya morgo. Aseketo roho mara kuome, omiyo obiro kelo adiera ni ogendini.

Ezekiel 40:4

Ng’atno nowachona niya, “Wuod dhano, rang maber, kendo chik iti malong’o, mondo iwinj weche duto ma abiro wachoni, nimar mano ema omiyo osekeli ka. Bang’e idhi inyis jo-Israel gimoro amora ma iseneno ka.”

Kwan 12:3

(To ka iwacho adier, Musa ne en ng’at mamuol ahinya moloyo ji duto manie piny.) Ruoth Nyasaye nowinjo kaka jogo kuodhe,

Johana 1:47

Kane Yesu oneno Nathaniel kabiro ire, nowacho ni, “Neuru! Ja-Israel hie e cha biro. En ng’ama kare, ma onge miganga.”

Joshua 1:2

“Musa jatichna osetho. Omiyo ikri gi jo-Israel duto mondo ung’ad aora Jordan, udhi e piny mamiyou.

Joshua 1:7

To bed mana gi chir, kendo gi jing’o, kiluwo chik duto mane Musa jatichna omiyi. Kik iwe chikno, kibaro koracham kata korachwich, mi inibed gi hawi kuonde duto midhiye.