1 Samuel 8:8 - MUMA MALER 2015

⁸ Gima koro gitimoni, en gima gisebedo ka gitimona, chakre ndalo mane agologie Misri nyaka chil kawuono, ka giweya, kendo gitiyo ni nyiseche mamoko.

Motingʼo Loko Manyien

⁸ Mana kaka gisebedo ka gitimo chakre ndalo mane agologi e piny Misri nyaka koroni, kagiweya kendo gitiyo ni nyiseche mamoko, ema koro in bende gitimoni.

1 Samuel 8:8 Iomraidhean Croise

Wuok 32:1

Kane ji oneno ni Musa osedeko e got, kapok olor piny, ne gichokore kuom Harun, mi giwachone niya, “Bi ilosnwa nyasaye mondo otelnwa, nikech wakia gima osetimo ng’at ma Musano, mane ogolowa e piny Misri.”

Jong’ad Bura 13:1

Timbe jo-Israel nochako odoko maricho e nyim Nyasaye, omiyo noketogi e lwet jo-Filistia kuom higni piero ang’wen.

Jong’ad Bura 6:1

Timbe jo-Israel nochako obedo maricho e nyim Ruoth Nyasaye mi nochiwogi e lwet jo-Midian kuom higni abiriyo.

Jong’ad Bura 4:1

Bang’ tho Ehud, timbe jo-Israel nochako obedo maricho e nyim Ruoth Nyasaye,

Jong’ad Bura 2:20

Kuom mano, Ruoth Nyasaye nokecho gi jo-Israel, mowacho niya, “Ogandani oseketho singruok mane atimo ni kweregi, kendo ok gisemako chikna.

Rapar mar Chik 9:24

Usebedo kudagi Ruoth Nyasaye chakre chieng’ mokwongo mane ang’eyoue.

Kwan 16:41

To kinyne oganda duto mar Israel nong’ur ni Musa gi Harun, ka giwachonigi gisemiyo jo Ruoth Nyasaye moko otho.

Wuok 17:2

Mano nomiyo ji odhaw gi Musa, ka giwachone niya, “Miwa pi wamodhi!” Musa nodwokogi ni, “Marang’o udhaw koda? Ang’o momiyo utemo Ruoth Nyasaye?”

Wuok 16:3

ka giwacho niya, “Mad ne Ruoth Nyasaye negwa e piny Misri, kuma ne wanyalo betie piny gi tap ring’o e nyimwa, mwachiem mana kaka wadwaro. To koro usekelowa e thimni mondo kech onegwa waduto!”

1 Samuel 8:7

to Ruoth Nyasaye nowachone niya, “Winj gima ji wachoni. Ok in ema gidagi, to an ema gisedaga, ni kik abed ruodhgi.

1 Samuel 8:9

Emomiyo koro, winj gima giwachoni. To kata kamano, siemgi matek, kendo nyisgi kaka ruoth biro ritogi.”

Jeremia 34:14

‘Higni abiriyo ka higni abiriyo onego ng’ato ka ng’ato kuomu owe ja-Hibrania moro amora mane ong’iewo ka misumba, kendo mosetiyone kuom higni auchiel.’ To kwereu ne ok nyal winja, kata rito chikna ne ok girito.

Ezekiel 2:3

“In wuod dhano, aori ir jo-Israel ma oseng’anyo mopiem koda. Kaka kweregi nopiem koda, e kaka gin bende koro gipiem koda.

Zaburi 78:8

Ok onego gichal gi kweregi mane wigi tek, kendo mane odagi luoro Nyasaye. Ne gin joma chunygi yomyom, kendo ma ok ogeno kuom Nyasaye.